१ भाद्र २०७९, बुधबार

Aug 17, 2022

भैरहवा । लकडाउनको मौका छोपी प्रहरीकै मिलेमतोमा सीमा क्षेत्रमा तस्करी बढेको छ । सीमाक्षेत्रमा अहिले शसस्त्र प्रहरीको विभिन्न यूनिटहरुको साथै नेपाल प्रहरी रहेपनि उनिहरुकै मिलेमतोमा बिभिन्न सामाग्री तस्करी भई रहेको छ । नेपालबाट मदिरा मात्र हैन, चुरोट र सूर्तिजन्य अन्य पदार्थको तस्करी बढेको छ । दिनरात भएको तस्करीबाट स्थानीयहरु आजित भएपछि अहिले आफै तस्करहरुलाई पक्राउ गर्दै प्रहरीलाई बुझाएको खुलेको छ ।

Advertisement

तस्करी भई रहेको सूचना पटक-पटक प्रहरीलाई दिएर तस्करी नियन्त्रणको लागि प्रयास गर्दा पनि केही नलागेपछि तस्करी सहितको समान प्रहरीलाई बुझाई रहेका छन् । रोहिणी गाउँपालिका वडा नम्बर–२ मैनिहवाका स्थानियहरुले तस्करीको समान सहित प्रहरीलाई बुझाएको छन् । रोहिणी गाउँपालिका वडा नम्बर २ अन्तर्गत मैनिहवाबाट यस अघि पनि मदिरा तस्करी गरेको स्थानियहरुले गुनासो गरेका थिए । सीमामा सुरक्षा दिई रहेको सुरक्षाकर्मीहरुमै सहयोगमा तस्करहरुले काम गरे पछि स्थानीयहरुको सुनुवाई भएको थिएन । प्रहरी पनि स्थानीयको गुनासो सुनेर नसुनेको झै गरी तस्करलाई नै प्रश्रय दिइरहेको हुन्छ । ‘प्रहरीलाई तस्करीको सुराकी दियो भने उनिहरुले नै तस्करलाई जानकारी दिई जोगाउने गरेका छन् ।’ मैनिहवाका एक स्थानीयले भने । प्रहरीलाई गरिएको गुहार काम नलागेपछि स्थानीयहरु अहिले आफै सक्रिय भएर तस्करीका समान छोप्ने र प्रहरीलाई बुझाउन थालेका छन् ।

शुक्रबार पनि स्थानीयहरुले एक बोरा सूर्तीजन्य पदार्थ गुल मन्जन भारत लैजादै गरेको अवश्थामा नियन्त्रणमा लिई प्रहरीलाई बुझाएका छन् । उनिहरुले नियन्त्रणमा लिएको सामग्री निवेदन सहित ईलाका प्रहरी कार्यालय धकधईमा बुझाएका छन् । स्थानीय महेश लोधले निवेदन दिदै लु११प ८३७३ नम्बरको मोटरसाईकलमा मैनिहवा गाउँकै पवन धवल, रुद्र धवल र मोहित पाण्डेले तस्करी गर्दै गरेको उक्त सूर्तीजन्य पदार्थ नियन्त्रणमा लिएको बताएका छन् । तस्करी गर्ने यी युवाहरुले सीमा क्षेत्रमा रहेका अन्नबालीमा समेत नोक्सान गरेको हुदा उनिहरुबाट क्षति पूर्ति भराउन स्थानीयले माग गरेका छन् । सीमा सुरक्षाको साथै शान्ति सुरक्षा गर्ने दायित्व रहेको सुरक्षाकर्मि नै तस्करीमा ब्यस्त हँुदा स्थानीयहरु आँफै सक्रिय हुनु परेको उनिहरुको भनाई छ ।

इलाका प्रहरी कार्यालय धकधइले पनि स्थानीयहरुले समान नियन्त्रणमा लिई प्रहरीलाई बुझाएको पुष्टि गरेको छ । धकधईका प्रहरी नायब निरिक्षक हरि रानाले स्थानीहरुले बुझाएको सामग्री र मोटरसाइकल जिल्ला प्रहरी कार्यालय रुपन्देही पठाएको बताए । उनले समान ओसार–पसार गर्ने ब्यक्तिहरु फरार रहेकोले उनिहरुको खोजी भई रहेको बताए ।

प्रतिकृया दिनुहोस्

Flash News

तिलोत्तमाको क्रिमसन अस्पतालमा बिरामीको मृत्यु भएपछि तनावग्रस्त अस्पतालमा जनशक्ति अभाव, बिरामीलाई सास्ती १ लाख २३ हजार उम्मेदवारले निर्वाचन खर्च बुझाएनन्, कारबाही प्रक्रिया सुरु वाइसीएल इन्चार्जसहित माओवादी केन्द्रका युवाहरु एमाले प्रवेश पेट्रोलियम पदार्थको मूल्य घटाउन सकिँदैन : आयल निगम जन्मदिनको अवसरमा अनाथ आश्रममा भोजन दान तथा वृक्षारोपण रुपन्देहीको सैनामैनामा १२ दिने तीज महोत्सव हुने, करिब ५० लाख खर्च लाग्ने भारतीय ट्रकले जीपलाई ठक्कर दिँदा २ जनाको मृत्यु माओवादी केन्द्र गुल्मीको सचिवमा अशोक थापा चयन नवलपरासीबाट चिनी र खाद्यान्नसहित पिकअप गाडी नियन्त्रणमा सेयर बजार २५ अंकले ओरालाे भारतकी रजनी राईलाई नागरिकता दिलाउनेलाई अझै कारबाही भएन, प्रशासन माैन थप ८४८ जनामा कोरोना संक्रमण, १ को मृत्यु हँसिया हथौडा चिह्न प्रयोग गर्न प्रचण्ड र बाबुरामले दिए आयोगमा निवेदन युवाले हतार गर्दैमा १८ वर्षमा मन्त्री बनाइदिएर केही हुँदैनः ओली लुम्बिनीमा विद्युतको महशुल नतिर्ने साढे २७ हजार ग्राहकको लाइन काटियो लुम्बिनी प्रदेशका पूर्वमन्त्री यादव एमाले प्रवेश देउवाले १० जनालाई केन्द्रीय कार्यसमितिको सदस्यमा मनोनयन गरे राजस्व छली ल्याउँदै गरेकाे १५ लाखको विभिन्न सामानसहित दुई जना पक्राउ बुटवलको सडकबारे नगरप्रमुख पाण्डेयद्वारा सडक विभागको ध्यानाकर्षण