भैरहवा । रुपन्देहीको दक्षिणी क्षेत्र मर्चवारमा शंकास्पद बिष्फोट भएको छ । बिष्फोटमा परि एक महिला घाइते भएकी छन् । मर्चवारी गाउँपालिका वडा नम्बर ५ बनियाँडिहामा ओम प्रकाश मिश्रको घरमा बिष्फोट हुँदा घर पूर्ण रुपमा क्षतिग्रस्त भएको छ । यस्तै बिष्फोटमा परि उनको श्रीमति ४५ वर्षीया जयमाला पाण्डे घाइते भएकी छिन्।
उनको हात, पाखुरा लगाएतको भाग जलेको र उपचारको लागी नजिकै स्वास्थ्य चौकी लगको पारिवारीक श्रोतले जानकारी दियो । बिष्फोट किन र कसरी भयो भन्ने बिषयमा स्थानिय प्रहरीले अनुसन्धान गरि रहेको जनाएको छ । स्थानीय तहको मतदान समेत भइरहेको समयमा बिष्फोट भएको हो । बिष्फोटबाट पाण्डेको घर ढलेको छ ।
भान्छा घरमा बिष्फोट भएको र यसको असर अन्य कोठाहरुमा समेत परेको छ । ग्याँस सिलिण्डर लिक भएर बिष्फोट हुन सक्ने प्रहरी चौकी वडवलियाबाट खटिएको टोलीको अनुमान रहेको छ । यता नेकपा एमालेबाट वडा अध्यक्षका उम्मेदवार समेत रहेका ओम प्रकाश पाण्डेका दाजु सोमनाथ पाण्डेले आफ्नो घरमा बम बिष्फोट गराइएको दावी गरेका छन् । “कुकर, ग्यास सिलिण्डर जस्ताको त्यस्तै छ, केही क्षति भएको छैन । प्रहरीले के आधारमा ग्यास पड्केको भन्छ ?” पाण्डेले भने “घरमा रहेको झ्याल फुटाइ बम बिष्फोट गराइएको हो।”
प्रतिक्रिया