गुल्मी । एनएमबि बैंकको वित्तीय साक्षरता कार्यक्रम सम्पन्न एनएमबि बैंक तम्घास शाखाले वित्तीय साक्षरता कार्यक्रम सप्पन्न गरेको छ । रेसुङ्गा नगरपालिकामा अवस्थित सिद्धबाबा माध्यमिक विद्यालयमा प्लस टु ब्यवस्थापन विषय अध्यनरत विद्यार्थीहरुलाइ वित्तीय साक्षरता प्रदान गरेको हो ।

बैंकले अन्तर्राष्ट्रिय युवा दिवसको अवसर पारेर अगस्ट महिनाभरी देशभर कलेज लेभलका विद्यार्थीहरुलाइ वित्तीय साक्षरता कार्यक्रम संचालन गरेको छ । बैंकका तम्घास शाखा प्रबन्धक प्रविन अधिकारीले वित्तीय साक्षरता सम्बन्धि कार्यक्रमको सहजीकरण गरेका थिए । शाखा प्रबन्धक अधिकारीले युवा उद्दमशिलता, पैसाको बचत, लगानी, परिचालन , आयआर्जनका वैकल्पिक अवसरहरु बारे प्रशिक्षित गरेका थिए ।

त्यस्तै उनले बैंकको महत्त्व, दैनिक जीवनमा बैंकको प्रयोग, डिजिटल बैकिङ्ग, बैंकिङ्ग फ्रड र फ्रडबाट सुरक्षित रहने उपायहरु , एनएमबि यूवा बचत खाता, संसारभरबाट एनएमबि बैंकमा खोलिने भिडियो कल खाता, लुम्बिनी बचत खाता बारे जानकारी दिएका थिए । प्रबन्धक अधिकारीले शेयरकारोबार सम्बन्धि ज्ञान, सिस्टोमेटिक इन्भेस्टमेन्ट प्लान(एसआइपि) तथा एनएमबि बैंकले प्रदान गर्ने अन्य बैकिङ्ग सेवा सुबिधाको बारे अभिमुखिकरण प्रदान गरेको थिए ।

कार्यक्रममा विद्यालयका प्राचार्य डोरबिक्रम श्रीसले एनएमबि बैंकले प्लस टु लेभल ब्यवस्थापन तहमा अध्यनरत विद्यार्थी भाइबहिनीहरुलाइ वित्तीय साक्षरता जस्तो महत्त्वपूर्ण कार्यक्रम समय, सापेक्ष र र ब्यवहारिक ज्ञान दिएको बताएका थिए। साथै सो कार्यक्रममा प्रधानाध्यापक श्रीसले मायाको चिनो समेत प्रदान गरेका थिए ।