१९ असार २०७९, आईतवार

Jul 3, 2022


बारा । निजगढ सार्वजनिक सरोकार समितिले निजगढ अन्तर्राष्ट्रिय विमानस्थल निर्माण गर्न बाराका स्थानीय तहका प्रमुखहरूसँग विशेष प्रस्ताव पास गर्न आग्रह गरेको छ । 

Advertisement

समितिले कोल्हबीका नगरप्रमुख रामप्रसाद चौधरी, सिम्रौनगढका नगरप्रमुख किशोरीप्रसाद कलवार, महागढीमाई नगरका प्रमुख उपेन्द्रप्रसाद यादव, पचरौताका नगरप्रमुख जालन्धर सिंह, करैयामाई गाउँपालिकाका अध्यक्ष शम्भु यादव, बारागढीकाका अध्यक्ष अशोक जैसवाल, सुवर्ण गाउँपालिकाका अध्यक्ष राजेश यादव, देवताल गाउँपालिकाका अध्यक्ष उदयचन्द्र यादव र आदर्शकोतवाल गाउँपालिकाका प्रमुख प्रशासकीय अधिकृत प्रमोदप्रसाद साहलाई पालिका कार्यालयमै भेटेर निजगढ अन्तर्राष्ट्रिय विमानस्थल निर्माणको लागि सहयोग पु¥याउने उद्देश्यले पालिका सभाबाट विशेष प्रस्ताव पास गर्न आग्रह गरेका हुन् । 

बाराको टाँगीयाबस्तीमा प्रस्तावित दोस्रो अन्तर्राष्ट्रिय विमानस्थलको ०५१ सालमा प्रारम्भिक सर्वेक्षण भएको थियो । यस्तै, ०५६ सालमा विमानस्थलको डिपीआर, जग्गा प्राप्ति तथा वातावरणीय प्रभाव मूल्यांकन पूरा गरेर मुआब्जा वितरण प्रक्रिया समेत अन्तिम चरणमा पुगिसकेको छ । यसलाई राष्ट्रिय गौरवको परियोजनाको रुपमा सरकारले घोषणा गरेको छ । 

समितिका संयोजक एकबहादुर श्रेष्ठले हस्ताक्षर गरेर बुझाइएको पत्रमा आयोजना निर्माणस्थलको रुपमा रहेको टाँगियाबस्तीको व्यवस्थापन गर्न सरकारले जग्गा छनौट गरेर कानुनी र विधिगत रुपमा बस्ती स्थानान्तरणको लागि काम सुरु गर्ने चरणमा पुगिसकेको तथा जग्गा प्राप्ति, आयोजना क्षेत्रको घेराबारा अनि नदी नियन्त्रणको काम समेत सम्पन्न भैसकेको जनाइएको छ । 

यस्तो अवस्थामा सर्वाेच्च अदालतको १२ जेठ ०७९ को निर्णयअनुसार निजगढ अन्तर्राष्ट्रिय विमानस्थल निर्माणमा रोक लगाउने कार्य भएको र सर्वाेच्च अदालतको निर्णयबाट विमानस्थल निर्माणकार्य अहिले जोखिममा भन्दै विमानस्थल निर्माण गर्न बारा जिल्लाबासी थप सक्रिय र एकताबद्ध भएर लाग्नुपर्ने अवस्था आएको उल्लेख गर्दै पालिकासभा र बैठकबाट अदालतको निर्णय पुनरावलोकन गराएर वा अर्काे कुनै विकल्पमार्फत अन्तर्राष्ट्रिय विमानस्थल निर्माण गर्न नेपाल सरकारलाई सहयोग पुर्‍याउने गरी विशेष प्रस्ताव पारित गर्न आग्रह गरिएको छ । 

आग्रह पत्र बुझाउन संयोजक श्रेष्ठको नेतृत्वमा विनोद भारतीसहितका समितिका सदस्यहरू पालिका कार्यालयमा पगेका थिए । समितिका सदस्य भारतीका अनुसार पालिका प्रमुखहरूले विमानस्थल निर्माण गर्न सबै खालको सहयोग गर्ने प्रतिबद्धता जाहेर गरेको जानकारी दिए । उनका अनुसार पत्र बुझाउन बाँकी जिल्लाका अन्य पालिकाका प्रमुखहरूलाई पनि भेटर विशेष प्रस्ताव पास गर्न आग्रह गरिनेछ । 

प्रतिकृया दिनुहोस्

Flash News

अढाई करोडका सिन्काले दाँत कोट्याउँछन् नेपाली ! पौडी खेल्ने क्रममा दुई भारतीय नागरिकको मृत्यु तत्कालीन नेकपाका बहुमत सदस्यको भेटवार्ता, के भयो कुराकानी ? सरसफाइका लागि कठोर नीति ल्याउँदै तुलसीपुर चट्याङ लागेर ३ बाख्रा र एक भैंसी मरे, एक महिला घाइते जन्ती हिँडेको ट्याक्टर दुर्घटना, १ जनाको मृत्यु फूलहरूलाई के हिउँद, के बर्खा (फोटोफिचर) बुटवल मण्डपको नाम फेर्ने उपमहानगरको निर्णयप्रति व्यवसायिक संघ-संस्थाहरुको असहमति, फिर्ता लिन माग तुलसीपुरका पानी मुहान क्षेत्रमा चुनढुगा उत्खननको तयारी, खानेपानी संस्थाको बिरोध एमालेभित्रको अन्तर्घात छानबिन गर्न कार्यदल तिलोत्तमालाई युवामैत्री स्थानीय शासन घोषणा गर्न प्रतिबद्धता छोरी भएर जन्मिनु विडम्बना हो ! अर्थ मन्त्रालयले लुकायो बजेट भाषणको अघिल्लो दिनको सीसीटीभी फुटेज हस्ताक्षर किर्ते गरी छ्यालिस लाख रुपियाँ अपचलन गर्ने कर्मचारी पक्राउ पन्ध्र प्रतिशत दलित बालबालिका विद्यालयको पहुँच बाहिर पत्रकार पन्थीको ‘अन्ट्रान्सलेटेबल’ विश्वका १२ देशमा अमेजनमार्फत हार्डकभर र पेपरब्याकमा विपद्बाट हुने क्षति न्यूनिकरण गर देशको आर्थिक अवस्था गम्भीर संकटमा : प्रचण्ड सेयर बजारमा हरियाली बुटवलमा साइन्स-म्याथ ओलम्पियाड, कान्ति माविका शिशिर प्रथम