४ जेष्ठ २०७९, बुधबार

May 18, 2022

तुलसीपुर । प्रादेशिकस्तरको अस्पतालमा आइसियु सञ्चालन नहुनु विडम्बनापूर्ण भएको भन्दै प्रदेश नम्बर ५ का सामाजिक विकास मन्त्री सुदर्शन बरालले तत्काल सञ्चालनका लागि निर्देशन दिएका छन् । जिल्लास्तरमा आइसियु सेवा सञ्चालनको तयारी भइरहेको बेलामा प्रादेशिकस्तरको अस्पतालमा समेत आइसियु स्थापनाका लागि तत्काल पहल गर्नुपर्ने वताए । ‘यति योग्य डाक्टरहरु हुनुहुन्छ, हामीले स्रोतको अभाव हुन दिदैनौ , अब कुरेर बस्ने होइन अगाडी वढिहाल्ने हो ’ मन्त्री बरालले भने । ‘जनशक्ति पनि देख्छौ, आवश्यकता पनि हुन्छ अनि स्रोत पठाउँछौ तर सबै फ्रिज भएको हुन्छ’ उनले गुनासो गरे ।

Advertisement

प्रादेशिक अस्पतालको सेवा सुविधा वढाएर चिकित्सकले समेत गर्व गर्ने गरी काम गर्न उनले सुझाए । ‘साधन स्रोत र जनशक्तिका विचमा तारताम्य मिलाउन अव आवश्यक छ’ उनले भने । चिकित्सकको क्षमता अनुसार काम हुन नसेकेको गुनासो गर्दै उनले सेवा प्रवाहमा चुस्तदुरुस्त हुन सकेन भने जनशक्तिको कुनै अर्थ नरहने कृुरामा जोड दिए । कोभिडका लागि बेलझुण्डी र अन्य जनरलका लागि तुलसीपुरमा आइसियु सञ्चालन गर्नै आवश्यकता रहेकोमा मन्त्री बरालको भनाई थियो ।

चिकित्सकले परिणाम आउने गरी तोकिएको ड्युटी पुरा गर्नै पर्ने बताउँदै सरकारी अस्पताल हो भनेर वेवास्था गर्न नहुने उनले भने । प्रदेश नम्वर ५ का प्रत्येक जिल्लामा डायलासिस मेसिन राख्ने गरी प्रदेश सरकारले काम अगाडी वढाएको उनको भनाई थियो ।

अस्पतालले कहिल्यै पनि इमर्जेन्सी सेवा वन्द गर्न नहुने भन्दै मन्त्री बरालले नयाँ चिकित्सकको व्यवस्था गरेर भएपनि सेवा रोक्न नहुने वताए । कोभिडको प्रकोपलाई मध्यनजर गरेर प्रदेश सरकारले जनशक्ति वढाउने प्रक्रिया अगाडी वढाइसकेको उनको भनाई थियो ।

कार्यक्रममा बोल्दै तुलसीपुर उपमहानगरपालिकाका नगरप्रमुख घनश्याम पाण्डेले प्रादेशिक अस्पतालबाट सेवा प्रवाह सन्तोषजनक नभएको भन्दै सुधार गर्न आवश्यक रहेको वताए । ‘पहिलेभन्दा केही सुधार भएको छ तर आशातितरुपमा सेवा विस्तार हुन सकेको छैन’ उनको गुनासो थियो । अस्पताल सुधारकालागि स्थानीय सरकार जस्तोसुकै काम गर्न पनि तयार रहेको उनको भनाई थियो । सो अवसरमा चिकित्सकहरुले अस्पतालको व्यवस्थापन अनुरुप सेवा गरिरहेको वताएका थिए ।

बेलझुण्डीमा डाक्टर यादव

तुलसीपुर प्रादेशिक अस्पताल र बेलझुण्डी कोरोना अस्पताल फरक फरक नभएको भन्दै सबैतिर जनशक्तिले काम गर्नुपर्ने वताए । ‘तुलसीपुर प्रादेशिक अस्पतालमा ठाउँ नहुँदा नै बेलझुण्डीमा राखिएको हो , यो फरक अस्पताल होइन यहाँहरुले त्यहाँ पनि सेवा दिनुपर्नेछ’ मन्त्री बरालले चिकित्सकहरुलाई निर्देशन दिए । यसैविच कोरोना विशेष अस्पतालको विभागिय प्रमुखमा डाक्टर जितनारायण यादवलाई चयन गरिएको छ । विभागका सदस्यहरुमा डाक्टर रुपेश महतो र डा. रेगविक्रम राणा रहेका छन् ।

अनुगमन समितिमा नगरप्रमुख पाण्डे

यसैविच तुलसीपुर प्रादेशिक अस्पतालले दिएको सेवाका बारेमा अनुगमन गर्न नगरप्रमुख घनश्याम पाण्डेको अध्यक्षतामा समिति समेत वनाइएको छ । अस्पताललाई पारदर्शी, सेवामुखी, चुस्त दुरुस्त वनाउनका लागि यस्तो समिति गठन गरिएको हो । समितिको सदस्यमा प्रमुख जिल्ला अधिकारी गोविन्द रिजाल र डा. पदमराज अधिकारी रहेका छन् ।

प्रतिकृया दिनुहोस्

Flash News

सिद्धार्थनगर प्रमुखमा कांग्रेसका इश्तियाक, उपप्रमुखमा एमालेकी उमा विजयी रुपन्देहीको ओमसतिया अध्यक्षमा एमालेका यादव विजयी एमाले अध्यक्ष ओली अस्वस्थ बुटवलको कालिकानगरमा मोटरसाइकल दुर्घटना हुँदा गुल्मीका ४० वर्षीय ज्ञवालीको मृत्यु रुपन्देहीको मायादेवी अध्यक्षमा पुनः कांग्रेसका चौधरी तिनाउ नदिमा डुबेर बुटवलका ८ वर्षिय रिदमको मृत्यु अर्घाखाँचीको सन्धिखर्कमा एमालेसँग गठबन्धन पराजित मतगणना सकिएका चितवनका तीनवटै पालिकामा एमाले विजयी नेप्से झिनो अंकले सुधार बुद्धका ज्ञान बाँड्दै बुटवल लेडि जेसिज पोखरामा मतगणनाका क्रममा विवाद, एमालेको नाराबाजी भरतपुरमा रेनुलाई १९ सय ६ मतको अग्रता गठबन्धनलाई पराजित गर्दै देवदह नगरपालिकाको प्रमुखमा एमालेका ध्रुव खरेल विजयी भारतसँगको असमान व्यापार सम्बन्ध सच्याऔँ : बाबुराम भट्टराई निर्वाचन आयोगले दियो बढीमा पाँच दिनभित्र मतगणना कार्य सम्पन्न गर्न निर्देशन कालिकाका शिक्षकका लागि पुनर्ताजगी तालिम बुटवलमा बम बिस्फोट गराउने ३ जना पक्राउ युवाको हातमा सर्दै स्थानीय सरकारको साँचो बालेन साहले पाएको मत दलप्रतिको आक्रोश : हरिबोल गजुरेल विद्युत् प्राधिकरण टाट पल्टिने अवस्थामा जाँदै छ : योगेश भट्टराई