कोरोनाबाट रुपन्देहीका ७५ वर्षिय वृद्धसहित २ जनाको मृत्यु

बुटवल । कोरोना संक्रमणबाट नेपालमा थप २ जनाको मृत्यु भएको छ । मन्त्रालयका प्रवक्ता डा. जागेश्वर गौतमका अनुसार मृत्यु हुनेमा अर्का रुपन्देहीका ७५ वर्षिय वृद्ध रहेका छन् । जिल्लाको देवदह नगरपालिका रुपन्देहीका ७५ वर्षीय वृद्धको त्रिवि शिक्षण अस्पताल महाराजगञ्जमा असार १७ गते मृत्यु भएको हो । क्षयरोगका बिरामी उनलाई १४ गते अस्पताल भर्ना गरिएको थियो । उपचाका क्रममा मृत्यु भएपछि उनको असार १८ गते पिसिआर परीक्षण गरिएकोमा रिपोर्ट पोजिटिभ आएको हो ।

यस्तै, कोरोना संक्रमणबाट मृत्यु हुने अर्का गोरखाको पालुङटार नगरपालिका ७ का ४४ वर्षीय एक पुरूष रहेका छन् । गोरखा अस्पतालको आईसोलेशनमा उपचाररत पालुङटार नगरपालिका वडा नं ७ का ४४ वर्षिय संक्रमित पुरुषको मृत्यु भएको अस्पतालले जनाएको छ । ती व्यक्तिमा शुक्रबार राती संक्रमण पुष्टि भएको थियो । योसँगै नेपालमा कोरोनाबाट मृत्यु हुनेको संख्या ३४ पुगेको छ ।