बुटवल । रुपन्देहीमा शुक्रबार ७६ जना कोरोना संक्रमित थपिएका छन् । जसमध्ये ३१ जना महिला र ४५ जना पुरुष रहेका छन् । यो सँगै रुपन्देहीमा कोरोना संक्रमितको कूल संख्या १ हजार ९४२ पुगेको स्वास्थ्य कार्यालय रुपन्देहीले जनाएको छ ।
स्वास्थ्य कार्यालय रुपन्देहीका अनुसार शुक्रबार बुटवल उपमहानगरपालिकामा २१ महिला र २४ पुरुष गरी ४५ संक्रमित थपिएका छन् । यस्तै रोहिणी गाउँपालिकामा १४ जना, तिलोत्तमा नगरपालिकामा ९ जना, सिद्धार्थनगर नगरपालिकामा ३ जना, देवदह नगरपालिका, कन्चन गाउँपालिका, सियारी गाउँपालिका र ओमसतिया गाउँपालिकामा १/१ जना संक्रमित थपिएको स्वास्थ्य कार्यालय रुपन्देहीले जनाएको छ ।
रुपन्देहीमा कूल संक्रमित मध्ये १ हजार १५७ जना संक्रमित निको भएका छन भने ७६५ जना उपचाररत अवस्थामा रहेका छन् । जिल्लामा २० जना कोरोना संक्रमितको मृत्यु भएको छ ।
प्रतिक्रिया