बुटवल । नेपाल कम्युनिस्ट पार्टी रुपन्देही क्षेत्र नम्बर-१ ले विश्वव्यापी महामारीका रुपमा फैलिएको कोरोना भाइरसको संक्रमणबाट बच्न सरकारले आह्वान गरेको लकडाउनलाई सबै जनताले पालना गर्नका लागि अपिल गरेको छ । कमिटीका सचिव गोविन्द पङ्गेनीले आइतबार एक विज्ञप्ति जारी गर्दै सामाजिक सञ्जालहरुमा आउने गरेका भ्रमपूर्ण र जनतालाई भयवित बनाउने सूचना तथा अडियो भिडियोबाट समेत सचेत रहन आग्रह गरिएको छ । भरपर्दो र विश्वसनिय सुचनालाई मात्र विश्वास गर्दै त्रासमा नआउनका लागि आग्रह गरिएको ।
लक डाउनको अवधिमा गरिव तथा विपन्न वर्गका घरमै राहतको व्यवस्था मिलाउनका लागि सरकार तयार रहेको जानकारी गराउदै क्षेत्र नम्बर १ का संयोजक यज्ञ गैरेद्वारा हस्ताक्षरित विज्ञप्तिमा सबै जनतालाई सजग रहेर सरकारले आह्वान गरेको लकडाउन अवधिमा अत्यावश्यक बाहेक घर बाहिर ननिस्कनकना लागि आह्वान गरिएको छ ।
युनिकोड
मिति रूपान्तरण
ग्लोबल आवाज
_iyE3k4qykX.jpg)
प्रतिक्रिया