कोरोना अस्पतालमा बुटवलका थप एक संक्रमितको मृत्यु

बुटवल । बुटवलको कोरोना विशेष अस्पतालमा थप एक संक्रमितको मृत्यु भएको छ । मृत्यु हुनेमा बुटवल उपमहानगरपालिका–३ का ६५ वर्षीय पुरुष रहेका छन् ।

लुम्बिनी प्रादेशिक अस्पतालका सूचना अधिकारी डा. विष्णु गौतमका अनुसार ती पुरुषमा ज्वरो, प्रेसर, कलेजोमा समस्या र स्वासप्रश्वासमा समस्या रहेको जानकारी दिए । भदौ २७ गते कोरोना विशेष अस्पतालको सघन उपचार कक्षमा भर्ना भएका ती पुरुषको आइतबार बिहान ११ बजे मृत्यु भएको अस्पताल प्रशासनले जनाएको छ ।