२ जेष्ठ २०७९, सोमबार

May 16, 2022

नवलपरासी । प्रदेश नम्बर ५ को पूर्वी प्रवेशद्धारको रुपमा रहेको पश्चिम नवलपरासीको बर्दघाट टिसियन चोकमा लामा खाजा घर लकडाउनको समयमा पनि निर्वाध रुपमा संचालन भैरहेको छ । उक्त स्थानमा गण्डकी प्रदेशबाट आउने सवारीसाधन, पैदल यात्रुको चेकजाँचका लागि प्रदेश सरकारले खटाएको शसस्त्र प्रहरीको हेल्थ डेस्क संगै नेपाल प्रहरी पनि २४ सै घण्टा तैनाथ रहेकै छन् ।

Advertisement

खाजा घर संचालनमै रहेको र पूर्व पश्चिम राजमार्गमा संचालन भैरहेका सवारीसाधनका चालक, सहचालक, पैदल यात्रुले चिया खाजा खाने र भिडभाड गर्ने गर्दा कोरोनाको संक्रमण फैलिन सक्ने जोखिम निकै बढेको भन्दै स्थानीयवासी त्रसित बनेका छन् । प्रदेशको प्रवेशद्धारमै सुरक्षाकर्मीकै अगाडि खाजाघर निर्वाध रुपमा संचालन भैरहँदा लकडाउनको भने मज्जालेनै उल्लङ्घन भैरहेको छ । लकडाउन उल्लङ्घन गरी खाजाघर संचालन गरेको गुनासो आएपछि अनुगमनमा पुगेको टोलीलाई समेत होटल सञ्चालक सानु प्रेम बहादुर लामाले टेरेनन् ।

बर्दघाट नगरपालिका वडा नम्बर ४ का वडा अध्यक्ष रविन्द्र विक्रम हमाल, बर्दघाट बजार विकास समितिका अध्यक्ष सोभाकान्त कोईराला, हरियाली टोल विकास समितिका अध्यक्ष तारा गौतम र पत्रकारसहितको टोली अनुगमनमा पुगेको थियो ।अनुगमन टोलीसंगै गएका दौतरी एफ एम का पत्रकार नारायण भण्डारीलाई फोटो नखिच्नु भन्दै सञ्चालक लामा धम्काए । उनले पत्रकार भण्डारी तर्फ औला ठड्याउँदै भने “तपाई फोटो खिच्नुभाछ यसलाई फ्ल्यास भ्वाईस गर्न पर्दैन ख्याल गर्नुस ।” उनि निकै आक्रोसित मुद्रामा देखिएका थिए । उनले वडाअध्यक्ष हमाललाई समेत पत्रकार बोलाएर ल्याएको भन्दै आक्रोस पोखेका थिए ।

हमालले कोरोनाले कसैलाई पनि नचिन्ने भएकोले यो महामारीको समयमा सवै गम्भिर हुनुपर्ने र खाजाघर बन्द गर्न आग्रह गर्र्दा लामाले उल्टै राजनितिक पुर्वाग्रह राखेको आरोप लगाएका थिए । उक्त खाजाघरमा मदिरा समेत विक्रि हुनेगरेको पाईएको छ । प्रहरीलेनै पटक पटक लकडाउनको पालना गरी पसल बन्द गर्न निर्देशन दिए पनि लामाले भने अटेरी गर्दै आएको प्रहरीको भनाई छ । उल्टै आफुलाई फोर्स लगाएर सरुवा गराईदिने भन्दै धम्की दिएको बर्दघाट ईलाका प्रहरी कार्यालयका प्रहरी नायव निरिक्षक भवानी प्रसाद धमलाले बताए । उनले पसलमा लकडाउनकै समयमा समेत मदिरा विक्रि हुनेगरेको बताए ।

प्रहरीलाई त धम्याउने हैसियत राख्ने लामाले अव पत्रकारलाई धम्क्याउन के बाँकी राख्थे र । लामा आफै पनि विभिन्न सामाजिक संघसंस्थामा काम गरेका व्यक्ति हुन । बर्दघाटमा रहेको दाउन्नेदेवी माध्यामिक विद्यालयका पूर्व विद्यालय ब्यबस्थापन समिति अध्यक्ष समेत भईसकेका हुन् । टिसियन चोकमा लामाले बनाएको घरको जग्गा बन क्षेत्रमा पर्दछ । बन क्षेत्रकै जग्गामा लामाले ठुलै पक्कीघर ठडाएका छन् ।

उनले पहुँचको दम्भ देखाएर बन क्षेत्रको जग्गा अतिक्रमण गरेको स्थानीयको भनाई छ । लामाले पारिजात सामुदायिक बनको जग्गा अतिक्रमण गरेपछि सामुदायिक बनले अतिक्रमण गरीएको जग्गा खालि गरिदिन दुई पटक सम्म पत्राचार गरेको छ । तर लामाले भने टेरपुच्छर लगाएका छैनन् । सामुदायिक बनका अध्यक्ष चुडामणी भण्डारीले लामाले बनाएको घर बन क्षेत्रमा पर्ने र उनले घरसंग संगै बनाएको ट्रष्ट भने पारिजात सामुदायक बनमा पर्ने भएकोले हटाउनका लागि ताकेता गरे पनि नटेरेको बताएका छन् ।

भण्डारीले अव तेश्रो पटक अतिक्रमण हटाउनका लागि पत्राचार गर्ने त्यति गर्दा पनि नहटाए डिभिजन बन कार्यालय मार्फत टोली बोलाएर सवै सामान जफत गरिने बताएका छन् । लामा टिम्बर कर्पोरेसन नेपालका कर्मचारी हुँदा देखि नै तत्कालिन राजनैतिक दलका नेतृत्व, ईलाका बन कार्यालयका कर्मचारीहरुलाई प्रलोभनमा पारेर बनकै जग्गामा घर बनाएको जानकारहरु बताउँछन् । लामाले २०६७ तिर पक्किघर निर्माण गरेका हुन् ।

तत्कालिन समयमा टिसिएनको जग्गामा झुपडि बनाएर बसेका १४ घर परिवारलाई तत्कालिन ग्रामिण आवासले घडेरी दिलाएर त्यहाँ बाट उठाउँदा १३ घर परिवार कम्पनीले दिएको घडेरीमा गएर बसेको तर लामा भने घडेरी लिएर पनि बनकै जग्गा हडपेर बसेको स्थानीय अगुवाको भनाई छ ।

प्रतिकृया दिनुहोस्

Flash News

पहिलो टी-२० मा युगान्डासँग नेपाल १२ रनले पराजित संसदको भोलिबाट ११औँ अधिवेशन सुरु हुने, यस्तो छ कार्यसूची ओलीले राम नेपालमा जन्मेको दाबी गरिरहँदा मोदीले भने– भारतमा भव्य राम मन्दिर बन्दा नेपाली पनि उत्तिकै खुसी छन् २२ वर्षीय राजाबाबुले गाउँपालिका अध्यक्ष जिते मोदीको भ्रमणले लुम्बिनीलाई विश्वभर थप परिचित तुल्याउँछ : प्रम देउवा बुटवलमा खेलराज पाण्डेय बाबुराम भट्टराई भन्दा २१६३ मतले अघि छत्रदेव गाउँपालिकाको अध्यक्ष कांग्रेस र उपाध्यक्ष एमालेले जित्यो कतै १ भोट, कतै शून्य तिलोत्तमामा चापागाईँ खाँण भन्दा ८ मतले अघि चुनाव चिन्ह दाङमा दुई पालिकाका र ३९ वडाको नतिजा सार्वजनिक भक्तपुरमा नेमकिपाको ‘क्लिन स्विप’ विजयी उत्सव मनाउन आउँदै गरेको गाडीमा करेन्ट लागेर मृत्यु हुनेको सनाखत एमालेले सत्ता गठबन्धनमाथि लगाएको आरोपप्रति कांग्रेसको आपत्ति, ‘नतिजाले एमाले अत्तालियो’ भारतीय प्रधानमन्त्री माेदीकाे भ्रमणले लुम्बिनी क्षेत्रका बजार बन्द देउवा र मोदीद्वारा संयुक्त रुपमा ‘बुद्धिस्ट कल्चर एण्ड हेरिटेज सेन्टर’ को शिलान्यास शुद्धोधन गाउँपालिका–४ को वडाध्यक्षमा कांग्रेसका अधिकारी विजयी विजयी उत्सव मनाउन आउँदै गरेको गाडीमा करेन्ट लागेर २ जनाको मृत्यु स्थापितभन्दा बालेन २८७५ मतले अगाडि गोरखामा एमाले उम्मेदवार १ मतअन्तरले विजयी भएपछि तनाव, सर्वदलीय बैठक बस्दै