नयाँदिल्ली ।कन्नड फिल्मका चर्चित अभिनेता चिरञ्जिवी सरजाको निधन भएको छ । ३९ वर्षको उमेरमा बेंगलुरुको एक नीजि अस्पतालमा आइतबार सरजाको निधन भएको भारतीय सञ्चारमाध्यमले जनाएका छन् । उनी हृदयघातका बिरामी थिए ।
'उनी आइतबार दिउँसो फोनमा बुबासँग कुरा गरिरहेका थिए, एक्कासी पसिना आउन थाल्यो र उनी अचानक भुँईमा ढले । उनलाई तत्काल अस्पताल पुर्याउँदा चिकित्सकले मृत घोषित गरे' भारतीय सञ्चारमाध्यमले लेखेका छन् । चिरञ्जिवीले सन् २००९ मा कन्नड फिल्म ‘वायुपुत्र’ मार्फत् डेब्यू गरेका थिए ।
उनले जिवनभर २२ वटा कन्नड फिल्ममा काम गरे । चिरञ्जिवीको जन्म १७ अक्टोबर सन् १९८० मा भएको थियो । उनको विवाह दुई वर्ष अघि भएको थियो ।
प्रतिक्रिया