१६ मंसिर २०७९, शुक्रबार

Dec 2, 2022

धनगढी । दसैंका लागि घर जान चाहने यात्रुको सुरक्षाका लागि प्रहरी सहायता कक्ष निर्माण गरिए पनि यात्रु भने सुरक्षित बन्न सकेका छैनन् ।टिकटका लागि बसपार्क पुग्ने यात्रु यातायात मज्दुरको व्यवहारका कारण समस्यामा पर्न थालेका हुन् । ‘बस्पार्क छिर्नेवित्तिकै मेरो गाडीमा आउ भन्नेको लाइन हुन्छ,’ डोटीका लागि टिकट काट्न धनगढी बसपार्क पुगेका शिव फुलाराले भने, ‘टिकट काउण्टरमा जानै दिंदैनन्, बाहिरै तानातान हुन्छ ।’ 

Advertisement

बसपार्कमा नजिकै प्रहरी खटिएका भए पनि उनीहरूले यातायात व्यवसायीको व्यवहारका बारेमा खास्सै चासो नदेखाउने गरेको उनले बताए । ‘प्रहरीकै अगाडी यात्रुको बार्गेनिङ हुन्छ, यात्रुको तानातान हुन्छ,’ उनले भने, ‘तर उनीहरूले केही भन्दैनन्, सहायता कक्ष सञ्चालन गरेको कुनै अर्थ नै छैन ।’अछामका रोजेन्द्र साउदले पनि बसपार्कमा टिकट काट्नै समस्या भएको बताए । ‘टिकटका लागि काउण्टर जान नपाउँदै एक्स्ट्रा गाडीमा राम्रो सिट छ, सस्तोमा गाडी पाइन्छ भन्दै बार्गेनिङ हुनेगरेको छ,’ उनले भने, ‘यस विषयमा प्रहरको ध्यान जानु आवश्यक छ ।’

प्रहरीले भने यात्रुलाई दुर्व्यवहार भएको बारेमा हालसम्म कुनै उजुरी नआएको जनाएको छ । यात्रुकै सुरक्षाका लागि भनेर जिल्लाका नाै स्थानमा यात्रु सहायता कक्षा राखिएका छन्,’ जिल्ला ट्राफिक प्रहरी कार्यालय कैलालीका इन्चार्ज वकिलबहादुर सिंहले भने, ‘ती क्षत्रबाट अहिलेसम्म त्यसतो कुनै गुनासो आएको छैन, गुनासो आएमा त्यसो गर्नेलाई तत्काल कारबाही गरिने छ ।’

सवारीमा यात्रुको तानातान हुन नदिन, विचौलियाबाट किटकमा हुने कालोबजारी रोक्न, क्षमताभन्दा बढी यात्रु राख्न नदिन यात्रु सहायता कक्ष स्थापना गरिएको उनले बताए । त्यसका साथै सवारीको प्राबिधिक चेकजाँच गर्ने व्यवस्था समेत मिलाइएको उनले बताए । बस छुट्न अघि त्यसको कण्डिसन कस्तोछ, कहिले सर्भिस गरिएको हो भन्ने बारेमा जानकारी लग्न यातायात व्यवस्था कार्यालयको सहयोगमा बसपार्कमै यातायात इन्जिनियर राखेर सवारीको चेकजाँच गर्ने व्यवस्था गरिएको इन्चार्ज सिंहले बताए । 

ट्राफिक प्रहरीले धनगढी बसपार्क, त्रिनगर प्रहरी चौकी, गोदावरी, चौमाला, सुख्खड, लम्की, चिसापानी, टिकापुर र अत्तरियामा यात्रु सहायता कक्षा सञ्चालन गरेको छ । उनका अनुसार हालसम्म प्राविधिक टोलीले ३९ सवारीको चेकजाँच गरेका छन् । उनले क्षमताभन्दा बढी यात्रु राखेको पाइएमा तत्काल यात्रु झार्न लगाइने गरेको बताए । ‘बसपार्कबाटै बढी यात्रु राख्न नदिएपछि बाटोमा समस्या हुँदैन,’ उनले भने, ‘त्यसैले हामीले बसपार्कमै कडाई गरेका छौं, बाटोमा चेकजाँच गर्दा बढी यात्रु भेटिएको पाइएमा पनि झार्ने गरेका छौं ।’

प्रतिकृया दिनुहोस्

Flash News

नेवार कन्याहरुको ईहि शुरु भिम रावललाई बालेनको जवाफ: ‘तपाईंहरू जस्तो विदेशीसँग सहयोग माग्ने रहर छैन’ धनगढीमा शनिबार बिहानसम्म निषेधाज्ञा थप कैलाली प्रहरीको नियन्त्रणमा रहेका विद्यार्थीलाई रिहाइ गर्न विद्यार्थी संगठनहरूको माग आज बिहानदेखि रोकिएको बाजुराको मतगणना पुनः सुरु सरसफाइकर्मीका परिवारलाई स्वरोजगार र उद्यममा जोड्छौ: पाण्डे बैतडी हत्या प्रकरण : दोषिलाई तत्काल कानुनी दायरामा ल्याउन कर्मीको माग कम्बोडिया पठाइदिन्छु भन्दै ठगी गर्ने व्यक्ति पक्राउ निबन्ध लेखन प्रतियोगितामा इडन प्रथम वर्तमान निर्वाचन कानूनसँग सन्तुष्ट छैनौं : प्रमुख आयुक्त थपलिया माओवादी केन्द्रसँग पार्टी एकता हुने हल्ला निराधार : एकीकृत समाजवादी भीम रावलको प्रश्न : परराष्ट्र मन्त्रालयको अनुमतिमा बालेन साहले अमेरिकी राजदूतलाई भेटेका हुन् ? अपाङ्गताको न्यायमा पहुँच सहजताका लागि साझा पहल जरुरी अघिल्लाे चुनावमा दुई लाख मत कटाएकाे विवेकशील साझालाई समानुपातिकतर्फ ७८९ मत मात्र कांग्रेसबाट समानुपातिकतर्फ को-को पुरुष सांसद बन्लान्, यस्तो छ हिसाब किताब पश्चिम नवलपरासीमा भन्सार छलेको ३० क्वीन्टल चिनी बरामद सरकारमा युवाहरुले नेतृत्व लिनु पर्छः डा.चन्द्र भण्डारी बाजुरापछि दोलखा (ख) मा पनि रोकियो मतगणना निषेधित क्षेत्रमा प्रदर्शन भएपछि धनगढीमा ८ राउन्ड हवाइ फायर, दर्जन बढी विद्यार्थी पक्राउ कपिलवस्तुमा भारतीय नागरिकमाथि गोली प्रहार