१० मंसिर २०७९, शनिबार

Nov 26, 2022

वासिङ्टन । अमेरिकी राष्ट्रपति डोनाल्ड ट्रम्पकी भतिजी मेरी ट्रम्पले उनी विरूद्ध बिहीबार पैत्रिक सम्पतिमा आफूलाई ठगेको भन्दै मुद्धा दायर गरेकी छन्। मेरी डोनाल्डका जेठा दाजु फ्रेड ट्रम्प जुनियरकी छोरी हुन्। मेरीले डोनाल्ड ट्रम्पसँगै परिवारका अन्य सदस्यमाथि पनि दशौं लाख अमेरिकी डलर बराबरको पैत्रिक सम्पतिमा आफूलाई ठगेको भन्दै मुद्धा दायर गरेको समाचार रोयटर्सले जनाएको छ।

Advertisement

सो मुद्धामा मेरीले डोनाल्डसहित ट्रम्पकी दिदी मैरिएन ट्रम्प ब्यारी र उनका दिवगंत भाइ रोबर्ट ट्रम्पविरूद्ध व्यापक धोका दिएको तथा नराम्रो व्यवहार गरेको आरोप लगाएकी छिन्। उनले आफ्ना हजुरबुवा फ्रेड ट्रम्प सिनियर निर्माण गरेको घर जग्गा साम्राज्यको नियन्त्रण कब्जा गरेर सोको फाइदा आफूहरू मात्रले लिदैं शोषण गरेको आरोप लगाएकी छन्। ट्रम्पका बाबुको सन् १९९९ मा निधन भइसकेको छ। मेरीको आरोपमा डोनाल्ड ट्रम्पका वकिलमध्येका एक जे सेक्यूलोले कुनै प्रतिक्रिया नदिएको रोयटर्सले जनाएको छ। मेरीले म्यानह्याटस्थित न्यू योर्क स्टेट अदालतमा मुद्धा दायर गरेकी हुन्।

मुद्धामाथि प्रतिक्रिया जनाउँदै ह्वाइट हाउसका संचार सचिव केली म्याकीनानीले आफन्तलाई आक्षेप लगाएर मेरीले आफूलाई बदनाम गरेको प्रतिक्रिया दिएकी छन्। आगामी अमेरिकी राष्ट्रपति चयन हुन ६ साता बाँकी रहेको सन्दर्भमा यसले मानिसहरूको ध्यान आकृष्ट गरेको छ। चुनावबाट ट्रम्प पुनः अमेरिकी राष्ट्रपति बन्ने दाउमा छन्। पेसाले मनोवैज्ञानिक रहेकी मेरी ट्रम्पले आफू १६ वर्षको हुँदा सन् १९८१ मा दिवगंत पिता फ्रेड ट्रम्प जुनियरले पारिवारिक व्यवसायमा रहेको मूल्यवान हिस्सा उनका लागि छोडेको तर सोको रेखदेख गर्ने जिम्मा पाएका ट्रम्प, रोबर्ट र मैरिएनले पाएको बताएकी छन्।

तर उनीहरूले त्यसको अनुचित फाइदा उठाउँदै उनको अधिकार रहेको हिस्सालाई अन्यत्र सारेर सो सम्पतिमा उनको हक कति हो भन्ने कुरामा धोका दिदैं सोबाट बेदखल गरेको बताइन्।५५ वर्षीय मेरीका अनुसार उनले सो धोकाका बारेमा सन् २०१८ को अक्टुबरमा मात्र थाहा पाएकी थिइन्।न्यू योर्क टाइम्सले ट्रम्प परिवारको करहरूका बारेमा गरेको एक अनुसन्धान रिपोर्ट प्रकाशित गरेपछिमात्र पैत्रिक सम्पतिमा आफू ठगिएको बारेमा आफूलाई ज्ञात भएको उनको भनाइ छ।

मेरीका वकिलले उपलब्ध गराएको बयानमा मेरीले गोप्य रूपमा आफ्नो परिवारले आफूमाथि ठगी गरेको बताएकी छन्। पैत्रिक सम्पतिका बारेमा ुझुटपछि झुटु बोलेर पाउनुपर्ने सम्पतिबाट च्यूत गराइएको उनको दाबी छ। आफ्नो मृत्यु हुनुभन्दा अगाडि अगस्टमा रोबर्ट ट्रम्पले मेरीले लेखेको संस्मरण प्रकाशन हुन नदिने असफल प्रयासको नेतृत्व गरेको रोयटर्सले जनाएको छ।

प्रतिकृया दिनुहोस्

Flash News

माओवादी लुम्बिनी प्रदेश अध्यक्ष बरालले दिए राजीनामा कान्ति माध्यमिक विद्यालयमा स्वागत कार्यक्रम तिलोत्तमामा मंसिर १५ देखि औद्योगिक व्यापार मेला, २५ करोड बढी आर्थिक कारोबरको लक्ष्य रवि लामिछानेको चुनावी खर्च ११ लाख ८१ हजार गण्डकीमा सांसदः १५ जना ५० वर्ष मुनिका, ८ जनाले ६० नाघे पाका चिन्तामणी बाको जीत द्वन्द्वकालको पीडामा न्याय भानुभक्त ढकाललाई हराए सुनिल शर्माले, रेखा थापा तेस्रो पाँच वर्ष अघि ३६ सिट जितेको माओवादी १८ सिटमा सीमित, सुदूरपश्चिममा निल कांग्रेस नेता अजुर्ननरसिंह केसी नुवाकोटबाट निर्वाचित आवासीय भवनमा आगलागी, १० जनाको मृत्यु रुपन्देही-३ मा ८४ हजार ७४ मत गणना, दिपक बोहोराको अग्रता कायमै तराईमा हुस्सु लाग्न थाल्यो, सावधानी अपनाउन अनुरोध एमाले उपाध्यक्ष विष्णु पौडेल रुपन्देही-२ बाट निर्वाचित रुपन्देही-२ मा विष्णु पौडेलको अग्रता कायमै, ३ हजार ९१६ मत गन्न बाँकी जन्ती बोकेको जिप दुर्घटना आवश्यक परे गठबन्धन गर्ने रवि लामिछानेको भनाइ रुपन्देही-२ मा विहानदेखि अवरुद्ध मतगणना सुरू आगामि सरकारका आर्थिक चुनौती जेलमै बसेर रेशमले जिताइदिए बुवा र श्रीमतीलाई देउवा क्याविनेटका १२ मन्त्री : कसले जिते, कसले हारे ?