तिलोत्तमा २ स्थित शंकरनगर दुर्गादत्त माविमा विज्ञान प्रदर्शनी

बुटवल । तिलोत्तमा २ स्थित शंकरनगर दुर्गादत्त माविमा सोमबार विज्ञान प्रदर्शनी सम्पन्न भएको छ । कक्षा पाँचदेखि कक्षा नौँसम्मका विद्यार्थीहरू सो प्रदर्शनीमा सहभागी भएका हुन् । प्रदर्शनीमा विद्यार्थीहरू आँफैले बनाएका प्रोजेक्टहरू प्रदर्शन गरेका थिए ।

प्रदर्शनीमा विद्यार्थीहरूले सोलार सिस्टम, स्मार्ट सिटी, प्रोजेक्टर, एलइडी बल्ब, इको सिस्टम, सोलार कुकर आदि बनाएका थिए । त्यसैगरि सोमबार नै विद्यालयमा खाना महोत्सव पनि सम्पन्न भएको विद्यालयले जनाएको छ । खाना महेत्सवमा विद्यार्थीहरूले सेलरोटी, बटुक, चिकन रोष्ट, पानीपुरी, फुल्की, अचार, पकौडालगाएतका खानाका परिकारहरू बनाएका हुन् । खाना महोत्सवमा विद्यार्थीहरूले आवश्यक सामग्रीको आँफै जोहो गरेको आठकी विद्यार्थी विद्यार्थी विद्या खनालले बताएकी छन् । महोत्सवमा खानाका परिकारका स्वाद लिएका विद्यार्थीले घरमै खाना खाएको जस्तै स्वाद भएको बताए । साथै सोमबार नै विद्यालयमा अर्धवार्षिक परीक्षाको नतिजासमेत सार्वजनिक गरिएको छ ।