२४ माघ २०७९, मंगलवार

Feb 7, 2023

बुटवल । प्रदेश ५ का मूख्यमन्त्री शंकर पोखरेलले नयाँ वर्ष २०७७ सालको शुभकामना शन्देश जारी गर्दै कोरोना विरुद्धको अभियानमा एकिकृत रुपमा अगाडी बढ्न आह्वान गरेकाछन् । विश्व महामारीका रुपमा फैलिएको कोरोना भाइरस विरुद्धको संघर्षमा रहेको भन्दै मुख्यमन्त्री पोखरेलले नागरिकलाई कोरोना भाइरसबाट संक्रमित हुन नदिन तीन सातादेखि मुलुक लकडाउनमा जारी रहेकाले लकडाउनभित्रै नयाँ उत्साह र उमङ्गका साथ घरमै बसेर नयाँ वर्ष मनाउन आग्रह गरेका छन् ।

Advertisement

‘सरकारले मुलुकलाई लकडाउनमा राख्ने निर्णय बेलैमा गरेकाले समुदायमा संक्रमण बढेको छैन । संक्रमित १२ जनामध्ये एक जनाबाहेक सबै बाहिरबाट आएका व्यक्तिमा संक्रमण देखिएको छ ।’–मुख्यमन्त्री पोखरेलको शुभकामना सन्देशमा भनिएको छ । ‘कोरोना विरुद्धको संघर्षमा तीन तहका सरकार समन्वय र सहकार्य गर्दै अघि बढेका छन् । राजनीतिक, प्रशासनिक र सुरक्षा निकायलाई एकीकृत र व्यवस्थित रुपमा परिचालन गरिएको छ । यो महामारी विरुद्धको संघर्षमा देखिएको राजनैतिक समझदारीले काममा जुटिरहेकाको मनोबल बढाएको छ ।’

कोभिड १९ विरुद्धको संघर्षमा चिकित्सकसहितका स्वास्थ्यकर्मी नै अग्रमोर्चाका योद्धा रहेको भन्दै मुख्यमन्त्रीले उनीहरुको मिहिनेत र उच्च मनोबललाई आफूले उच्च सम्मान व्यक्त गरेको बताएका । ‘अहिलेसम्म हामी सुरक्षित छौं । तर, जोखिमबाट मुक्त छैनौं । कोरोनाविरुद्ध लड्दै प्रदेशलाई सुरक्षित राख्न सम्पूर्ण शक्ति केन्द्रित गरेका छौं ।’–मुख्यमन्त्री पोखरेलको शुभकामना सन्देशमा भनिएको छ । ‘कोरोनाविरुद्ध प्रभावकारी ढङ्गले छिटो, व्यवस्थित र समन्वयात्मक रूपमा काम गर्न मेरो अध्यक्षतामा गठन भएको सङ्कट व्यवस्थापन केन्द्र सक्रिय छ ।’
कोरोनाविरुद्धको लडाइँमा प्रदेशले उपचार संयन्त्र र संरचनालाई प्रभावकारी बनाएको भन्दै मुख्यमन्त्री पोखरेलले रुपन्देहीको बुटवल र भैरहवा, दाङको बेलझुण्डी र बाँकेको खजुरामा आइसियुसहितको कोरोना विशेष अस्पताल तयार गरेको बताएका छन् । भैरहवामा प्रदेश जनस्वास्थ्य प्रयोगशाला स्थापना गरी कोरोना भाइरसको परिक्षण गर्न थालिएको भन्दै पोखरेलले छिट्टै नेपालगञ्ज र दाङमा पनि प्रयोगशाला सञ्चालनमा आउने बताए । उच्च सतर्कता र सावधानीका कारण अहिलेसम्म प्रदेश ५ मा कोरोना संक्रमित बिरामी नभेटिएको भन्दै मुख्यमन्त्री पोखरेलले भारतसँग सीमा जोडिएका क्षेत्रमा सशस्त्र प्रहरीको परिचालन चुस्त बनाइएको र प्रदेश ५ सँग सीमा जोडिएका प्रदेशसँगको सीमा नाकामा पनि कडाई गरिएको बताएका छन् ।

लकडाउन लामो हुँदा दैनिक ज्यालादारीमा जीवन निर्वाह गर्नेहरुले कठिनाइ व्यहोर्नु परेको प्रदेश सरकारले बुझेको भन्दै मुख्यमन्त्री पोखरेलले यो कठीन समयमा कोही नागरिक भोकै बस्न पर्ने अवस्था नआउने बताएका छन् । ‘स्थानीय तहले पहिलो चरणमा दैनिक ज्यालादारी गरी जीवन निर्वाह गर्ने नागरिकको राहतको आवश्यक प्रबन्ध गर्ने व्यवस्था मिलाइएको छ । यो समय खेती स्याहार्ने र लगाउने समय हो । खेती स्याहार्ने र लगाउने काम सामाजिक दुरी कायम गरी गर्न सकिन्छ । लकडाउन लम्बिदै जाँदा पर्ने समस्याको समाधानका लागि आवश्यक प्रबन्ध गरिने छ’, मुख्यमन्त्रीको शुभकामना सन्देशमा भनिएको छ । ‘भारतलगायत तेस्रो मुलुकबाट आएका सबैजना क्वारेन्टाइन र होम क्वारेन्टाइनमा बस्ने व्यवस्था मिलाइएको छ । जो क्वारेन्टाइनमा बस्नुभएको छ, तपाईहरुको र्या्पिड टेस्ट शुरु भएको छ ।’

प्रदेश सरकारले कोरोना नियन्त्रण तथा उपचार कोष स्थापना गरेको भन्दै मुख्यमन्त्री पोखरेलले यो कोषमा प्रदेश सरकारले १० करोड रुपैंया जम्मा गरेको जानकारी दिए । ‘विभिन्न व्यक्ति र संस्थाले कोषमा योगदान गरिरहनु भएको छ । प्रदेश सरकारले कोषमा १० करोड जम्मा गरेको छ । म यो संकटको बेला कोषमा योगदान गर्ने सबैप्रति हार्दिक आभार व्यक्त गर्दछु । साथै कोषमा योगदान गर्न विभिन्न संघ–संस्था, व्यवसायी, पेशाकर्मी र आमजनसमुदायमाहार्दिक अपील गर्दछु’, मुख्यमन्त्री पोखरेलको शुभकामना सन्देशमा भनिएको छ ।

संक्रमण फैलन नदिन व्यक्तिबीचको सामाजिक दुरी सबैभन्दा ठूलो औजार भएको भन्दै मुख्यमन्त्री पोखरेलले लकडाउन सोही प्रयोजनका लागि भएको बताएका छन् । यस महामारी विरुद्धको संघर्षमा नागरिकको सहयोग निकै महत्वपूर्ण रहने भन्दै पोखरेलले राज्यले लिएका निर्णय नागरिकको जीवन रक्षाका लागि हुन् भन्ने बुझाई स्थापित भएको बताएका छन् । ‘नयाँवर्ष २०७७ को अवसरमा स्वदेश तथा विदेशमा रहनु भएका सम्पूर्ण नेपाली दिदीबहिनी दाजुभाइहरुमा सुख, शान्ति, सुस्वास्थ्य र समृद्धिको हार्दिक शुभकामना व्यक्त गर्दछु ।’–मुख्यमन्त्रीको शुभकामना सन्देशमा भनिएको छ ।

प्रतिकृया दिनुहोस्

Flash News

अभिनेत्री निता ढुंगानाले सार्वजनिक गरिन् आफ्नो चलचित्रमा काम गर्ने भारतीय कलाकारको यस्ता तस्बिर बुटवल उपमहानगरस्तरीय चौथो राष्ट्रपति रनिङ्ग शिल्ड प्रतियोगिताका लागि संयोजक र उप-समितिहरु गठन पूर्वसांसद कर्मा घलेको निधन ज्ञानगँगामा १६ वर्ष मुनिका अन्तर विद्यालय छात्र ब्याटमिन्टन मृत्युको आयु ! मणिमुकुन्द रनिङशिल्ड भलिबल : उद्घाटन खेलमा पर्वत र नवलपुर विजयी गार्गी एकेडेमीमा खेलकूद सप्ताह सुरू भारतलाई हराउँदै नेपाल साफ यू-२० महिला च्याम्पियनसिपको फाइनलमा चुणामणि शर्माविरुद्ध ११ अर्ब हिनामिनाको मुद्दामा साक्षी झिकाउन आदेश शेरबहादुर देउवालाई विपक्षी दलको सुविधा नदिन माग गर्दै सर्वाेच्चमा रिट सेयर बजार ७६.६४ अंकले बढ्याे बिदा घटाउने तयारीमा सरकार तिलोत्तमा २ स्थित शंकरनगर दुर्गादत्त माविमा विज्ञान प्रदर्शनी टर्की भूकम्पमा परेका घानाका खेलाडी सम्पर्क‍विहीन मुखमा सर्प हालेर ‘स्टन्डवाजी’ गर्ने साँप उद्धारकर्मीको मृत्यु नाबालिका बलात्कार आरोपमा वडाध्यक्ष राजन श्रेष्ठ पुर्पक्षको लागि कारागार चलान टर्की भूकम्प : ३६ घन्टामा १०९ पराकम्प, तीनवटा ७.५ म्याग्निच्युडका काठमाडौंका मुख्य सडकमा बत्ती जडान गर्न महानगर र प्राधिकरणबीच सम्झौता कर्णाली सरकारको निर्णय- १ फागुनमा जनयुद्ध दिवस मनाउने र सार्वजनिक बिदा दिने टर्की भुकम्प: ८ नेपाली सम्पर्कमा हुदाँ ३ जना सम्पर्क बाहिर