May 5, 2021, Wednesday
२२ बैशाख २०७८, बुधबार

सरकारलाई राजपाको चेतावनी

321

फागुन ८,
काठमाण्डौं ।राष्ट्रिय जनता पार्टी (राजपा)ले आफ्नो माग तत्काल पूरा गर्न सरकारलाई चेतावनी दिएको छ ।प्रतिनिधि सभाको बुधवारको बैठकमा बोल्दै राजपा सांसद् लक्ष्मणलाल कर्णले संविधान संशोधन सहितका माग अविलम्ब पूरा गर्न सरकारको ध्यानाकर्षण गराउँदै अन्यथा चुप लागेर नबस्ने चेतावनी दिएका हुन् ।

‘संविधान संशोधनको माग सांसदको माग मात्र होइन मधेशी जनताको रगतको माग हो । रगतले सिँचिएको माग हो । जनताको रगतको सम्मान नगर्ने हो भने आश्वासनमा धेरै दिन बस्दैनौं,’ कर्णले भने, ‘हामी पर्खिराख्या छौं । हामीलाई फेरि संसद्‍मा उच्छृङ्खलता देखाउन बाध्य नपारियोस् । हाम्रो धैर्यतालाई कमजोरी नठानियोस् ।’

सांसद कर्णले आफुहरुको माग बारे प्रधानमन्त्रीलाई पटक-पटक ध्यानाकर्षण गराएको भन्दै बिश्वासको वातावरण बनाउन आग्रह गरे । उनले मधेशी जनतामाथि लगाईएका राजनीतिक मुद्दाहरू अझै फिर्ता नलिइएको भन्दै आपत्ति समेत जनाए । उनले आफूहरूको मागलाई अझै पनि बेवास्ता गरिए सरकारलाई दिएको समर्थन फिर्ता लिने र सडक  संसद्बाटबाट संघर्ष गर्न बाध्य हुने बताए ।

पछिल्लो अपडेट