१३ माघ २०७९, शुक्रबार

Jan 27, 2023

बुटवल । अर्घखाँची सिमेण्ट प्रा.लि.ले पाल्पाको तिनाउ गाउँपालिका ३, श्री डाँडा पाल्पाका २०० परिवारलाई राहत स्वरुप खाद्यान्न सहयोग गरेको छ । विश्वव्यापी महामारीका रुपमा फैलिएको कोरोना रोकथाम र नियन्त्रणका लागि सरकारले गरेको लकडाउनबाट प्रभावित विपन्न परिवारलाई राहत प्रदान गर्ने उद्देश्यले सहयोग गरेको हो । सो क्षेत्रको खानीबाट उद्योगलाई कच्चा पदार्थ प्राप्त हुने हुनाले सोही क्षेत्रका वासिन्दा संकटमा पर्दा सहयोग गर्नु उद्योगको दायित्व रहेको उद्योगका महाप्रबन्धक उद्धब बहादुर कार्कीले बताए ।

Advertisement

तिनाउ गाउँपालिका अध्यक्ष ओम बहादुर घर्ति मगरले संकटको समयमा श्री डाडाँ बासीलाई जिविकोपार्जनको लागि अत्यावश्क खाद्यान्न सामग्री प्रदान गरेर उद्योगले आफ्नो दायीत्तव पुरा गरेकोमा उद्योग परिवारलाई धन्यवाद व्यक्त गरे । तिनाउ गाउँपालिका वडा नं–३ को समन्वयमा मंगलवार परिवार संख्याको आधारमा दाल, चामल, तेल, नून, सोयाबिन तथा हात धुने साबुन सहितका करिब १५ किलो खाद्य समाग्री भएको बोरा पिडीत परिवारलाई वितरण गरिएको उद्योगका मार्केटीङ म्यानेजर निलकण्ठ खनालले बताए । सो क्षेत्रका अन्य विकट स्थानका विपन्न परिवारहरुको पनि तथ्यांक संकलन गरी राहत प्रदान अभियानलाई निरन्तरता दिइने खनालले बताए ।

रुपन्देहीको सियारी गाउँपालिकामा रहेको उद्योगले यस अघि हिजोनै आफ्नो खानी क्षेत्र पाल्पा जिल्लाकै माथागढि गाउँपालिका–५ धामिगाका २५० बढि विपन्न परिवारलाई राहत सामाग्री बितरण गरेको थियो । हिजो र आज गरि पाल्पा जिलमा मात्रै यस उद्योगले ४५० बढि घरधुरीलाई राहत सामाग्री प्रदान गरेको हो ।

उद्योगले प्रदेश ५ सरकारले स्थापना गरेको कोरोना रोकथाम, नियन्त्रण तथा राहत कोषमा निजी क्षेत्र बाट अहिलेसम्कै सबैभन्दा बढि सहयोग रकम रु ५१ लाख प्रदान गरिसकेको छ । प्रदेशको कोषमा हालसम्मकै ठूलो सहयोग गर्ने प्रतिष्ठान लगाएत सम्पूर्ण संघसंथामा अर्घखाँची सिमेण्ट अग्रपंतिमा रहेको छ ।

प्रतिकृया दिनुहोस्

Flash News

माया खोला हाइड्रोपावरकाे आईपीओ खुला श्रीधर र शान्तिको ‘कपालै कोरीमा’ सार्वजनिक एकैदिन तोलामा ११ सयले घट्यो सुनको मूल्य तिलोत्तमामा वासेबल प्याड बनाउने तालिम गृहमन्त्री लामिछानेको नागरिकता विवादबारे सुनुवाइ सुरु, आज नै निर्णय आउने सम्भावना सिरहामा वन कर्मचारीकै मिलोमतोमा काठ तस्करी लोकदोहोरी गायक भीम पौडेलको निधन जापानी मेयरलाई चिन्डो उपहार ग्याङ्स अफ वासेपुरलाई किन बिर्सन चाहन्छन् अनुराग अनेरास्ववियूले जलायो शिक्षामन्त्रीको पुत्ला आजकाे हरियो तरकारी र फलफूलको मूल्य राष्ट्रपति चयनमा पनि कांग्रेस पराजित हुन्छ: एमाले प्रचार विभाग उपप्रमुख रिजाल मोटरसाइकलको ठक्करबाट पैदल यात्रीको मृत्यु राष्ट्रिय सभाको बैठक बस्दै हट्यो होटल र रेस्टुरेन्टको सेवा शुल्क प्रेम अचार्यलाई श्रद्धाञ्जली दिँदै तोसिमाले भनिन् : मृत्युमाथि राजनीति नगरौं दाङको टरिगाउँ विमास्थलमा सिता एयरले आज परीक्षण उडान गर्दै माओवादी केन्द्रको स्थायी समिति बैठक आज पनि बस्दै सार्वजनिक यातायात सुधारका लागि कार्यदल गठन गृहमन्त्री रवि लामिछानेको नागरिकता विवादमा आज सुनुवाइ, के आउला अन्तिम फैसला ?