१६ माघ २०७९, सोमबार

Jan 30, 2023

संकटमा राहत,प्यासमा पानी हो । अर्थात् अत्यन्तै प्यासमा प्रदान गरिएको पानीले प्यास मात्र मेट्दैन जीवन बचाउन पनि महत्वपूर्ण हुन्छ । त्यसैले अत्यन्तै प्यासमा त्यो पानी अमृत बन्दछ । यतिबेला विश्वभर महामारीका रुपमा फैलिरहेको र एक लाख भन्दा बढी मानिसको ज्यान लिएको कोरोना (कोभिड–१९) ले विश्व संकटमा छ । नेपाल सरकारले पनि यसको नियन्त्रण र रोकथामका लागि लकडाउन गरेको छ । नेपाल लकडाउनका २० दिन बढी भएका छन् । लकडाउनका कारण घर बाहिरका सम्पूर्ण क्रियाकलापहरु करिब ठप्प छन् । यस्तो अवस्थामा नियमित तथा दैनिक ज्यालादारी गरेर बिहान–साँझ छाक टार्ने,नियमित काम गरेर मात्र जिविकोपार्जन गर्ने वर्गका परिवारलाई निकै संकट परेको छ । त्यसैगरी केही आर्थिक संकलन र बचत नभएका परिवारहरुलाई पनि खाद्यान्न लगाएतका अत्यावश्यक सामग्री जोहो गर्न गार्हो हुने अवस्था आइसकेको छ ।

Advertisement

२० दिनबढी भएको लकडाउन र अब थपनिे लकडाउनमा मध्यमवर्गिय परिवारलाई पनि संकट हुने देखिएको छ । लकडाउनसँगै सुरुवातमै विभिन्न संघ–संस्थाले विपन्न वर्गलाई राहतको आवश्यकता महसुस गरी वितरणको थालनी पनि गरेका थिए । त्यसैगरी स्थानीय,तह,प्रदेश सरकार र संघीय सरकारले पनि राहत प्रदान गर्ने घोषणा गर्दै आ–आफ्नो स्थानबाट थालनी गरेका हुन् । राहतकै लागि तीनै तहका सरकारले कोषको स्थापना गरेका छन् । प्रदेश तथा संघीय सरकारले कराडौंको राहत कोष स्थापना गरेका छन् भने स्थानीय तहले पनि लाखौंको कोष स्थपनासँगै तीव्र संकलन गर्दै आएका छन् । रुपन्देहीका १६ स्थानीय तहहरु मध्ये अधिकांशले कोष स्थापना गरेको जानकारी भएको छ । मुुख्यतया बुटवल उपमहानगरपालिका ,तिलोत्तमा नगरपालिका,सैनामैना नगरपालिका,देवदह नगरपालिका राहत संकलन र वितरणमा अग्रपंत्तिमा रहेका छन् । तिलोत्तमा नगरपालिकाले केही दिनअघिमात्र ५० लाख बढी संकलन भएको र सो बाट २० लाखबढी वितरण गरिएको विवरण समेत सार्वजनिक गरेको थियो ।

एकद्वार प्रणाली मार्फत राहत वितरण अभियानमा लागेको तिलोत्तमा नगर कोरोना नियन्त्रण रोकथामा तथा राहत व्यवस्थापन र वितरणमा अब्बल भूमिकामा रहेको छ । त्यसैगरी बुटवल उपमहागरपालिकाले पनि कोरोना नियन्त्रण रोकथाममा सक्रिय हुँदै राहत वितरणलाई व्यवस्थित बनाउने प्रयत्न गरिरहेको छ । सैनामैना ,देवदह , सिद्धार्थ नगरपालिकाहरुले पनि राहत वितरणलाई सक्रिय रुपमा निरन्तरता दिएका छन् । त्यसैगरी गाउँपालिकाहरुले पनि स्थानीय स्तरमा राहत वितरणलाई निरन्तरता दिइरहेका छन् । रुपन्देहीमा रहेका १० गाउँपालिकाहरु अधिकांशले सक्रिय रुपमा राहत वितरणमा लागेका छन् । राहत वितरणमा गाउँपालिकाको प्रभाव बढी देखिएको छ भने नगरपालिकाका वडाहरु प्रभावकारी देखिएका छन् । यता प्रदेश ५ कै राजधानी भएको रुपन्देही जिल्ला,बुटवलमा भने प्रदेश सरकारको राहत संकलन जारी छ । प्रदेशको विपद् कोषमा विशेषगरी बैंकिङ्ग तथा वित्तिय क्षेत्र , उद्योग/व्यवसायीहरुको आर्थिक सहयोग गर्ने क्रम बढ्दो छ । प्रदेश सरकारको राहतबारे अहिल्यै जानकारी छैन ।

यसरी विभिन्न संघ–संस्था र तिनै तहका सरकारले राहत संकलन गर्दापनि वास्तविक तथा आवश्यक कैंयौं वर्ग सामु राहत पुगेको छैन । राहतमा राजनीति ,भ्रष्टाचार,भेद्भाव,अनियमित्ता, ठगी, अन्याय जस्ता गुनासाहरु आइरहेका छन् । यस्ता समाचार र गुनासाहरु यस अघि अर्थात् महाभूकम्प ,तराइमा बाढी जस्ता प्रकोपमा पनि आएका थिए । तर, निरन्तरता दुःखद हो । किनकी यतिबेला गाउँ–गाउँमा सिंहदरबार अर्थात् सरकार छन् । स्थानीय सरकारले वास्तविक मजदुर ,विपन्न सजिलै पत्ता लगाउन तथा पहिचान गर्न सक्छ । हरेक वडाबाट वडा कार्यालयले सही तथ्यांक लिन सक्छ । त्यतिमात्र नभई स्थानीय जनप्रतिनिधि स्थानीयसँग प्रतक्ष्य सम्पर्कमा रहेका हुन्छन् । तसर्थ यस्तो अवस्थामा पनि वास्तविक हकदार बञ्चित भएर दलिय,सत्ता निकट,पहुँचवाला, धनाढ्यले राहत लिनु र अक्षम्य अपराध हो । दैनिक ज्यालादारी गरेर खाने,विपन्न वर्ग , संकटमा भोकै भएका जो कोहीले पाउने कानूनी तथा नैतिक अधिकार हनन् गरेर उनीहरुको भाग कुनै धनाढ्य ,पहुँचवाला तथा राजनीकि तथा सत्ताधारीले लिन्छ भने त्यस्तालाई कानूनी दायरामा ल्यानु पर्दछ । तसर्थ विभिन्न संघ–संस्था,तह,सरकार लगाएत सरोकारवालाले यो विपद्को घडीमा राहतलाई उचित व्यवस्थापन गरी आवश्यक वर्गलाई वितरण गर्न जरुरी रहेको छ ।

प्रतिकृया दिनुहोस्

Flash News

दाङमा कारागारमा रहेकी महिलामाथि करणी आरोपमा एक पक्राउ अश्लील भिडियो बनाई महिलाकाे चरित्रहत्या गर्ने पक्राउ सेयर बजार ४१ अंकले घट्यो माओवादी स्थायी समिति बैठक बुधबार, गृहमन्त्रीबारे छलफल हुने कर्नाटक कन्सर्टमा कैलाश खेरमाथि आक्रमण चन्दा आतंक गर्ने जनतान्त्रिक मुक्ति मोर्चाका संयोजकसहित ४ जना कपिलवस्तुमा पक्राउ नेपाली सिनेमा फेस्ट २०२३ मा अनुमतिविना महापुरुष समावेश गरेपछि षट्कोण आर्ट्सको आपत्ति फागुन २५ मा राष्ट्रपतिको निर्वाचन लाफा बी लेबल भलिबलको उपाधी न्यू होराईजनललाई, आयोजक दोस्रो राष्ट्रिय सहमतिको स्वप्निल राजनीति भोटेकोशीको बगाममा टेलिकमको टावर, पहिलोपटक फोन र इन्टरनेटको सेवा अभियुक्त लक्ष्मी महतो कोइरीको बचाउमा उत्रियो एमाले र कोइरी समाज अमेरिकी उपविदेश मन्त्रीले भेटिन् प्रधानमन्त्री प्रचण्डलाई बुटवलको बुद्धनगरदेखि नहरपूर जोड्ने सडक निर्माणको काम शुरु सुकुम्बासी बस्ती हटाउन मेयर बालेनले मागे प्रधानमन्त्रीसँग सहयोग सहिदहरूको सपना पूरा गर्न सबै एकजुट होऔँ : प्रधानमन्त्री पेट्रोल छर्केर आगो लगाउँदा श्रीमती गम्भीर घाइते, छोराको मृत्यु सूचनाको हकसम्बन्धी विषयमा प्रधानमन्त्रीले छलफल गर्दै बन्दीपुर क्षेत्रका होर्डिङबोर्ड हटाइँदै कार र ट्याक्सी ठोक्किँदा दुई जनाको मृत्यु