१ भाद्र २०७९, बुधबार

Aug 17, 2022

काठमाडौं । अघिल्ला तीन संस्करण यु–१८ र यु–१९ संरचनामा आयोजना भएको साफ च्याम्पियनसीप यस संस्करण भने यु–२० को हुने भएकाे छ । एकेडेमीबाट उत्पादित खेलाडीहरूको उमेर हद नाघ्दा र एकेडेमीका खेलाडी पर्याप्त नहुँदा अखिल नेपाल फुटबल संघ(एन्फा)ले खुला छनोटका लागि सूचना सार्वजनिक गरेकाे थियाे । 

Advertisement

एन्फाकाे सूचनासँगै ७७ जिल्लाका करिब सात सय खेलाडी एन्फा कम्प्लेक्समा आयोजना भएको खुला छनोटमा सहभागी भए । सात सयभित्रै थिए, सुगम सुवाल । सुगम एन्फाले सूचना सार्वजनिक गरेसँगै युरोपेली मुलुक डेनमार्कबाट नेपालका आएका थिए । पाँच वर्षदेखि आमा बुबासँग डेनमार्कमा बिताइरहेका सुगम युवा टोलीमा स्थान बनाउने सपना साकार पार्न यतिबेला सातदोबाटोस्थित एन्फा मैदानमा आफूलाई निखारी रहेका छन् । 

मुख्य प्रशिक्षक मेघराज केसीले छनोटमा सहभागी करिब सात सयबाट ३० सदस्यीय टिम बनाएका छन् । यो टिमले नै आगामी साफ च्याम्पियनसीप र एएफसी यु–२० एसियन कप छनोटमा नेपालको यात्रा, योजना र लक्ष्य  बनाउनेछ । केसीले तयार पारेको ३० सदस्यीय टोलीमा सुगम पनि समेटिएका छन् । डेनमार्कको तेस्रो श्रेणीको ‘भीएसके ओरुस’ एकेडेमीमा अनुबन्ध सुगमको लक्ष्य अन्तिम २३ भित्र रहेको छ । 

‘देशको प्रतिनिधित्व गरेर खेल्ने ठूलो योजना छ । यहि सपना साकार पार्न डेनमार्कबाट नेपाल आए ।’ बुधबार बिहान एन्फा मैदानमा अभ्याससत्र पछि सुगमले  भने । ‘एन्फा साइटमा हेरेको थिए । बाबा ममीलाई यस्तो छ भनेर भने । उहाँहरूको पनि सपना होला, राष्ट्रिय टिममा देख्ने ।’ सुगमको जन्म काभ्रे जिल्लाको धुलिखेलमा भएको हो । १४ वर्षको उमेरमा सुगम आमा (सकुन)सँग डेनमार्क गएका थिए । त्यसअघि नै बुबा श्याम क्यानडामा थिए । बुबा क्यानडाको स्थायी बसाेबास प्राप्त नागरिक भएसँगै सुगमले पनि मातृभूमि छाड्ने योजना बनाए । 

त्यसयता, सुगम दोस्रो पटक नेपाल फर्किएका हुन् । गत दसैंमा पनि उनी नेपाल झरेका थिए । ‘बुबा फ्रान्समा ‘पिएचडी’ सक्काएर अमेरिका जानुभयो । त्यसपछि सन् २०१७ मा क्यानडा गएपछि म र ममी पनि क्यानडा नै गयाैं । क्यानडामा दुई महिना बसेपछि हामीसँगै डेनमार्क गयाै‌ं ।’ १९ वर्षीय सुगम भन्छन् । सुगमले क्यानडा पुगेपछि एक एकेडेमीमा २–४ महिना खेले । जहाँ सुगमले एकेडेमीको यु–१५ र १६ टिमबाट खेलेका थिए । यसपछि बुबासँगै डेनमार्क पुगेपछि सुगमले क्यानडाको ‘ओरुस क्लब’मा ट्रायल दिए ।  

‘डेनमार्क पुगेपछि स्कुलबाट खेले ।  स्कुलका कोचले क्लबमा पुर्याउनु भयो । यु-१७ र यु-१९ खेल्न पाए । सिटी परिवर्तन भएपछि ‘भिएसके ओरुस’ मा ट्रायल दिए । कोरोनाले गर्दा यु-१७ खेल्न पाइन । यु-१९ दुई वर्ष खेले । अब, नेपालमा खेलेर फर्केपछि क्लबको सिनियर टिमबाट खेल्छु,’ सुगम भन्छन् । सुगम लेफ्ट र राईट विंगसँगै आवश्यकता अनुसार फरवार्ड पनि खेल्न सक्छन् । हाल यु-२० को अभ्यासमा भने सुगम लेफ्ट विंगमा अभ्यस्त बनाउँदै छन् । जहाँ उनले प्रशिक्षकको निर्णयमा न्याय गरेका पनि छन् । 

त्यसो भए के सुगम युवा टिममा पर्छन् त ? ‘खोई हेर्नुपर्छ ।’ हाँस्दै सुगम भन्छन् । राष्ट्रिय टिमबाट खेलिरहेका आयुष घलान र सुगमको पोसिजन समेत एउटै छ । यता, राइटमा समेत ए डिभिजन लिगमा आफूलाई प्रमाणित गरिसकेका कृतिसरत्न छुन्जु छन् । त्यसैले पनि सुगमलाई अब ठूलै चुनौतीको सामना गर्नु परेको छ । ‘मेरो पोजिसनमा म र मनज्ञ (नकर्मी) छौं । अब, आयुषलाई पनि लेफ्टमै खेलाए गाह्रो पर्छ ।’ हाँस्दै सुगम भन्छन् । ‘तर राइटको लागि पनि म तयार छु । तर, त्यसमा पनि कृतिसरत्न छ ।’ 

नेपाली टिमका प्रशिक्षक मेघराज केसी सुगममा केही खुबी भएकै कारण यो स्थान (छनोट ३० भित्र) सम्म आईपुगेको बताउँछन् । ‘अहिले नै मैले २३ छनोट गरेको छैन । यहि ३० ले नै साफ र एएफसी खेल्ने हो । यहाँ हरेक दिन खेलाडी छनोट भइरहेको छ । यहाँ रहँदैमा टिममा परिन्छ भन्ने छैन ।  उ (सुगम) पक्कै यहाँसम्म आइपुगेको छ । केही खुबी भएर नै आएको हो ।’ ए डिभिजन क्लब सातदोबाटो युथ क्लबका प्रशिक्षक समेत रहेका केसीले भने । 

उता, बुबा श्यामले छोरो ३० भित्र छनोट भएपछि बधाई दिँदै गर्वको विषय भएको सामाजिक संजालमा ‘पोष्ट’ गरेका छन् । ‘बधाई छ, सुगम । तिम्रो राष्ट्रिय टिमबाट खेल्ने सपना नजिक छ । मेहनत जारी राख । हामीलाई गौरव छ ।’   हाललाई भने सुगम आफ्नो लक्ष्य यु-२० नै रहेको र यसमा डेब्यु भएमात्रै राष्ट्रिय टिमलाई लक्ष्य बनाउने बताउँछन् । उनी भन्छन्, ‘अहिलेको लक्ष्य भनेको यही टिममा पर्ने हो । यु-२० मा डेब्यु पाउनु पर्याे । त्यसपछि मात्रै राष्ट्रिय टिमको लक्ष्य बनाउनेछु । लक्ष्य भनेकै राष्ट्रिय टिम हो ।’

प्रतिकृया दिनुहोस्

Flash News

तिलोत्तमाको क्रिमसन अस्पतालमा बिरामीको मृत्यु भएपछि तनावग्रस्त अस्पतालमा जनशक्ति अभाव, बिरामीलाई सास्ती १ लाख २३ हजार उम्मेदवारले निर्वाचन खर्च बुझाएनन्, कारबाही प्रक्रिया सुरु वाइसीएल इन्चार्जसहित माओवादी केन्द्रका युवाहरु एमाले प्रवेश पेट्रोलियम पदार्थको मूल्य घटाउन सकिँदैन : आयल निगम जन्मदिनको अवसरमा अनाथ आश्रममा भोजन दान तथा वृक्षारोपण रुपन्देहीको सैनामैनामा १२ दिने तीज महोत्सव हुने, करिब ५० लाख खर्च लाग्ने भारतीय ट्रकले जीपलाई ठक्कर दिँदा २ जनाको मृत्यु माओवादी केन्द्र गुल्मीको सचिवमा अशोक थापा चयन नवलपरासीबाट चिनी र खाद्यान्नसहित पिकअप गाडी नियन्त्रणमा सेयर बजार २५ अंकले ओरालाे भारतकी रजनी राईलाई नागरिकता दिलाउनेलाई अझै कारबाही भएन, प्रशासन माैन थप ८४८ जनामा कोरोना संक्रमण, १ को मृत्यु हँसिया हथौडा चिह्न प्रयोग गर्न प्रचण्ड र बाबुरामले दिए आयोगमा निवेदन युवाले हतार गर्दैमा १८ वर्षमा मन्त्री बनाइदिएर केही हुँदैनः ओली लुम्बिनीमा विद्युतको महशुल नतिर्ने साढे २७ हजार ग्राहकको लाइन काटियो लुम्बिनी प्रदेशका पूर्वमन्त्री यादव एमाले प्रवेश देउवाले १० जनालाई केन्द्रीय कार्यसमितिको सदस्यमा मनोनयन गरे राजस्व छली ल्याउँदै गरेकाे १५ लाखको विभिन्न सामानसहित दुई जना पक्राउ बुटवलको सडकबारे नगरप्रमुख पाण्डेयद्वारा सडक विभागको ध्यानाकर्षण