१७ माघ २०७९, मंगलवार

Jan 31, 2023

बुटवल । सवारी दुर्घटनामा परी ज्यान गुमाएका ग्लोबल आवाज डटकमका सम्पादक स्व. एन. बी. कंडेलको १३ औं दिनको पुण्य तिथीमा बुधबार दीप प्रज्वलन गरिएको छ । मंसिर २ गते रुपन्देहीको तिलोत्तमा-२ जानकिनगरमा उनी सवार मोटरसाइकललाई ट्रकको ठक्करबाट दुर्घटना भई कंडेलको मृत्यु भएको थियो । दुर्घटना स्थलमै ट्राफिक सचेतनासहित दिवंगत आत्माको शान्तिको कामना गर्दै ३६५ वटा दीप प्रज्वलन गरिएको हो ।

Advertisement

कार्यक्रममा बोल्दै नेपाल पत्रकार महासंघ रुपन्देहीका अध्यक्ष रामराज पोखरेलले सम्पादक कंडेलप्रति श्रद्धाञ्जली व्यक्त गरे । उनले ट्राफिक असावधानिका कारण धेरैले अङ्गभङ्ग तथा ज्यान गुमाउनु परेका दुःखद समाचारहरु लेख्नु पर्ने अवस्थाको अन्त्यका लागि सबै सचेत रहनु पर्ने आवश्यक रहेको बताए । यसैगरी लुम्बिनी प्रदेश ट्राफिक प्रहरी कार्यालय बुटवलका वरिष्ठ सई हुमानन्द खनालले ट्राफिक नियमको सबैले पालना गर्नु पर्ने बताउँदै सम्पूर्ण सञ्चार जगतले सचेतनाका लागि सहयोग र सहकार्यका लागि आग्रह गरे । दीप प्रज्वलनसँगै श्रद्धाञ्जली सभामा बोल्दै ग्लोबल आवाज डटकमका प्रवन्ध सम्पादक गौतम भूसालले सवारी दुर्घटनामा अपूरणीय क्षति हुनेगरि सम्पादक कंडेललाई गुमाउनु पर्ने पीडाले संस्था स्तब्ध भएको उल्लेख गरे । शोकलाई शक्तिमा बदलेर अघि बढ्नु पर्ने बाध्यता रहेको बताउँदै उनले ग्लोबल आवाजलाई आगामी दिनमा स्व. कंडेलले देखाएको निष्पक्ष र निस्वार्थ कर्मको मर्म अनुसार अघि बढाउने  प्रतिवद्धता व्यक्त गरे ।

ग्लोबल आवाजकी निर्देशक सृष्टि अधिकारी, प्रेस चौतारी रुपन्देहीका अध्यक्ष लक्षमण पौडेल, प्रेस यूनियन रुपन्देहीका सभापति रेखा भुसाल, प्रगतिशिल पत्रकार संघका अध्यक्ष स्याम पोखरेल लगायतले सडक दुर्घटना न्युनिकरणका लागि सबैको पहल आवश्यक रहेको बताए ।  सडक दुर्घटनाका कारण सञ्चार जगतले होनहार तथा कर्मनिष्ठ सञ्चारकर्मी गुमाउनु परेकोप्रति दुःख व्यक्त गर्दै ट्राफिक नियमको पालना र सचेतनामा सहभागी गएर नै मृत आत्माप्रति सच्चा श्रद्धाञ्जली हुने उल्लेख गरे ।

स्वर्गीय कंडेल करिब डेढ दशकदेखि पत्रकारिता क्षेत्रमा आवद्ध थिए । ग्लोबल आवाजको संस्थापक सम्पादक कंडेलका श्रीमती, एक छोरा र छोरी रहेका छन् ।

प्रतिकृया दिनुहोस्

Flash News

प्रधानमन्त्री र रवि लामिछानेबीच भेटवार्ता प्रि-ओपन सेसनमा नेप्से २.९१ अंकले बढ्यो बालापन झल्काउने गणेशको ‘चियावाला’, हजुरबुवादेखिको पेशालाई नयाँ स्वरुपमा ‘ब्राण्डिङ’ मन्नतको बालकोनीमा किन जान्छन् शाहरुख ? सहकारीको ऋण चुक्ता नगर्ने आठ ऋणीको जग्गा रोक्काका लागि मालपोतमा निवेदन वृद्धाभत्ता नदिएको भन्दै छोराले गरे बन्चरोले हानेर आमाको हत्या प्रचण्डलाई नेकपा एसको ज्ञापनपत्र- चरम आर्थिक संकट पर्‍याे (पूर्णपाठ) बैतडीका २० बर्षीय युवक चार दिनदेखि बेपत्ता प्रधानमन्त्री प्रचण्डलाई भेट्न बालुवाटार पुगे रवि लामिछाने मर्स्याङ्दीपारीबाट वैकल्पिक सडक स्तरोन्नति गर्न पहल यस्ताे छ विदेशी मुद्राकाे विनिमय दर डिएसपीसहित ८ सुरक्षाकर्मी मारिएको टिकापुर घटनाको सर्वोच्चमा आज पेसी आजको मौसमः कर्णाली र लुम्बिनीमा पानी पर्न सक्ने, हिमाली भु–भागमा हिउँ पर्ने लुम्बिनीमा राष्ट्रियसभा उपनिर्वाचनको अन्तिम तयारी, तीन उम्मेदवार सार्वजनिक दाङमा कारागारमा रहेकी महिलामाथि करणी आरोपमा एक पक्राउ अश्लील भिडियो बनाई महिलाकाे चरित्रहत्या गर्ने पक्राउ सेयर बजार ४१ अंकले घट्यो माओवादी स्थायी समिति बैठक बुधबार, गृहमन्त्रीबारे छलफल हुने कर्नाटक कन्सर्टमा कैलाश खेरमाथि आक्रमण चन्दा आतंक गर्ने जनतान्त्रिक मुक्ति मोर्चाका संयोजकसहित ४ जना कपिलवस्तुमा पक्राउ