बुटवल । रुपन्देहीमा आइतबार ४२ जना कोरोना संक्रमित थपिएका छन् । जसमध्ये १७ जना महिला र २५ जना पुरुष रहेका छन् । यो सँगै रुपन्देहीमा कोरोना संक्रमितको कूल संख्या २ हजार ४५४ पुगेको स्वास्थ्य कार्यालय रुपन्देहीले जनाएको छ ।
स्वास्थ्य कार्यालय रुपन्देहीका अनुसार आइतबार बुटवल उपमहानगरपालिकामा २३ जना, तिलोत्तमा नगरपालिकामा ६ जना, सिद्धार्थनगर नगरपालिकामा ५ जना, सैनामना नगरपालिकामा ३ जना, देवदह नगरपालिका, आमसतिया गाउँपालिकामा, कन्चन गाउँपालिका र मायादेवी गाउँपालिकामा १÷१ जना संक्रमित थपिएका छन् । रुपन्देहीमा कूल संक्रमित मध्ये १ हजार ७६३ जना संक्रमित निको भएका छन भने ६७० जना उपचाररत अवस्थामा रहेका छन् । जिल्लामा २१ जना कोरोना संक्रमितको मृत्यु भएको छ ।
प्रतिक्रिया