बुटवल । सबैको चासो र ध्यान केन्द्रित रहेको बुटवल उपमहानगरपालिका–११ को मतगणना रोकिएको छ । मतपेटिका खोल्ने क्रममा सिल चुडिएको र स्वस्तिक छाप भेटिएपछि मतगणना रोकिएको हो । सिल चुडिएको भए पनि सिल मतपेटिकाको कपडामा भएको निर्वाचन अधिकृत लेखनाथ पौडेलले बताए ।
सिल चुडिदैँमा मत पत्रमा असर नगर्ने भएकाले राजनीतिक दलहरुलाई मिलेर आउन आग्रह गरेको निर्वाचन अधिकृत पौडेलले बताए । ‘मत पेटिका खोल्ने क्रममा सिल चुडिएको भेटिए पछि अहिले मतगणना रोकिएको छ । सिल चुडिँदैमा मतपत्रमा कुनै असर हुँदैन् । चुडिएको सिल कपडामा भेटिएको छ ।’–उनले भने । वडा नम्बर ११ को मतगणना रोकिए पनि अन्य वडाको मतगणना भने जारी रहेको निर्वाचन अधिकृत पौडेलले बताए ।
प्रतिक्रिया