बुटवल । बुटवलस्थित कोरोना विशेष अस्थायी अस्पताल आइसोलेशनमा भर्ना भई मृत्यु भएका ३४ वर्षीय बाबुराम थापाको कोरोना परीक्षण नेगेटिभ आएको छ ।
परीक्षणका क्रममा नतिजा नेगेटिभ आएको लुम्बिनी प्रादेशिक अस्पतालले एक विज्ञप्ति जारी गरि जानकारी गराएको छ । गत चैत-१३ गते बुटवल धागो कारखानामा रहेको कोरोना बिशेष अस्पतालमा क्वारेन्टाईन बसेका ३४ बर्षीय थापाको हिजो दिउँसो मृत्यु भएको थियो ।
चैत्र ६ गते दुबईबाट नेपाल आएका उनलाई कोरोना संक्रमणको जस्तै लक्षण देखा परेपछि १३ गते क्वारेन्टाईन ल्याईएको थियो । दुबईमा ट्याक्सि ड्राइभरका रुपमा काम गर्ने उनलाई सुरुमा स्थानीय मेडिकलमा उपचार गराए पनि निको नभएपछि क्वारेन्टनइन ल्याइएको थियो ।
प्रतिक्रिया