२ जेष्ठ २०७९, सोमबार

May 16, 2022

बुटवल । लकडाउनको बेलामा घरटोलमा आउने तरकारी कहाँको हो र त्यसरी तरकारी बेच्ने मान्छे को हो ? भन्ने जस्ता आशंका समुदायमा भइरहेका बेलामा बुटवलले भने स्थानीय ताजा र प्रमाणित गरिएका तरकारीलाई मात्रै बेचविखन गर्न पाउने नियम बनाएको छ । स्थानीय किसानले उत्पादन गरेका ताजा कृषि उपजलाई संक्रमण फैलिन नदिने उपायसहित उपभोक्तासम्म पुर्याउन पाउने भन्दै बुटवलले सार्वजनिक सूचनामार्फत जानकारी गराएको छ । बुटवलका १९ वटै वडामा उत्पादन हुने तरकारी तथा फलफुल र बुटवलसँग जोडिएका छिमेकका पालिकाहरुमा उत्पादन भएका र त्यहीँका पालिकाबाट ताजा तरकारीको प्रमाणपत्र लिएर किसानले नै उपभोक्ताका घर टोलसम्म विक्रीवितरण गर्न पाउने छन् । उपभोक्ताको जिउधन र स्वास्थ्यलाई मध्यनजर गर्दै स्थानीय उत्पादनलाई समेत प्रबद्र्धन गर्नेगरि बुटवलले बनाएको नयाँ नियमले तरकारी उत्पदक देखि आमउपभोक्ताको संक्रमण जोखिमलाई समेत कम गराउने छ ।

Advertisement

बुटवलका १९ वटै वडामा त्यहाँका वडा अध्यक्ष र छिमेकका पालिकाबाट सम्बन्धित पालिका प्रमुख, वडा अध्यक्ष वा सम्बन्धित अधिकारीले सिफारिस गरेपछि त्यो तरकारी विक्री वितरण गर्न पाइने छ । स्थानीय किसानलाई हौसला, सुरक्षा संवेदनशिलता र उनीहरुको उत्पादनलाई बजारिकरण गर्ने काममा आफुहरु केन्द्रित रहेको बुटवल उपमहानगरपालिका प्रमुख शिवराज सुवेदीले बताए । टोलटोलमा असुरक्षित तरिकाले तरकारी बोकेर हिंड्ने जोकोही पनि अब त्यसरी हिंडन पाउने छैनन् । आफुले उत्पादन गरेको र सम्बन्धित पालिकाले प्रमाणिकरण गरेका ताजा उत्पादनलाई मात्रै सामाजिक दुरी कायम गराउँदै विक्री वितरण गर्ने व्यवस्था गर्दा त्यसको सकारात्मक लाभ किसान र उपभोक्ता दुबैलाई पुग्ने प्रमुख सुवेदीको विश्वास छ । आम उपभोक्ताको जिउधन र स्वास्थ्यलाई समेत मध्यनजर गर्दै गरिएको यसखालको निर्णय सकारात्मक रहेको उपभोक्ता हीत संरक्षण मञ्च प्रदेश ५ का अध्यक्ष तेजकुमार पाठकको प्रतिक्रिया छ ।

कोभिड–१९ को महामारीका बेलाम सुरक्षाको उपाय अपनाउँदै उपभोक्ताको स्वास्थ्यलाई प्राथिमकतामा राख्नु स्वागतयोग्य रहेको बताउँदै अध्यक्ष पाठकले यसलाई अरु पालिकाले पनि अनुसरण गर्नुपर्ने सुझाव दिए । हरियो ताजा तरकारी र फलफुल स्थानीय पालिकामार्फत जाँच गरेर सिफारिस गरेपछि विक्री वितरण गर्न पाउनेगरि जारी गरिएको नयाँ नियमले विचौलिया रोक्ने र आम कृषक तथा उपभोक्तालाई हीत गर्ने खालको पाइएको पत्रकार महासंघ रुपन्देहीका सचिव आरपी आचार्यको भनाइ छ ।

बुटवल उपमहानगरभित्रको भए सम्बन्धित वडा कार्यालयले सिफारिस गरेको आधारमा र छिमेकका पालिकाको भए त्यहाँको पालिकाले चेकजाँच गरेर योग्य छ भनि दिएको सिफारिसको आधारमा मात्र बुटवलमा टोल–टोलमा र उपभोक्ताको घरघरमा डुलाएर विहान ७ बजेदेखि १० बजेसम्म विक्री वितरण गर्न पाइने नियम बनाइएको प्रमुख प्रशासकीय अधिकृत चक्रपाणी शर्माले बताए । बुटवलका किसानलाई पहिलो प्राथिमकतामा राखिएपनि सार्वजनिक सूचनाले अरु कुनै पालिकाले विक्री वितरण गर्न नपाउने भन्ने नियम नबनाइएको बरु सबैलाई उपभोक्ताको स्वास्थ्यमा थप जिम्मेवार एवम् संवेदनशिल बनाउने काम गरेको बुटवलका प्रवक्ता रामप्रसाद रेग्मीले बताए ।

प्रतिकृया दिनुहोस्

Flash News

ओलीले राम नेपालमा जन्मेको दाबी गरिरहँदा मोदीले भने– भारतमा भव्य राम मन्दिर बन्दा नेपाली पनि उत्तिकै खुसी छन् २२ वर्षीय राजाबाबुले गाउँपालिका अध्यक्ष जिते मोदीको भ्रमणले लुम्बिनीलाई विश्वभर थप परिचित तुल्याउँछ : प्रम देउवा बुटवलमा खेलराज पाण्डेय बाबुराम भट्टराई भन्दा २१६३ मतले अघि छत्रदेव गाउँपालिकाको अध्यक्ष कांग्रेस र उपाध्यक्ष एमालेले जित्यो कतै १ भोट, कतै शून्य तिलोत्तमामा चापागाईँ खाँण भन्दा ८ मतले अघि चुनाव चिन्ह दाङमा दुई पालिकाका र ३९ वडाको नतिजा सार्वजनिक भक्तपुरमा नेमकिपाको ‘क्लिन स्विप’ विजयी उत्सव मनाउन आउँदै गरेको गाडीमा करेन्ट लागेर मृत्यु हुनेको सनाखत एमालेले सत्ता गठबन्धनमाथि लगाएको आरोपप्रति कांग्रेसको आपत्ति, ‘नतिजाले एमाले अत्तालियो’ भारतीय प्रधानमन्त्री माेदीकाे भ्रमणले लुम्बिनी क्षेत्रका बजार बन्द देउवा र मोदीद्वारा संयुक्त रुपमा ‘बुद्धिस्ट कल्चर एण्ड हेरिटेज सेन्टर’ को शिलान्यास शुद्धोधन गाउँपालिका–४ को वडाध्यक्षमा कांग्रेसका अधिकारी विजयी विजयी उत्सव मनाउन आउँदै गरेको गाडीमा करेन्ट लागेर २ जनाको मृत्यु स्थापितभन्दा बालेन २८७५ मतले अगाडि गोरखामा एमाले उम्मेदवार १ मतअन्तरले विजयी भएपछि तनाव, सर्वदलीय बैठक बस्दै लुम्बिनी आएर भारतीय प्रधानमन्त्री मोदीले भने– न्यानो स्वागतको लागि धन्यवाद प्रधानमन्त्री देउवा र भारतीय समकक्षी मोदीले मायादेवी मन्दिरमा एकसाथ गरे प्रार्थना