भारतबाट नेपालमा मदिरा तस्करी, भारतीय प्रहरीद्वारा ठूलो परिमाणमा मदिरा बरामद

भैरहवा । भारतबाट तस्करी गरि नेपाल लैजान लागेको ठूलो परिमाणको मदिरा भारतीय सुरक्षाकर्मिले बरामद गरेका छन् । भारतको कैन्टिनमा मात्र पाइने मदिरा अवैध तरीकाले नेपाल भित्रयाउदै गर्दै गर्दाको अवश्थामा भारतीय सुरक्षाकर्मिले बरामद गरेको उनिहरुको दावी छ ।

नौतनवा प्रहरी प्रमुख डिएसपी अनुज कुमार सिंहका अनुसार आइतबार बिहान सोनौली थाना क्षेत्रको भगवानपुर सीमानामा दिल्लीको क्यान्टिनबाट मदिरा तस्करी गर्दागर्दै भारतीय प्रहरी र एसएसबीले चार जनालाई पक्राउ गरिएको छ । भारतीय नम्बर प्लेट भएको कारमा ल्याएर सीमामा पार्किङ गरी नेपाली नम्बर प्लेट भएको कारमा मदिरा राख्दै गरेको अवश्थामा मदिरा बरामद गरिएको उनले बताए ।

सिंहका अनुसार भगवानपुर नाकाबाट नेपालतर्फ अङ्ग्रेजी मदिरा पठाइँदै आएको खबर प्राप्त भएको थियो । जसमा प्रहरी थाना सोनौली प्रमुख महेन्द्र यादवको नेतृत्वमा प्रहरी र एसएसबीको संयुक्त टोली भगवानपुर पुगेको थियो । घटनास्थल पुग्दा भारतीय नम्बरको कारबाट कार्टुनमा राखिएका सामान नेपाली कारमा राख्दै गरिएको थियो । प्रहरी र एसएसबीले घटनास्थलमा पुगेर चेकजाँच गर्दा गत्ताको बाकसमा ओल्ड मन्क ब्राण्डको ७३० एमएल अङ्ग्रेजी मदिरा सहित २ सय ८६ बोतल बरामद भएको सिंहले बताए ।

रोजगारीमा भएकाहरुका लागि मात्र प्रयोग गर्ने गरि दिल्लीमा उत्पादन भएको मदिरा सीमा नाकामा भेटिनुले यसको ब्यापक तस्करी हुने गरेको पुष्टि भएको छ । तस्करीमा संलग्न भलुहीका लालबहादुर क्षेत्री, कुश्मा जिल्लाका नवराज रिमाललाई भारतीय प्रहरीले पक्राउ गरेको छ । प्रारम्भिक सोधपुछका क्रममा अभियुक्तहरुले आफूले दिल्लीको क्यान्टिनबाट मदिरा किनेको बताएको डिएसपी सिंहले बताए ।

दिल्लीबाट कार चालक कोडवार जिल्ला सुल्तानपुर उत्तर प्रदेश निवासी सुधीर शुक्लाको कार भगवानपुर सम्म बुकिङ गरेका थिए । नेपालमा नेपाली नम्बर प्लेटको भ्यान बुक गरि मदिरालाई रुपन्देहीको भलुहि पु¥याउने योजना थियो ।
संयुक्त टोलीमा एसएसबी टोलीमा एसआई सुधीर यादव, एसआई अखिलेश प्रताप सिंह, एसआई महेन्द्र सिंह, हवल्दार अम्बुज राई, कमला यादव र इन्स्पेक्टर राजकुमार गौर तथा अन्तःशुल्क निरीक्षक अखिलेश कुमारलगायतको टोली रहेको थियो ।

मदिरा तस्करीमा प्रयोग हुने दुवै सवारीसाधन नियन्त्रणमा लिई चारै जनालाई अन्तःशुल्क ऐन अन्तर्गत कारबाही गरी जेल चलान गरिएको प्रहरी थाना प्रमुख महेन्द्र यादवले जानकारी दिए।