२३ श्रावण २०७९, सोमबार

Aug 8, 2022

बुटवल । हरेक वर्ष खेती गर्ने समयमा बिउ तथा मलखाद अभाव हुने कृषकहरुको नियमित जस्तै बनेको समस्याले यो वर्ष पनि पिरोलेको छ । विश्वव्यापी महामारीका रुपमा फैलिएको कोरोना संक्रमणबाट बँच्नका लागि आह्वान गरिएको लकडाउनले यो वर्ष कृषकहरु थप मारमा परे । बजारमा कृषि औजार, इन्धन तथा विउ विजनको अभावका बीच धान खेतीका लागि आवश्यक पर्ने डिएपी मल तथा यूरियाको अभावले कृषकहरु चिन्तित छन् ।

Advertisement

प्रदेश नम्बर ५ मा तराईका जिल्लाहरु रुपन्देही, कपिलवस्तु, दाङ, नवलपरासी, बाँके र बर्दियाका अधिकांश कृषक धानखेतीमा निर्भर छन् । तराईका जिल्लाहरुमा ७०/८० प्रतिशत कृषकहरुले धानको विऊ राखीसकेका छन् । कतिय स्थानहरुमा रोपाई समेत सुरु भएका छन् । अवको एक दुई हप्ताभित्रमा अधिकांश स्थानमा रोपाई सुरु हुने भए पनि मल अभावका कारण कृषकहरु चिन्तित बनेको कृषक संघर्ष समिति नेपालका अध्यक्ष देव धवलले बताए । कृषकले मल पाएका स्थानहरुमा विभिन्न कृषि सहकारी तथा सरकारी निकायहरुले कोटा प्रणालीबाट मल वितरण गर्दा प्रयाप्त मात्रामा मल नपाउने गरेको गुनासो उनले गरे । यसैगरी सहकारीमा सदस्य नभएका तथा पहुँच नभएका साना किसानहरुका लागि पनि मल पाउन समस्या हुने गरेको उनले उल्लेख गरे ।

नेपाल भारत सिमा जोडिएका जिल्लाहरुमा कृषकले विगतमा वर्षहरुमा भातरबाट आफैले मल ल्याउने गरे पनि यो वर्ष दुबै देशमा भएको लकडाउनका कारण मलको अभाव थप बढेको हो । रुपन्देहीको रोहिणी गाउँपालिका-१ का सागर यादवले रोपाई सुरु गरेका छन् । आफ्नो दुई विगाह क्षेत्रफलमा धान खेती गर्ने उनलाई हरेक वर्ष जस्तै यो वर्ष पनि मल अभावले चिन्ता सुरु भएको छ । समयमा प्रयाप्त विउ तथा मल नपाउने समस्याबाट हरेक वर्ष दुःख पाउनु परेको उनको गुनासो छ । समयमा मल नपाएपछि कृषकले मलखाद विनानै विउ राख्नु परेको कपिलवस्तुका कृषक हरिसंकर मल्लाहले गुनासो गरे । धानको ब्याड राख्दा तथा रोपाई गर्ने समयमा आवश्यक पर्ने डिएपी तथा यूरिया मलको अभावका कारण कृषकले दुःख पाउनु पर्ने नियमितको रोग नै भएको छ । कपिलवस्तुमा यो वर्ष ६० प्रतिशत बढी कृषकले धानको विउ राखीसकेको कृषि ज्ञान केन्द्र कपिलवस्तुका प्रमुख राम गोविन्द आर्यले बताए ।

अवको एक दुई साताभित्र रोपाई सुरु हुने भए पनि समयमा मल नपाउँदा कृषकहरु चिन्तित बनेका हुन् । कृषि सामाग्री केन्द्र भैरहवाका सूचना अधिकारी घणेश घिमिरेले भने केही मात्रामा मलको अभाव भए पनि हाहाकारको अवस्था नरहेको बताए । नेपाल आउँदै गरेको साढे १२ सय टन मल लकडाउनका कारण लेबर अभावले भारतको कलकत्तामा रोकिँदा थप समस्या भएको उनले बताए । कम्पनीले यो वर्ष लक्ष्यभन्दा बढी नै मल वितरण गरेको बताउँदै उनले कलकत्तामा रोकिएको मलखाद बोकेका केही ट्रकहरु त्यहाँबाट हिँडी सकेकाले अवको दुई तीन दिनभित्रै रक्सौल नाकामा आइपुग्ने बताए ।

विगत वर्षमा कृषकहरुले भारतीय बजारबाट विभिन्न नाका हुँदै मल ल्याउने गरे पनि लकडाउनका कारण त्यो रोकिएपछि मलको माग थप बढेको घिमिरेले बताए । लकडाउनका कारण बजारमा मल अभावहुने हल्लाका कारण कृषकले आवश्यकता भन्दा बढी मल घरमा स्टोर गरेर राख्नाले पनि मलको अभाव थप देखिएको हुन सक्ने उनको अनुमान छ । सरकारले वार्षिक ७ लाख ५० हजार टन मलखाद ल्याउनका लागि व्यवस्था गरे पनि मूल्य वृद्धि लगायतका कारणले ४ लाख ५० हजार टन मात्रै मल आउने सम्भावना भएको उनले बताए । मागभन्दा ३ लाख टन मल कम आयात हुनाले बजारमा मलखादको अभाव देखिने उनले उल्लेख गरे । बजारमा अहिले यूरिया मल प्रयाप्त भए पनि डिएपी मलको अभाव देखिएको हो । धानको विउ राख्नुभन्दा पहिले तथा धान रोप्ने समयमा प्रयोग गरिने भएको हुँदा डिएपी मलको अभाव देखिएको उनले बताए । यस्तै असारको अन्तिम सातादेखि भदौसम्म यूरिया मलको माग बढ्ने गर्दछ ।

प्रदेश ५ का सबै जिल्ला तथा प्रदेश ६ र ७ का केही जिल्लाहरुमा समेत मलखाद वितरण गर्ने भैरहवा कार्यालयले यस आर्थिक वर्षमा रुपन्देहीका लागि ११ हजार २ सय ५१ टन यूरिया वितरण गरेको छ । जुन लक्ष्य भन्दा ३ हजार २ सय ५१ टनले बढी हो । जिल्लामा ८ हजार टन यूरिया मल वितरण गर्ने लक्ष्य राखिएको थियो भने ७ हजार टन डिएपी मल वितरणको लक्ष्य रहेको थियो । यो वर्ष रुपन्देहीमा ५ हजार ७ सय ४० टन डिएपी मल वितरण गरिसकेको कार्यालयको तथ्याङ्कमा छ । यो तथ्याङ्क गत जेठ १३ गतेसम्मको मात्रै भएको र त्यस पछि पनि थप मल वितरण गरिएको कार्यालयका सूचना अधिकारी गणेश घिमिरेले बताए ।

यसैगरी कपिलवस्तुको तौलिहवाबाट ५ हजार टन यूरिया मल वितरण गर्ने लक्ष्य रहेकामा ४ हजार ६ सय ९ टन वितरण भैसकेको छ । ३ हजार ६ सय टन डिएपी मल वितरण गर्ने लक्ष्य रहेकामा ३ हजार २ सय ८७ टन मल वितरण भैसकेको छ । यस्तै जिल्लाको बहादुरगञ्जबाट १ हजार ५ सय टन लक्ष्य रहेकोमा १ हजार ७ सय ७ टन यूरिया मल वितरण गरिएको छ । १ हजार २ सय टन डिएपी मल वितरण गर्ने लक्ष्य लिएको कार्यालयले ८ सय ३८ टन मल वितरण गरिसकेको छ । यस्तै अनूपातमा कृषि सामाग्री केन्द्र भैरहवाले सबै जिल्लाहरुमा लक्ष्यभन्दा बढी मल वितरण गरे पनि लकडाउनले भारतीय सिमा बन्द भएपछि मलखादको थप अभाव देखिएको सूचना अधिकृत घिमिरेले बताए ।

प्रतिकृया दिनुहोस्

Flash News

राष्ट्रियसभामा तीन प्रतिवेदन पेश थप ९३४ जनामा कोरोना, एकको मृत्यु फोहर व्यवस्थापन : सोचमा नै छ खोट बजेट भाषण अनुसार नै तलब वृद्धि हन्छ : अर्थमन्त्री शर्मा काँग्रेस नेताहरूकाे बैठकः सय सिट राखेर मात्र गठबन्धन गर्न सुझाव भोलि देशैभरका नासु बिदामा बस्ने पूर्व–पश्चिम लोकमार्गमा बस दुर्घटना, पाँच जना घाइते निर्मला प्रकरणमा मुछिएका दिलीपले युवतीलाई दुर्व्यवहार गरेको आरोप, अनुसन्धान जारी विश्वका लागि ताइवान किन यति महत्त्वपूर्ण छ ? गैरसांसदको कार्यकाल सकिएसँगै मन्त्री छान्न संसदीय दलको बैठक हेटौंडामा पाँच सवारीसाधन एक-अर्कासँग ठोक्किएपछि… चितवनमा दुई अर्ब लगानीमा क्यान्सर अस्पताल निर्माण ‘तिम्रै मान्छे हुम कर’ सार्वजनिक नेपाल समाजवादी पार्टीको लुम्बिनी इन्चार्जमा खनाल जापानको आधुनिक प्रविधि नेपालमा भित्र्याउनका लागि पहल गर्न प्रचण्डकाे आग्रह नेपाल खेलकूद महासंघ तिलोत्तमा ११ मा वडा कमिटि, अध्यक्षमा पुन आज कतिमा कारोबार भैरहेको छ सुनचाँदी ? ज्ञानेन्द्र शाही जुम्लाबाट चुनाव लड्ने इजरायलद्वारा गाजा युद्धविरामको प्रस्ताव स्वीकार भूमि आयोगः सम्झौतामा स्थानीय तहहरुको वेवास्ता, भूमिहीनहरु निराश