सडक खाना महोत्सव : सिद्धार्थमा तस्विर खिच्नेको घुइँचो

पुुस १५,
ग्लोबल अवाज
बुटवल । सोमबारदेखि बुटवलमा सुरु भएको दोस्रो सडक खाना महोत्सब जारी छ । महोत्सवमा बुटवलका एकसय बढी होटल,रेष्टुरेण्ट तथा केही होटल म्यानेजमेण्ट अध्यापन गर्ने संस्थाहरुको सहभागिता रहेको छ । सोमबार साँझ प्रदेश ५ का मुुख्यमन्त्री शंकर पोखरेलले उद्घाटन गरेको महोत्सवमा दर्शक तथा खानाका पारखीको उपस्थिति बढ्दो छ । सो महोत्सवमा पुग्नेले प्राय सबै स्टलमा नजर लगाउँछन् । मन परेको ठाउँमा खान्छन् पनि ।

तर,अधिकांशको नजर भने सिद्धार्थ कटेजले राखेको आकर्षक स्टलमा पर्छ । नजर परेपछि सो स्थानमा प्रायले तस्विर लिने गरेका छन् । ‘ हस्पिटलिटी फरम द हर्ट ’ भन्ने नारा सहित देशभर शाखा रहेको सिद्धार्थको बुटवल शाखाले स्टलमा राखेका आकर्षक डिजाइन कटेजका एक्ज्यूकेटिभ चेफ केशव अर्याल, सहायक सुजन मगर लगाएतले तयार गरेका हुन् ।

स्टलमा सजावटका रुपमा फर्सी,तरबुजा,मेवा,गाँजर ,काँक्रो लगाएतका तरकारी तथा फलफूलबाट बनेका सामग्री रहेका छन् । स्टलमा वनमान्छे,साधारण मानिस,कमलको फूल लगाएत विभिन्न आकर्षक फूल बनाइएको छ । महोत्सवको अवसरमा कटेजले कृस्पि ललिपप,चिकन झोल मःमः,पनिर साझानी रोल लगाएत कटेजका स्वादिला आफ्नै परिकारहरु पस्किएको कटेजका एक्ज्यूकेटिभ सेफ केशव अर्यालले बताए ।

महोत्सवमा आकर्षण र कटेजमा भएका दक्ष जनशक्तिको प्रतिभा प्रदर्शन गर्नका लागि स्टल सजाइएको शाखाका ब्यवस्थापक पुरुषोत्तम आचार्यले बताए । ‘कटेजको आफ्नै प्रवेशद्वारमा रहेको स्टल नं.८१ मा धेरैको घुइँचो लागेको हुँदा हामीलाई हाम्रो कटेजका सेफहरु दक्ष र हामी सफल सफभएको महसुस गरेका छौं । हामीले अंग्रेजी नयाँ वर्ष –सन् २०२० लाई पनि लक्षित गरि विशेष रुपमा सजाएका छौं ’

कटेजले महोत्सवको अवसरमा मात्र नभई विभिन्न विशेष अवसरहरुमा विशेष सजावट सहित विभिन्न कार्यक्रमहरु गर्दै आएको कटेजका क्षेत्रिय प्रबन्धक महेन्द्र न्यौपानेले बताए । उनले भने ‘विभिन्न परिकार,प्रतिभा,कला, सजावटका कारण सिद्धार्थ विशेष रहँदै आएको छ । हाम्रो स्टलमा सर्वसाधारणदेखि महोत्सवका आयोजक होटल तथा रेष्टुरेण्ट व्यवसायी सघका अध्यक्ष लगाएत पदाधिकारीहरु पनि आएर तस्विर लिनु भएको छ।’