३ जेष्ठ २०७९, मंगलवार

May 17, 2022

काठमाडौं । प्रतिनिधिसभा, विकास तथा प्रविधि समितिले आगामी आर्थिक वर्षको बजेट विनियोजनमा नेपाल दूरसञ्चार प्राधिकरणबाट ग्रामीण दूरसञ्चार विकास कोषबाट सञ्चालित ब्रोडब्याण्ड इन्टरनेट सेवा विस्तारलाई उच्च प्राथमिकता राख्न सरकारलाई निर्देशन दिएको छ । कोभिड-१९ का कारण उत्पन्न परिस्थितिले शिक्षा, स्वास्थ्य, उद्योगलगायतका हरेक निकायलाई प्रविधिमैत्री बनाउन आवश्यक देखिएको ठहर गर्दै समितिले गुणस्तरीयरुपमा मुलुकभर इन्टरनेट सेवाको तीव्र विकास र विस्तार गर्न सरकारको ध्यानाकर्षण गराएको हो ।

Advertisement

सञ्चार तथा सूचना प्रविधि मन्त्रालय, नेपाल दूरसञ्चार प्राधिकरण र नेपाल टेलिकमका पदाधिकारीसँग ब्रोडब्याण्ड इन्टरनेट सेवा र सूचना महामार्ग विस्तारमा हालसम्म भएको प्रगतिका बारेमा जानकारी लिएपछि समितिको बैठकले स्पष्ट कार्ययोजना बनाएर समयमै गुणस्तरीय सेवा विस्तारमा ध्यान केन्द्रित गर्न सरकार र प्राधिकरणलाई निर्देशन दिएको हो । देशभरका नगरपालिका, गाउँपालिकका, वडा कार्यालय, शैक्षिक संस्था र स्वास्थ्य संस्थामा ब्रोडब्याण्ड सेवा उपलब्ध गराउने १८ वटा प्याकेजमध्ये ११ वटा प्याकेजमा नेटवर्क तथा कनेक्टिभिटी जडान भई ४१ जिल्लामा सेवा सञ्चालनमा रहेको छ । प्राधिकरणका तर्फबाट चार वटा प्याकेजमा नेटवर्क तथा कनेक्टिभिटी जडानका लागि सेवा प्रदायक छनौट भई निर्माण कार्य भइरहेको तथा सम्पन्न परियोजनाको गुणस्तर परीक्षण काम भइरहेको जानकारी दिइयो ।

त्यस्तै ग्रामीण दूरसञ्चार विकास कोष परिचालन गरी सञ्चालित मध्यपहाडी लोकमार्ग तथा सदरमुकाम जोड्ने सूचना महामार्ग जोड्ने कार्यलाई तीन वटा प्याकेजमार्फत अघि बढाइएको सो अवसरमा जानकारी दिइयो । सूचना महामार्गको प्रगति अन्यन्तै कमजोर रहेको ठहर गर्दै समितिले सम्झौताअनुसारको प्रगति हासिल गर्न स्पष्ट कार्ययोजना बनाएर काम गर्न सरकारलाई निर्देश गरेको छ । नेपाल दूरसञ्चार कम्पनी लिमिटेडसँग दुई वर्षभित्र कार्य सम्पन्न गर्ने सम्झौता गरी प्रदेश १, २ र ३ मा काम शुरु भएको, प्रदेश नं ४ र ५ मा निर्माण सम्झौता भएकामा ठेकेदारले काम गर्न नसकेको तथा प्रदेश नं ६ र ७ मा महामारीका कारण सिर्जित परिस्थितिमा बोलपत्र आह्वान गरी खरिद प्रक्रिया अघि बढ्न नसक्ने अवस्था रहेको सो अवसरमा जानकारी दिइयो ।

यसअघि बैठकमा सांसदहरुले कोभिड-१९ का कारण इन्टरनेटको माग र बजार विस्तारको सम्भावना बढाएकाले मुलुकका सबै जिल्लामा सेवा विस्तार गर्ने स्पष्ट खाका बनाएर काम गर्न सुझाव दिए । कोभिड-१९ को महामारीका कारण मुलुकमा बेरोजगारी ह्वात्तै बढेर अर्थतन्त्र नै तहसनहस पार्ने अवस्था हुने हो की भन्ने आशङ्का पैदा गरेकाले स्वदेशी उद्योगी व्यवसायीलाई प्रोत्साहन गर्न समन्वयका साथ काम गर्न सरकार र प्राधिकरणलाई उनीहरुले सुझाव दिए ।

प्रतिकृया दिनुहोस्

Flash News

काँग्रेसको अबरोधले तिलोत्तमामा मत गणना रोकियो, धाधली भएको आरोप लगाउँदै नाराबाजी भरतपुरमा रेनु विजय सुवेदी भन्दा ५९ मतले अघि गाउँपालिकाका निवर्तमान अध्यक्ष वडा सदस्यमै पराजित ललितपुर महानगरमा चिरिबाबुकाे फराकिलाे अग्रता श्रीलंकामा पेट्रोल हाहाकार, तत्काल ७५ मिलियन डलर आवश्यकः प्रधानमन्त्री बुटवलमा गठबन्धन दलबाट पाण्डेको अग्रता, मतान्तर बढ्दो सैनामैनाको प्रमुखमा गठबन्धन, उप-प्रमुखमा एमालेको अग्रता गुल्मीको रुरु गाउँपालिका अध्यक्षमा यदु ज्ञवाली निर्वाचित स्थानीय निर्वाचन : आज कहाँ-कहाँ हुँदैछ मतदान ? देवदहमा एमालेको अग्रता कायमै, काँग्रेस ४४४ मत पछाडी बालेनले बनाए साढे ४४ सयको मतान्तर भरतपुरमा ४ वटा वडाको मत गणना सकियो, रेणु दाहाल ३० मतले अघि बुटवलमा कांग्रेसका पाण्डे र एमालेका भट्टराईबीच करिब ३ हजार मतको फरक भरतपुरमा पुनः गठबन्धनकी रेनुको अग्रता धुर्कोट गाउँपालिकाको अध्यक्षमा माओवादीका पोखरेल विजयी पहिलो टी-२० मा युगान्डासँग नेपाल १२ रनले पराजित संसदको भोलिबाट ११औँ अधिवेशन सुरु हुने, यस्तो छ कार्यसूची ओलीले राम नेपालमा जन्मेको दाबी गरिरहँदा मोदीले भने– भारतमा भव्य राम मन्दिर बन्दा नेपाली पनि उत्तिकै खुसी छन् २२ वर्षीय राजाबाबुले गाउँपालिका अध्यक्ष जिते मोदीको भ्रमणले लुम्बिनीलाई विश्वभर थप परिचित तुल्याउँछ : प्रम देउवा