१६ असार २०७९, बिहीबार

Jun 30, 2022

बुटवल । लुम्बिनी प्रदेश खेलकुद परिषदको आयोजनामा १२ औं राष्ट्रपति रनिङ शिल्ड प्रदेश छनौट प्रतियोगिताको आयोजना हुने भएको छ । विहिबार बुटवलमा बसेको प्रदेश अन्तरगतको १२ जिल्लाका खेलकुद विकास समितिका कार्यालय प्रमुख, सुरक्षा निकायसहितको परिषद बैठकले असार २३, २४ र २५ गते दाङमा प्रतियोगिता गर्ने निर्णय गरेको हो ।

Advertisement

कार्यक्रममा लुम्बिनी प्रदेश खेलकुद विकास परिषदका सदस्यसचिव जयप्रकाश भट्टराईले छोटो तयारीका बीच प्रतियोगिता गर्न लागेको बताए । केन्द्रको ६ गते भएको निर्णय अनुसार प्रदेशको छनौट प्रतियोगिता गर्न लागेको उनले बताए । मुल समारोह असार २८ गते हुने केन्द्रको पत्रमा जानकारी आएको भन्दै उनले दाङमा आवश्यक संरचना भएको हुँदा गर्न सकिने बताए । ‘कबर्ड हलका साथै ईन्डोर खेलका लागि स्थाई संरचना भएको हुँदा दाङ उपयुक्त छ ।’– उनले भने । खेलकुद विज्ञहरुको समन्वय बिना तयार भएको संरचना र प्रशिक्षण प्रभावकारी नहुने भन्दै त्यसमा ३ तहकै सरकारको जोड रहनुपर्ने बताए ।

शिक्षा, विज्ञान, युवा तथा खेलकुद विकास महाशाखा प्रमुख यम बहादुर केसीले प्रत्येक वर्ष प्रदेशमा खेलाडी प्रोत्साहनका २ प्रकारको मुख्य प्रतियोगिता गर्दै आएको बताए । केन्द्रको निर्णय ढिलाई गर्दा छनौट प्रतियोगिता गर्न केहि कठिनाई भएको उनले बताए । शिक्षा, विज्ञान, युवा तथा खेलकुद निर्देशनालय प्रमुख मनोज कुमार गैरेले यसअघिका वर्षमा आयोजना गरिएको प्रतियोगिताका आधारमा कमिकमजोरीहरु हटाउदै जाने बताए । कार्यक्रममा दाङ जिल्ला खेलकुद विकास समितिका प्रमुख पद्मा चौधरीले प्रतियोगिता आयोजना गर्न दाङमा आवश्यक पुर्वाधार रहेको बताईन । आधारभुत रुपमा धेरै खेल गर्न सकिने उनले बताईन ।

कार्यक्रममा प्रदेश खेलकुद विकास परिषदका कोषाध्यक्ष कोशिश बहादुर खड्काले खेलाडीलाई पर्याप्त समय नहुँदा कठिनाई हुने भएपनि त्यसको समाधान हुने गरि तयारीमा लाग्नुपर्ने बताए । बैठकमा स्थानीय तहमा नयाँ जनप्रतिनिधि निर्वाचित भएर कार्यभार आएको हुँदा पनि जिल्ला छनौट नै हुन नसकेको खेलकुद विकास समितिका जिल्ला प्रमुखहरुले गुनासो गरे । संघीय संरचना अझै पनि खेलकुदमा कायम नहुँदा र जिल्लामा पदाधिकारी विहिन हुँदा कठिनाई भएको उनिहरुले बताए ।

प्रदेश खेलकुद विकास परिषदका सदस्य तथा भलिबल प्रशिक्षक अर्जुन घिमिरेले खेलाडी र विद्यार्थीहरुका लागि राष्ट्रपति छनौट प्रतियोगिता मिनि ओलम्पिक भएको बताए । प्रतियोगिता आयोजना समय कम हुँदा ब्यवस्थापनमा समस्या हुने भएपनि त्यसलाई कम हुने गरि सबैको साथमा अघि बढ्नुपर्ने सुझाव दिए । रुपन्देही जिल्ला प्रहरी कार्यालयका प्रमुख प्रहरी उपरिक्षक रबिन्द्र रेग्मी, शस्त्रप्रहरी बल बुटवलका प्रमुख सुरज पाण्डेले आवश्यक सहयोग गर्ने प्रतिवद्घता जनाए । प्रतियोगिताका लागि प्रत्येक जिल्लाबाट विभिन्न विद्याका न्युनतम ८८ जना खेलाडीहरु सहभागी हुनेछन ।

प्रतिकृया दिनुहोस्

Flash News

पर्खाल भत्किएर पुरिँदा एकको मृत्यु प्रजातन्त्र होइन गठबन्धनतन्त्र ! सर्वोत्तम लिटोको प्याकेटमा कीरा कसरी लाग्छ हैजा ? यी हुन् लक्षण र रोकथामका उपाय सुनको मूल्य प्रतितोला तीन सय रुपैयाँले घट्यो दक्षिण कोरियामा २०२३ का लागि श्रमिकको तलब ५ प्रतिशतले वृद्धि सयपत्री हाइड्रोपावरको आईपीओ भर्ने समय थप ट्रक र मोटरसाइकल ठोक्किँदा एक जनाको मृत्यु राजस्थानमा धार्मिक तनावः मोदीलाई धम्की, इन्टरनेट सेवा बन्द रुपन्देहीको सैनामैनाका एक युवा मृत अवस्थामा फेला फुटबलर भरत र नवयुग एनएसी प्रतियोगिता खेल्न अमेरिका प्रस्थान डाइभर्सन निर्माणपछि खुल्यो पूर्व–पश्चिम राजमार्ग, कस्ताे छ अन्य सडककाे अवस्था ? मध्यअसारसम्म लुम्बिनीमा ३३ प्रतिशत मात्र रोपाईं आज पनि देशभर वर्षाको सम्भावना श्रीमान १० वर्ष वेपत्ता भए श्रीमतीलाई एकल भत्ता दिने प्रस्ताव रोटरी क्लब भैरहवाद्वारा तिलोत्तमास्थित विद्यापिठका विद्यार्थीलाई कम्प्युटर तथा झोला वितरण एमाले निकट युवा संघको धान राेपाइँमा कुटाकुट बुटवलमा जंगली च्याउ खाँदा ६ जना बिरामी, अवस्था गम्भीर असारे–१५ः ‘हिलोमा रमाउनेहरुको दाउ–१७’ काठमाडौंमा १४ जनामा हैजाको संक्रमण पुष्टि