ताजा अपडेट »

विश्व वातावरण दिवसको अवसर पारी पर्यावरण संरक्षण समाजको गठन

सोमबार, २२ जेठ २०८०, ११ : २३
26 Shares

बुटवल । विश्व वातावरण दिवस (जुन ५)को अवसरमा पारी पर्यावरण संरक्षण अभियान सञ्चालन गर्ने उद्देश्यले बुटवलमा सोमबर सम्पन्न एक भेलाले ‘पर्यावरण संरक्षण समाज नेपाल’को गठन गरेको छ । पर्यावरण संरक्षण गर्ने उद्देश्यले स्थापना गरिएको संस्थामा ७ सदस्यीय तदर्थ समिति गठन गरिएको छ ।

गँगा पोखरेलको संयोजकत्वमा बनेको समितिले संस्थाको विधान निर्माण, संगठन विस्तार तथा आवश्यक कानूनी प्रक्रिया पूरा गरी पुनः वृहत भेलाको आयोजना गर्ने बताइएको छ । सदस्यहरुमा शान्ता पन्त भट्ट, मिन तिवारी, गनेश घिमिरे, गिरी श्रीस मगर, दिलिप ज्ञवाली र माधव गौतम रहेका छन् । मुख्य कार्यक्षेत्र रुपन्देहीलाई गराउने गरी गठन गरिएको संगठनले ‘से नो टु प्लाष्टिक’ भन्ने तत्कालिन मूल नाराका साथ प्लाष्टिकजन्य पदार्थको प्रयोगलाई निरुत्साहित गर्ने अभियान सञ्चालनका लागि तयारी गर्ने भएको छ । वातावरण प्रदुषणमा सबैभन्दा ठूलो चुनौतीका रुपमा रहेको प्लाष्टिकजन्य पदार्थ नियन्त्रणका लागि विभिन्न व्यवसायीक तथा सामाजिक संघ संस्थाका साथै सरकारी निकाय वा तहहरुसँग पनि सहकार्य गरी अघि बढ्ने लक्ष्य लिइएको संयोजक पोखरेलले बताइन् ।

सन् १९७२ मा संयुक्त राष्ट्र संघको महासभाले जुन ५ लाई विश्व वातावरण दिवसको रूपमा तोकेको थियो । पहिलो उत्सव, ‘केवल एक पृथ्वी’ नारा अन्तर्गत १९७३ मा भएको थियो। सोही अनुसार हरेक वर्ष विश्व समुदायले मनाउँदै आएको वातावरण दिवसलाई सार्थक बनाउनका लागि वर्षभरी नै अभियान सञ्चालन गर्ने उद्देश्यसाथ संस्था गठन गरिएको संयोजक पोखरेलले बताइन् ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।