काठमाडौं । एक करोड आठ लाख बढी राजस्व चुहावट गरेको आरोपमा राजस्व अनुसन्धान कार्यालय बुटवलले दुई जनाविरुद्ध मुद्दा दायर गरेको छ ।
बिहीबार उच्च अदालत तुलसीपुर बुटवल इजलासमा साझा रेष्टुरेन्टका सञ्चालक रुपन्देहीको लुम्बिनी सांस्कृतिक नगरपालिका–१३ बस्ने ४१ वर्षीय प्रकाश यादव र सोही नगरपालिका–१४ बस्ने २० वर्षीय विष्णु यादवविरुद्ध मुद्दा दायर भएको हो ।
रेष्टुरेन्टका सञ्चालक यादवद्वयले आयकरतर्फ ५१ लाख ४१ हजार ९०२ रुपैंया र मूल्य आयकरतर्फ ५६ लाख ९४ हजार ६२१ गरी एक करोड आठ लाख ३६ हजार ५२३ रुपैंया राजस्व चुहावट गरेको राजस्व अनुसन्धान विभागले जनाएको छ ।
यादवद्वय विरुद्ध एक करोड आठ लाख ३६ हजार ५२३ रुपियाँ बिगोसहित कैद र ब्याजसमेत असुल हुने गरी उच्च अदालत तुलसीपुरमा मुद्दा दायर भएको छ ।
प्रतिक्रिया