बुटवल । विश्वव्यापी रुपमा फैलिएको कोरोना भाइरसको संक्रमणको नियन्त्रण तथा रोकथामका लागि सरकारले चैत ११ देखि लकडाउन (बन्दाबन्दी) गरेको छ ।
भैरहवामा लकडाउनलाई उल्लंघन गर्दै बिहीबार बिहान समूह बनाएर मर्निङ वाकमा निस्केका ५० जनालाई सशस्त्र प्रहरीले सडकमै घोप्टो पारेर कार्वाही गरेको छ । साथै सशस्त्र प्रहरीले उनीहरूलाई कार्वाहीसँगै सचेत समेत गराएको थियो ।
सिद्धार्थनगर नगरपालिका–१ बाइसास रोडमा भेट्टिएका उनीहरुलाई सम्झाई बुझाई गरेपश्चात अब घरबाट बाहिर ननिस्कने शर्तमा घर पठाइएको सशस्त्र प्रहरी बल नेपाल नं. ३८ गुल्म हे.क्वा. (राजस्व तथा भन्सार गस्ती सुरक्षा ) रुपन्देहीका सशस्त्र प्रहरी नायब उपरीक्षक मान बहादुर शाहीले बताए ।
भोलिदेखि लकडाउनलाई पूर्ण रुपमा पालना गराउन अझ कडा रुपमा जाने समेत उनले बताए ।
युनिकोड
मिति रूपान्तरण
ग्लोबल आवाज
प्रतिक्रिया