बुटवल । गएरातीको वर्षाले पहिरो झरेपछि अवरुद्ध बुटवल–पाल्पा सडक खुलाउन आज दिनभर लाग्ने भएको छ । सिद्धार्थ राजमार्ग अन्तरगत सिद्धबाबा क्षेत्र, झुम्साको सिसुवा, डुम्रेको गौडे पुल नजिकै झरेको पहिरोले सडक अवरुद्ध भएको छ ।
यस बाहेक अन्य विभिन्न ठाउँहरुमा समेत स–साना पहिरोले अवरुद्ध सडक खुलाउनका लागि आज विहानै देखि काम सुरु भएको छ । प्रादेशिक ट्राफिक प्रहरी कार्यालय बुटवलले दिएको जानकारी अनुसार सिद्धबाबा क्षेत्रमा पहिरो सफाइका लागि बुटवलदेखि डोजर गइसकेको छ भने झुम्साको सिसुवामा झरेको पहिरो हटाउन दोभानमा राखिएको डोजरले काम गर्दै छ । यसैगरी पाल्पाको डुम्रेमा झरेको पहिरो हटाउन सडक डिभिजन कार्यालय पाल्पाको जोडर आएको छ ।
बाटो सुचारु हुन आज दिन भर लाग्न सक्ने प्रादेशिक ट्राफिक प्रहरी कार्यालय बुटवलले जनाएको छ । प्रदेश अन्तरगतका अन्य सडकहरु भने सुचारु रहेको ट्राफिक प्रहरीले जानकारी गराएको छ । पश्चिम नवलपरासीको दाउन्नेमा हिजैदेखि एकतर्फी बाटो सुचारु रहेको छ ।
प्रतिक्रिया