२ जेष्ठ २०७९, सोमबार

May 16, 2022

भैरहवा । कोरोना भाइरसका कारण नेपाल-भारत सीमा नाका बन्द हुने हल्लाले सर्वसाधारणले आवश्यकता भन्दा बढी इन्धन भण्डार गर्ने गरेको पाइएको छ । नाकाबन्दीका बेलामा जस्तै सर्वसाधरणले इन्धन भण्डारण गर्न थालेपछि नेपाल आयल निगम भलवारी डिपोले इन्धनको अनावश्यक स्टक नगर्न आग्रह गरेको छ । अहिलेसम्म भारतबाट निर्वाध रुपमा पेट्रोलियम पदार्थ नेपाल भित्रिरहेको र बजारमा पेट्रोलियम पदार्थको कुनै खालको अभाव नरहेको भन्दै निगमले हल्लाका पछाडि लागेर भण्डारण नगर्न आग्रह गरेको हो ।

Advertisement

निरन्तर रुपमा पहिलेकै अवस्थामा इन्धन आयात भइरहेको निगमका भलवारी डिपोका प्रमुख ई. सुरज शाहले जानकारी दिए । नाकाबन्दीका बेला सबै नाका बन्द हँुदा खुल्ला रहेको भैरहवा नाका (बेलहिया) बाट मात्रै आयात भएको इन्धन मुलुकभरीका लागि आपूर्ति व्यवस्था मिलाइएको थियो । अहिले पनि यो नाकाबाट आयात हुने पेट्रोलियम पदार्थमा कुनै कमी नआएको शाहले जानकारी दिए । ‘विगतमा जुन परिमाणमा इन्धन आइरहेको थियो, त्यही परिमाणमा अहिले पनि आइरहेको छ ।’–उनले भने– ‘ट्यांकरमा इन्धन लोड भइरहेको छ, हालसम्म भारतबाट इन्धन ढुवानीका लागि केही समस्या आएको छैन ।’

डिपो प्रमुख शाहका अनुसार भारतबाट शुक्रबार दुई लाख ४० लिटर डिजेल र सात लाख ५२ हजार लिटर पेट्रोल र ३२ वटा एलपीजी ग्याँस बुलेट आएको छ । भलवारी डिपो प्रमुख शाहका अनुसार भारतको बैतालपुर, मुगलसराय, केही मात्रामा गोयन्ड र अमलेखगंजको पाइपलाइनबाट समेत डिजेल, पेट्रोल आयात भइरहेको छ । भारतबाट औसतमा डिजेल दैनिक ४० ट्यांकर र पेट्रोल १५ ट्यांकर आयात भइरहेको छ । काठमाडांैमा पनि पेट्रोलियम पदार्थको अभाव हुन नदिनका लागि दैनिक जसो ८० हजार लिटर पेट्रोल काठमाडौ पठाउने गरेको शाहले बताए । निगमको भलवारी डिपोमा एक लाख १३ हजार लिटर पेट्रोल र २६ लाख लिटर डिजेल मौजदात रहेको प्रमुख शाहले बताए ।

डिपो बाहिर पनि १४ सय ८० केएल डिजेल र चार सय ८० केएल पेट्रोल मौजदात रहेको निगमले जनाएको छ । डिपोको क्षमता डिजेलमा ३० लाख लिटर र पेट्रोलमा एक लाख ४० हजार लिटर रहेको छ । ‘भारतबाट ट्यांकरमा आइरहेको इन्धन ट्यांकरबाटै बिक्री गरिरहेका छौँ’– उनले भने । मौजदात गरिएको इन्धनबाट बिक्री गर्नु नपरेको पनि शाहले बताए । ‘अहिले पनि निर्वाध रुपमा पेट्रोलियम पदार्थको लोड भइरहेको छ’–उनले भने ।

कोरोनाको त्रासले सर्वसाधरणको माग बढ्दा व्यवसायीहरुले बढी मात्रामा माग गरेको उनले बताए । उनले इन्धनको विषयमा अफवाहको पछाडि नलाग्न र आवश्यकता भन्दा बढी इन्धन भण्डारण नगर्न सर्वसाधरण सबैलाई आग्रह गरे । ‘पेट्रोल, डिजेल दजस्तो अत्यावश्यक वस्तु सर्वसाधारणले आवश्यकता भन्दा बढी भण्डारण गर्दा अनावश्यक रुपमा अभाव देखिन सक्छ’–उनले भने ।

भारतबाट एलपिजी ग्याँसका बुलेट पनि निरन्तर रुपमा आइरहेकाले ग्यासको पनि अभाव नहुने भलवारी डिपोले जनाएको छ । भैरहवा नाकाबाट आयात हुने डिजेल, पेट्रोल भलवारी डिपोले रुपन्देही, पश्चिम नवलपरासी, कपिलवस्तु, बाग्लुङ, स्याङजाका (केही भाग), पाल्पा, गुल्मी, अर्घाखाँची जिल्लामा पठाउने गर्छ । यी बाहेक अति आवश्यक परेको खण्डमा काठमाडौँ, पोखरा लगायत अन्य जिल्लामा पनि पठाउने गरिएको छ । -गोरखापत्र अनलाइन

प्रतिकृया दिनुहोस्

Flash News

सैनामैना २ मा गठबन्धनलाई हराउँदै एमालेका कंडेल विजयी देवदहमा एमालेको अग्रता कायमै, काँग्रेस २०९ मतले पछाडी चितवनका २० वडाको मतपरिणाम सार्वजनिक, कांग्रेस ९ र एमाले ६ वडामा विजयी पोखराको पहिलाे नतिजा : १ मा एमाले, २ मा कांग्रेस विजयी तिलोत्तमामा खाँण र चापागाईं बीच कडा प्रतिस्पर्धा जारी गौतमबुद्ध विमानस्थलमा पहिलाे अन्तर्राष्ट्रिय उडान, जजिरा एयरबेजको जहाज अवतरण बुटवल उपमहानगर-१९ मा प्यानलसहित एमाले विजयी लुम्बिनी प्रदेशसहित यी स्थानमा वर्षाकाे सम्भावना, भाेलि हावाहुरी चल्नसक्ने दाङको बङ्गलाचुलीमा गठबन्धन दल विजयी देवदहमा एमालेको अग्रता कायमै, काँग्रेस १६९ मतले पछाडी तिनाउमा गठबन्धनलाई हराउँदै बहुमत वडासहित एमालेको जित लुम्बिनी भ्रमणले नेपाल–भारत सम्बन्ध अझ मजबुत बनाउने छ : भारतीय प्रधानमन्त्री मोदी तिलोत्तमामा एमालेका चापागाइँ र कांग्रेसका खाँणबीच कडा प्रतिष्पर्धा देवदह–२ मा एमालेका रास्कोटी प्यानलसहित विजयी बुटवलमा खेलराज पाण्डेयले अग्रता फराकिलो बनाउँदै, १५०८ मतले अघि जेठ ३ देखि भैरहवामा अण्डर १४ लिटिल स्टार क्रिकेट प्रतियोगिता १८ वटा वडाको मतगणना सकिँदा ११ वटामा एमाले, ६ वटामा कांग्रेस विजयी रुरुक्षेत्र १ मा एमालेकाे प्यानल नै विजयी पश्चिम नवलपरासीमा १३ वडाध्यक्षको मतपरिणाम सार्वजनिक दाङका १०० वडामध्य २४ वडाको नतिजा सार्वजनिक