९ आश्विन २०७९, आईतवार

Sep 25, 2022

भैरहवा । स्थानीय तहहरुमा कत्तिको गुणस्तरहिन कार्य हुने गरेको छ, त्यसको ताजा उदाहरण हो रोहिणी गाउँपालिका वडा नम्बर-५ को “तुरिया बाँध” । असार महिनामा हतार-हतार गरि बनाएको बाँध एक महिना नपुग्दै भत्केको छ । बाँध निर्माण पछि हौसिएर भर्खर रोपाई गरेका किसानको सयौ बिगहा खेत डुबानमा परेको छ । खेतमा धानको सट्टा तुरिया खोलाले बगाएर ल्याएको माटो र गेग्रान थुप्रिएको छ ।

Advertisement

साउन दोश्रो सातामा भएको पहिलो बर्षाले नै बाँध भत्किए पछि स्थानीयहरुमा चिन्ता थपिएको छ । हिजो आएको सामान्य बाढीले नै तुरिया खोलामा १० लाखमा निर्माण भएको बाँध भत्किएको छ । बाँध भत्किएर खोला खेतमा पस्दा ठूलो क्षेत्रफल डुबानमा परेको छ । स्थानिय पञ्चराम सहानीका अनुसार गत बर्ष पनि यस्तै बाढीले खेतमा माटो थुपारेको थियो । “धानको सट्टा खेतमा थुप्रिएको माटो प्रति ट्राली २ सय रुपैया दरले बिक्रि गर्यौ ।” सहानीले भने “त्यसको पनि रकम पाएका छैनौं । गाउँपालिकाबाट स्विकृति नलिई माटो बिक्रि गरेको भन्दै रकम नै पाएका छैनौं।”

उनले गत बर्ष जेनतेन चामल किनेर परिवार पालेको बताए । यस बर्ष पनि यस्तै अवस्था आईपुगेकोले अब परिवार कसरी पाल्ने भनेर उनलाई चिन्ता थपिएको छ । बाँध भत्किएर खेतमा पसे पनि स्थानीय सरकारका कोही पनि प्रतिनिधि गाउँको अवस्था बुझ्न नआएको जिल्ला समन्वय समिति रुपन्देहीका निर्वतमान उप प्रमुख समेत रहेका स्थानिय पशुपति यादवले गुनासो गरे । उनले किसानको सयौ बिगहा जग्गा डुबानमा परे पनि बिपद् ब्यवस्थापन समिति लगायतले लापारवाही गरेको आरोप लगाए । “वडा अध्यक्ष नै पालिकाको बिपद् ब्यवस्थापन समितिको अध्यक्ष छन् तर अहिले सम्म उनि पनि आएका छ्रैनन् ।” यादवले भने

रोहिणी गाउँपालिका वडा नम्बर ५ अन्र्तगत तरकुलहा गाउ नजिक गत वर्ष पनि तुरिया खोला तट तोडेर किसानको खेतमा पसेको थियो । गत बर्ष बाढीको कारण धान काट्न नपाएको उक्त क्षेत्रका किसानले हार गुहार गर्दै गाउँपालिका समक्ष तटबन्धको लागी अनुरोध गरे । गाउँपालिकाले पनि तटबन्धको लागी १० लाख रुपैया छुट्टयाएको थियो । त्यसको लागी स्थानीय नन्दलाल यादवको अध्यक्षतामा उपभोक्ता समिति समेत तयार भयो ।

उपभोक्ता समिति गठन भएर गाउँपालिकामा लागत अनुमान गराउन पुगेका नन्दलाललाई १० मिटर चौडाईको बाँध बनाउने गरि लागत अनुमान तयार भएको थियो । १० मिटर चौडाईको बाँध बनाउन स्थानियले नदिएको कारण काम नै सुरु नै नगरि उपभोक्ता समितिको पदबाट राजीनामा दिएको यादवको भनाई छ ।लागत अनुमानको ठिक बिपरीत करिब ५ फिटको बाँध खोला छेउकै बलौटे माटो प्रयोग गरि पूर्व स्थानीय विकास राज्यमन्त्री घनश्याम यादवको नेतृत्वमा बनाईएको स्थानीयहरुको भनाई छ । तर रोहिणी गाउँपालिकाको कार्यालयले उक्त योजनाको सम्झौता नै नगरिएको दावी गरेको छ । पूरानो उपभोक्ता समितिले काम नगरे पछि वडा कार्यालयले आफै आफ्नै तरिकाले उपभोक्ता समिति गठन गरिपालिकामा पठाएको थियो । सोही अनुसार समितिले काम पनि गर्यो ।

पछि कार्य सम्पादन मूल्यांकन गर्ने क्रममा काममा लापारवाही गरिएको पाईए पछि प्राविधिकहरुले भुक्तानीको लागी सिफारीस गर्न हच्किए । पूर्व राज्यमन्त्रीले धेरै जोडबल लगाए पनि उक्त योजनाको अहिले सम्म भुक्तानी भएको छैन् । कार्यसम्पादन मूल्यांकनमा करिब १ लाख ६० हजारको मात्र काम भएको छ । तर १० लाखौको काम भएको भन्दै भुक्तानी माग्न थालेपछि गाउँपालिकामा नै हल्लीखल्ली मच्चिएको थियो । श्रोतका अनुसार भने अनुसारको कार्य सम्पादन मूल्यांकन गर्नको लागी पालिका प्राविधिक विवेक आचार्य, बिशाल चौधरी लगायतलाई पालिकाकै वर्तमान जनप्रतिनिधिबाट नै ठूलै दबाब आएको थियो । तर प्राविधिकहरु दबावका बावजुद भने अनुसारको काम नगरे पछि उक्त योजनाको भुक्तानी नै रोकिएको छ ।

यसको पुष्टि रोहिणी गाउँपालिका अध्यक्ष बिद्या प्रसाद यादवले पनि गरेका छन् । उनले अनुगमनको क्रममा गुणस्तरहिन काम गरेको भन्दै भुक्तानी नगरिएको बताए । गुणस्तरहिन कामको कारण नै भत्केको बाँधलाई प्रदेश र संघ सरकारको सहकार्यमा चाडै मरम्मत गरिने उनले जनाए । रोहिणी गाउँपालिका अध्यक्षले प्रभावकारी अनुगमन गरिएको भने पनि उक्त योजना कसरी सम्पन्न भयो ? कसले ग¥यो ? र प्रभावित कृषकहरुको बारे भने पालिकाले अहिले सम्म कुनै योजना बनाएको छैन । एक वर्ष अघिदेखि नै बाढी जन्य बिपद् ब्यवस्थापनको तयारी गरि रहेको बिपद् ब्यवस्थापन समिति पनि अहिलेसम्म घटना स्थलमा पुग्न सकेका छैनन् । यसले स्थानीय सरकार र बिपद् ब्यवस्थापन समिति किसानहरुको समस्यामा कत्तिको अनुदार छ भन्ने पनि स्पष्ट बनाएको छ ।

प्रतिकृया दिनुहोस्

Flash News

लुम्बिनी, कर्णाली र सुदूरपश्चिममा भारी वर्षाको सम्भावना पत्रकारको न्यूनतम मासिक पारिश्रिमक ४० हजार सिफारिस गर्न माग नेपाल भ्रमण दशक मनाउने सरकारको निर्णय रुपन्देही स्रष्टाकोश : साहित्यकार,कलाकारको विवरण समावेश १३९ पालिकामा लामखुट्टेको लार्भा नष्ट गर्ने अभियान १० बुँदे सहमति भएपछि डा. केसीले तोडे अनशन लुम्बिनीमा पर्यटकीय क्षेत्र सुधारका लागि व्यवसायीले दिए नगरपालिकालाई अल्टिमेटम ‘मनिषा कोइरालाले फोटो खिच्न दिने भएपछि मख्ख परेँ’ आर्थिक वृद्धिदर र जनताको हित विपरित गठबन्धन सरकार : पूर्व अर्थमन्त्री पौडेल चारपाला सामुदायिक वनमा गठबन्धनलाई पराजित गरी एमालेको प्यानलनै विजयी कपिलबस्तुमा बस र ट्रक ठोक्किए : एकको मृत्यु, ३१ जना घाइते भरुवा बन्दुकसहित कपिलवस्तुका २७ वर्षीय प्रेम पक्राउ दशैं आयो, खाद्य डिपो केन्द्रमा चामल आएन देशभर ७४ कोरोना संक्रमित थपिए, थप एकको मृत्यु एमाले देवदह अध्यक्ष चापागाईंद्वारा पार्टी परित्याग, स्वतन्त्र उम्मेदवारीको घोषणा  बुटवलको विकास माेडलका बारेमा कार्यपत्र प्रस्तुत तथा अन्तरक्रिया यसपालिको विपद् : पहिरो, आगलागी र चट्याङबाट बढी मानवीय क्षति बालबिकास र विद्यालयका कर्मचारीको तलब बढायो धुर्कोटले लिलाम नहुँदा भन्सारमा थन्किए करोडौंका गाडी पुमसे च्याम्पियनशिपमा रुपन्देहीकी रियाशा र दिपिकालाई कास्य