२ जेष्ठ २०७९, सोमबार

May 16, 2022

बुटवल । प्रकोपबाट बच्न पहिले आफैले आफ्नै घरैदेखि सावधानी अपनाउन नेपाल कम्युनिस्ट पार्टी (नेकपा)रुपन्देहीले आग्रह गरेको छ । लकडाउनको दोस्रो चरणलाई अझ संवेदनशील रुपमा रहेको भन्दै अझ बढी सजग, सचेत र सावधान हुनुपर्ने आज एक प्रेस विज्ञप्ति जारी गरी सबैमा आग्रह गरिएको छ । लकडाउन हाम्रै सुरक्षा र थप सावधानीका लागि भएको भन्द घरमै बस्न, भीडभाडमा नजान र आफु सुरक्षित रहेर आम नागरिकलाई सुरक्षित गर्नेतर्फ लाग्न सबैमा आग्रह समेत गरीएको छ । साथै बिदेशबाट आएकाहरुको पहिचान गरि स्थानीय स्तरमा तयार पारिएका क्वारेन्टाईनमा अनिबार्य बस्न लगाउने काममा सहयोग गर्न र सामाजिक दुरी कायम राख्न आम कार्यकर्तालाई निर्देशन जारी समेत गरिएको छ ।

Advertisement

आदरणीय रुपन्देहीबासी आमाबुबा, दाजुभाइ तथा दिदीबहिनीहरु !

अहिले नेपालसहित विश्वभरि नै कोरोनाको प्रभाव फैलिएको छ । यसबाट बच्नका लागि हरेक नागरिकले आफ्नो दैनिकी परिवर्तन गरेको अवस्था छ । प्रकोपबाट बच्न पहिले आफैले आफ्नै घरैदेखि सावधानी अपनाउन विशेष अनुरोध गर्दछौं ।

मुलुक लकडाउन भएको पहिलो चरण आज सकिएको छ । लकडाउनको दोस्रो चरणलाई अझ संवेदनशील रुपमा हेरिरहेको अवस्था छ । तसर्थ यो चरणमा अझ बढी सजग, सचेत र सावधान रहनुपर्ने छ । लकडाउन गरिएको तपाईं हाम्रै सुरक्षा र थप सावधानीका लागि हो । यो बेलामा घरमै बस्नुहोस्, भीडभाडमा नजानुहोस् । आफु सुरक्षित रहेर आम नागरिकलाई सुरक्षित गर्नेतर्फ लाग्न,
बिदेशबाट आएकाहरुको पहिचान गरि स्थानीय स्तरमा तयार पारिएका क्वारेन्टाईनमा अनिबार्य बस्न लगाउने काममा सहयोग गर्न र सामाजिक दुरी कायम राखेत महामारी विरुद्धको यो युद्धमा अब्बल दर्जाको सिपाहीको भूमिका निर्वाह गर्न आम कार्यकर्तालाई निर्देशन जारी गरिएको छ ।
उच्च जोखिमको यो अवस्थामा पूर्व सावधानीका सम्पूर्ण उपाय अवलम्बन गर्न आमनागरिक समुदायमा हार्दिक अपिल गर्दछौं सरकारद्वारा अग्रसारित सम्पूर्ण निणर्य र कार्यक्रमहरुको पूर्ण पालना गरि आफु सुरक्षित रही आम नागरिकलाई समेत सुरक्षित राख्ने वातावरण तयार गर्न र सरकारी निणर्यको कार्यान्वयनमा सहयोग पुर्याउन पार्टी जिल्ला कमिटी र मातहतमा सम्पूर्ण कमरेडहरुलाई हार्दिक आह्वान गर्दछौं ।

मानव सभ्यता र आधुनिक विज्ञानलाई समेत चुनौति दिइरहेको कोरोना भाइरसको संक्रमणबाट आम नागरिकलाई जोगाउनु अहिले सरकार र हामी सबैको प्राथमिक दायित्व हो । त्यसैले यो विषम परिस्थितीमा जनस्वास्थ्य र जनजीविकाका पक्षमा संवेदनशील भइ पर्याप्त सुरक्षा सामग्री र आवस्यक उपकरणसहित चिकित्सक र स्वास्थ्यकर्मी परिचालन गर्न, भेन्टीलेटर सहितको आइसीयू कोरोना विशेष अस्पताल सञ्चालन गर्न, प्रत्येक जिल्लामा आवश्यक किटसहित कोरोना टेष्ट ल्याबको स्थापना गर्न जरुरी देखिएको छ । यसतर्फ केन्द्रित हुन सरकारलाई आग्रह गर्दछौं । यस्तै दैनिक ज्यालादारी तथा श्रममा जीवन निर्वाह गर्ने श्रमजीवी वर्ग र गरिबीको रेखामुनी रहेका नागरिकलाई लकडाउन अवधीभर न्यूनतम जीवनयापनको व्यवस्था मिलाउने कामलाई अझ प्रभावकारी बनाउनुपर्ने छ । ज्यालादारी मजदुरको डाटा संकलन गर्न, आवश्यक राहतको सूची बनाउन र स्थानीय पालिकाका जनप्रतिनिधिसंग समन्वय गरेर आवश्यक परेका खण्डमा स्वयंसेवकका रुपमा खट्न कार्यकर्तालाई निर्देशन गर्दछौं । दैनिक अत्यावश्यक उपभोग्य सामग्रीको सहज आपुर्तीको व्यवस्थाका साथै कालोबजारी नियन्त्रण गर्ने कार्यलाई प्रभावकारी रुपमा अगाडि वढाउन नेपाल सरकार समक्ष पार्टीको तर्फबाट जोडदार माग गर्दछौं ।

अहिलेको यो परिस्थितीलाई सकेसम्म सहज बनाउनेतर्फ तीनै तहका सरकार र राज्यका सबै संयन्त्रहरु केन्द्रित भएको अवस्था छ । यो संवेदनशील बेलामा आम नागरिक अझ जिम्मेवार बन्नुपर्ने छ । जिल्ला कमिटीका सबै कमरेडहरु, दुबै तहका निर्वाचन क्षेत्रीय कमिटी तथा सबै पालिकाका जिम्मेवार कमरेडहरु परिस्थितिलाई सक्दो सहज बनाउने काममा केन्द्रित हुनुहोस् भन्ने पार्टीको निर्देशन छ । यस्तो परिस्थितिमा निरन्तर काममा खट्ने स्वास्थ्यकर्मी, सुरक्षाकर्मी, सञ्चारकर्मीलगायत सबैलाई पार्टीका तर्फबाट आभार प्रकट गर्दै अझ दृढताका साथ काममा खट्नुहुनेछ भन्ने अपेक्षा गर्दछौं । राहत र उद्धारका काममा तयार रहन राजनीतिक दल, उद्योगी, व्यवसायी, संघसंस्था र प्रतिष्ठानलाई विनम्र अनुरोध गर्दछौं ।

साथै अनावश्यक भ्रम फैलाउने, नचाहिने हल्ला चलाउने र सरकारका व्यवस्थित कामलाई अतिरञ्जनापूर्ण तरिकाले भ्रम फैलाउने तत्व सक्रिय छ । त्यसप्रति सचेत र सजग बनेर विपद्को पूर्वतयारीमा केन्द्रित रहनुहोस् ।

सिङ्गो पार्टी कमिटी, पार्टीका आदरणीय नेताहरुले नेतृत्व गरेका सरकारले उदाहरणीय काम गरिरहेका छन् । यसर्थ गलत र भ्रामक प्रचारबाजीका आधारमा आफ्नो धारणा नबनाउन पनि अनुरोध गर्दछौं ।

प्रतिकृया दिनुहोस्

Flash News

भारतीय प्रधानमन्त्री मोदी लुम्बिनीमा, देउवाले गरे स्वागत भरतपुरमा रेनु भन्दा विजय ४३ मतले अगाडि धनगढीमा मतान्तर बढाउँदै स्वतन्त्र उम्मेदवार हमाल दिल्लीको तापक्रम ४९ डिग्री सेल्सियस, सर्वसाधारणलाई घरभित्रै बस्न अनुरोध भारतीय प्रधानमन्त्री मोदी आज ६ घण्टाको लागि नेपाल आउँदै बुटवलमा खेलराज पाण्डेय १८१४ मतले अघि तिलोत्तमामा एमालेको विजयी सुरुवात, गठबन्धनलाई हराउँदै वडा १ को अध्यक्षमा गिरी सैनामैना २ मा गठबन्धनलाई हराउँदै एमालेका कंडेल विजयी देवदहमा एमालेको अग्रता कायमै, काँग्रेस २०९ मतले पछाडी चितवनका २० वडाको मतपरिणाम सार्वजनिक, कांग्रेस ९ र एमाले ६ वडामा विजयी पोखराको पहिलाे नतिजा : १ मा एमाले, २ मा कांग्रेस विजयी तिलोत्तमामा खाँण र चापागाईं बीच कडा प्रतिस्पर्धा जारी गौतमबुद्ध विमानस्थलमा पहिलाे अन्तर्राष्ट्रिय उडान, जजिरा एयरबेजको जहाज अवतरण बुटवल उपमहानगर-१९ मा प्यानलसहित एमाले विजयी लुम्बिनी प्रदेशसहित यी स्थानमा वर्षाकाे सम्भावना, भाेलि हावाहुरी चल्नसक्ने दाङको बङ्गलाचुलीमा गठबन्धन दल विजयी देवदहमा एमालेको अग्रता कायमै, काँग्रेस १६९ मतले पछाडी तिनाउमा गठबन्धनलाई हराउँदै बहुमत वडासहित एमालेको जित लुम्बिनी भ्रमणले नेपाल–भारत सम्बन्ध अझ मजबुत बनाउने छ : भारतीय प्रधानमन्त्री मोदी तिलोत्तमामा एमालेका चापागाइँ र कांग्रेसका खाँणबीच कडा प्रतिष्पर्धा