२ भाद्र २०७९, बिहीबार

Aug 18, 2022

परासी । जिल्लाको रामग्राम १५ सुक्रौली स्थित तुरिया सिंचाई आयोजनाले सिंचाई गर्न थाले पछि स्थानीय कृषक खुशी भएका छन् । सरकारले चुरेबाटै बग्ने खोला नालाका पानी उपयोगमा ल्याउने गरि नीति लिई सिंचाई प्रणालीको निर्माण गरेपछि स्थानीय कृषक सिंचाई गर्न पाए पछि हर्षित भएका हुन् । सुनवलको चुरे क्षेत्रबाट बग्ने तुरिया खोलामा बाँध निर्माण गरि सतही सिंचाई हुन थाले पछि कृषकको बालीनाली उत्पादनमा लागत घट्नुका साथै अकाशे पानीको भर पर्न नपरेको स्थानीयहरु बताउँछन् । पहिला पनि खोलाको पानीले सिञ्चाई गरिएपनि पम्पिङ्गसेट प्रयोग गर्न पथ्र्यो । तर,बाँध निर्माण भए पछि अहिले खेतमा सतही सिंचाई हुन थालेको स्थानीय कृषक बैजनाथ कोइरी भन्छन्, तुरिया सिंचाइले बर्षायामको बेला बेलैमा धानको बिउ राख्न पाएका छन् । हिउँदमा पनि खेतमै पानी जाने कुलो र नालाहरुमार्फत पुग्ने गरेको छ । यसले उत्पादन वृद्धि भएको छ ।’ यो सिचाई प्रणालीले सुक्रौली,हकुई,लंकहवा लक्ष्मिपुरसम्मका किसानले राहत महशुस गरेका छन् ।

चुरेबाट बग्ने प्रत्येक खोलाको पानी उपयोग नीति बनाई सिंचाईमा प्रयोग गरिने गरी लुम्बिनी प्रदेश सरकारका प्रवतmा तथा भौतिक पूूर्वाधार विकास मन्त्री वैजनाथ चौधरीले बताएका थिए । सोही नीतिको आधारमा अहिले तुरिया खोलाको विभिन्न स्थानमा बाँध बनाई सिचाई गर्ने योजनाहरु निर्माणको क्रममा रहेको छ,भने सुक्रौली स्थित योजना सञ्चालनमा आइ सकेको उनको भनाई थियो । तुरिया खोलाकै अन्य स्थानमा कहाँ कहाँ यस्ता सिचाई प्रणाली बनाउन सकिन्छ ? भनेर अध्ययन पनि भई रहेको छ । सतही रुपमा सिचाई गर्न सके सहती सिचाई नभए लिफ्ट हालेर पनि सिचाई आयोजना बन्ने छ ।

चुरेबाट बग्ने यस्ता खहरे खोलाको पानी बगेर भारत तर्फ जाने गरेको थियो । पानी बगेर जाँदा स्थानिय स्तरमा हिउँद महिनामै खोला सुख्खा हुने गरेको थियो । तर खोलाको पानी सिंचाईमा उपयोग गर्दा बाँध निर्माण गर्न परेको छ । त्यो बाँधले सिचाई मात्र नभई पानी जम्मा हुदा वातावरणीय क्षेत्रमा पनि अनुकुल प्रभाव परेको छ । भूमिगत पानीको अवस्था कायम राख्न जमिन रिचार्ज भएको छ । जलचरहरुको बास स्थान बनेको छ । गाईबस्तु,चराचुरुगीँलाई पानी खाने वातावरण बन्न पुगेको हुदा यस्तो आयोजनाले प्रत्यक्ष कृषकलाई मात्र नभई जलवायु अनुकुलनमा अप्रत्यक्ष फाईदा पुर्याउने गरेको मन्त्री चौधरीको तर्क थियो । उनका अनुसार तुरियासंगै जिल्लाका झरही,खजुरा लगायतका अन्य खोलामा पनि सिचाई सम्भाब्यता अध्ययन भईरहेको छ ।

Advertisement

प्रतिकृया दिनुहोस्

Flash News

प्लास्टिक झोला प्रतिबन्ध : कार्यान्वयनमा चूनौतीपूर्ण पूर्व-पश्चिम राजमार्गमा बसको ठक्करबाट अटो रिक्सामा सवार ३ जनाको मृत्यु, एक घाइते मौसम : लुम्बिनीका केहि स्थानमा मेघ गर्जनसहित मध्यम वर्षाको सम्भावना कलंकीको खसीबजार हटाउन काठमाडौं महानगरको १५ दिने अल्टिमेटम प्रतिनिधिसभा बैठक : नागरिकता विधेयक संसोधन नगरी आजै पारित गर्ने तयारी यस्ता छन् धरानका मेयर हर्क साम्पाङका १०० दिनका १३ काम काठमाडौंको फोहोर व्यवस्थापनमा चारबुँदे सहमति पशुआहारका लागि गाउँकै उद्योगमा उत्पादन भएको ‘साइलेज’ प्रयोग ‘भारत गौरव पर्यटक रेल’ दोस्रो पटक जनकपुरधाम आउँदै लुम्बिनी प्रादेशिक अस्पतालमा १५० शैय्याको नयाँ भवनबाट प्रसूति सेवा बन्दीलाई कारागारभित्रै अस्पताल मुख्यमन्त्री केजरीवालद्वारा ‘भारतलाई पहिलो बनाऔँ’ अभियान सुरु ‘पत्रकार कुट्ने’ परासीको पाल्हीनन्दन प्रमुखलाई कारवाहीको माग निर्वाचन सुरक्षा योजना बनाउन आयोगको निर्देशन अर्थमा चुक्यो लुम्बिनी सरकार नवलपरासीको विभिन्न स्थानबाट फरार ७ जना प्रतिवादी पक्राउ दार्चुलामा जीप दुर्घटना : पाँच जनाको मृत्यु, छ घाइते लुम्बिनी फोटो ग्राफर संघको सप्ताहव्यापी कार्यक्रम , ५० जनाले गरे रक्तदान लुम्बिनी सरकारले आफ्नाे सेवा सुविधा वृद्धिका लागि खुलायाे बाटाे, थप नियुक्तिका लागि अनुसूची हेरफेर चार महिनामा विपद्का घटनाले लियो १५७ जनाको ज्यान, ८५ करोडभन्दा बढीको आर्थिक क्षति