१२ जेष्ठ २०७९, बिहीबार

May 26, 2022

‘बैसाख ३० शुक्रबार अरु काम रोकी, मतदान गर्न जाउँ परिचय पत्र बोकी…’ अहिले यो सन्देश गुञ्जिरहेको छ । अर्थात् मतदान गर्ने दिन नजिकिँदै छ । स्थानीय तह निर्वाचन–२०७९ का लागि मुलुक होमिएको छ । निर्वाचनको सुनिश्चितता पछि सुरु भएका गतिविधि तिव्र रुपमा अगाडि बढेका छन् । विभिन्न दलका तथा स्वतन्त्र उम्मेद्वारी दिएका उम्मेद्वारहरु पनि जनता माझ पुगेका छन्। गाउँ, टोल,शहरसहित मुलुकनै निर्वाचनमय भएको छ ।

Advertisement

मुलुक संघीय गणतान्त्रिक पद्धति कार्यान्वयनमा अगाडि बढेपछिको यो दोस्रो निर्वाचन हो । पहिलो निर्वाचन २०७४ का जनप्रतिनिधिको कार्यकालसकिएसँगै आगामी नयाँ नेतृत्वका लागि निर्वाचन हुन गइरहेको हो । मुलुकका ६ महानगर, ११ उपमहानगरसहित २७६ नगरपालिका र ४६० गाउँपालिका गरी ७५३ स्थानीय तहका नेतृत्वका लागि यही वैशाख ३० गते निर्वाचन हुँदैछ ।

निर्वाचनबट ती स्थानीय तहका लागि प्रमुख–उपप्रमुख समिति सदय,वडा अध्यक्ष र वडासदस्यसहित ३५ हजार ३ सय २१ जनप्रतिनिधिहरु निर्वाचित हुनेछन् । निर्वाचनका लागि निर्वाचन आयोगले सम्पूर्ण तयारी गरिसकेको जनाएको छ । ३० गते वैशाखमा मतदानका लागि पूर्वतयारी तथा कार्यक्रमहरु सम्पन्न भइसकेको र मतदान तथा मतगणना,नतीजा सार्वजनिकका लागि तयारी गरिरहेको समेत बताएको छ ।

मतदान सफल बनाउनका लागि रुपन्देहीमा २०८ मतदान केन्द्र ७ सय मतदान स्थलहरु तोकिएको छ । त्यसैगरी देशभरका जिल्लामा रहेका १० हजार ७ सय ५६ र विभिन्न स्थानमा २१ हजार ९ सय ५५ मतदान केन्द्र तथा स्थलहरु तोकिएको छ । प्रजातन्त्रिक पद्धतिमा आफ्नो प्रतिनिधि चयन गर्ने बलियो माध्यम र अवसर मानिन्छ निर्वाचन ।

आउँदै गरेको निर्वाचनमा मुलुकभरका १ करोड ७७ लाख ३३ हजार ७ सय २३ जना मतदाता सहभागी हुँदैछन् । जसमध्ये ९९ लाख ९२ हजार १० जना पुरुष, ८७ लाख ४१ हजार ५ सय ३० र १८३ जना अन्य मतदाता रहेका छन् । ७७ जिल्लाका ७५३ स्थानीय तहमा नयाँ नेतृत्व चयनका लागि हुने निर्वाचनले माहौल निकै तातेको छ । स्थानीयबासी र स्थानीय सरोकारसँग प्रतक्ष्य सरोकार राख्ने यस निर्वाचन र आगामी नेतृत्वको लागि यतिबेला चुनावी तयारी छ ।

निर्वाचनका लागि यतिबेला प्रचार–प्रसारका गतिविधि तिव्र छन्। अर्कोतर्फ प्रचार–प्रसार गर्न दल,उम्मेद्वार,कार्यकर्ता तथा शुभेच्छुकहरुबीच प्रतिष्पर्धानै चलेको छ । निर्वाचनमा विजयी हुन उम्मेद्वारहरु र उनीहरुलाई जिताउन समर्थकहरु मतदाताका घर–घरमा पुगेका छन् । उम्मेद्वारहरु ठूलो समूहसहित आफ्ना घोषणा पत्र, एजेण्डा,नारा र आश्वाशनसहित स्थानीय मतदाताका घर–दौलोमा पुगेका छन् ।

निर्वाचनलाई स्वच्छ,मर्यादित र पारदर्शी बनाउन निर्वाचन आयोगले आचारसंहिता पनि जारी गरेको छ । तर,अधिकांश दलहरु,उम्मेद्वार लगाएत कार्यकर्ताहरुले पनि आचारसंहित उल्लंघन गरिरहेका छन् । त्यसैगरी निर्वाचन आचारसंहिता पाललना गर्न मतदाता तथा सर्वसाधारणलाई पनि आयोगले अनुरोध गरेको छ । तर सर्वसाधारणबाट पनि सामाजिक सञ्जालमा निर्वाचन आचारसंहिता विपरित गतिविधिहरु भएका छन् ।

निर्वाचनको समयमा दल र गुटको आधारमा समर्थन र विरोधका गतिविधि तिव्र देखिन्छन् । प्रतिपक्षलाई गालीगलौजदेखि मानहानी र पक्षधरलाई सकारात्मक तथा व्याख्यात्मक प्रचारवाजी र संरक्षण गर्ने प्रवृत्ति रहेको छ । यस्तो प्रवृत्तिले दुई विचार वा फरक विचार राख्ने घरभित्रै वा सहकर्मीहरुबीच पनि प्रष्तिष्पर्धा हुने गर्दछ । अर्कोतर्फ फरक पेशा , छिमेकी लगाएतकाबीच पनि मनमुटाव र अस्वस्थ प्रतिष्पर्धा देखिने गरेको छ ।

निर्वाचन ,दल, उम्मेद्वार र नेतृत्वको बहानामा हुने यस्ता गतिविधिले परिवारमा,सम्बन्धमा,पेशामा प्रभाव पार्दछ । साथै घर,परिवार,कार्यालय,छिमेक र समाजमा पनि वातावरण खल्बलिन्छ । त्यसैगरी निर्वाचन र नेतृत्वमा पनि प्रभाव पर्दछ । जुन कदापी अनुकूल हुँदैन । गणतान्त्रिक पद्धतिमा निर्वाचन जनताका लागि सुवर्ण अवसर हो । ५ वर्षमा आएको पर्व हो । बहुमतले चाहेको उम्मेद्वार र नेतृत्व चयन गर्ने मौका हो । आफ्नो अमूल्य मतले सेवक रोज्ने,स्थानीय अभिभावक छनौट गर्ने महत्वपूर्ण समय हो । गर्ने तसर्थ यस अवसरलाई स्वच्छ,स्वस्थ्,सभ्य र अनुशासनका साथ सफल बनाउनु सबैको दायित्व हो।

तर,निर्वाचनको समयमा मतदाता वा जो कोहीबीभ हुने अस्वस्थ प्रतिष्पर्धा र गलत व्यवहारले दिगो असर गर्न सक्छ । ५ वर्षका लागि एक दिन हुने निर्वाचन अगाडि र निर्वाचनको समयमा हुने असामाजिक क्रियाकलाप र अस्वस्थ प्रष्पिर्धाले आपसी सम्बन्ध,समझदारी र सामाजिक वातावरणमा खलल आउन सक्छ ।

मतदान अगाडि उम्मेद्वार तथा समर्थकहरु प्रतिष्पर्धी भएतापनि मतदान र नतीजा पछाडि पनि जे जस्तो अवस्थामा थिए त्यस्तै हुन् । पराजित हुने उम्मेद्वार पनि त्यही समाजका र विजयी हुनेपनि त्यी समाजका । जसले जितेपनि समग्र क्षेत्रका साझा प्रतिनिधि हुन् र बन्नु पर्दछ । विजयी र पराजितबीच पनि सहकार्य र आपसी सम्बन्ध रहिरहनु पर्दछ । तसर्थ निर्वाचनका नाममा अस्वस्थ प्रतिष्पर्धा नगरौं । निर्वाचनको स्वच्छ वातावरण सिर्जना गरौं । जिम्मेवार नागरिकसँगै मतदाताको भूमिका निर्वाह गरौं ।

प्रतिकृया दिनुहोस्

Flash News

६८ हजार बढी विद्यार्थीले लुम्बिनीबाट एसएलसी दिदैँ तिलोत्तमामा खाँण ८४५ मतले अगाडि, अब ३ हजार मत गन्न बाँकी ओलीले नीति तथा कार्यक्रममा लिम्पियाधुरा, लिपुलेक खोजेपछि प्रकाशमानले दिए जवाफ निर्वाचन शान्तिपूर्ण र धाँधलीरहित सम्पन्न भाे: झलनाथ शुक्रबारबाट क्यूएफएक्ससहित देशभरका हलमा ‘कबड्डी-४’ सत्तारुढ गठबन्धनले नेपालको स्वतन्त्र र असंलग्नता परराष्ट्र नीति परित्याग गरेको हो : रावल दश महिनामा एक अर्ब २१ करोडको फेसमास्क नेपाल भित्रियो इपीजी प्रतिवेदन बुझ्न प्रधानमन्त्री देउवालाई ओलीको आग्रह विद्यालय जाँदै गरेकी बालिकामाथि बलात्कार प्रयास वाइडबडी र सुनकाण्ड छानबिन गर्न सरकारलाई ओलीको चुनौती आगोले जलेकी विरामीलाई छाडेर फर्कियो बुद्ध एयर, चर्को आलोचनापछि प्रस्टीकरण हवाइजहाजको टिकट पाउन पनि शक्ति केन्द्रको भर ३५ हजार ३४ जनप्रतिनिधि निर्वाचित, कुन दलले कति जिते ? परराष्ट्र नीतिलाई असन्तुलित र सत्ता स्वार्थमा संकुचित गरिएकाे ओली आराेप एमाले सत्यसँग लड्दैन, शक्तिसँग झुक्दैन : ओली विश्वव्यापी मन्दी आउन सक्ने विश्व बैंकको चेतावनी सरकारको नीति तथा कार्यक्रम चास्नीमा नडुबाएको जेरी जस्तो : ओली त्रिवि शिक्षण अस्पतालमा एमबीबीएसमा भर्ना गरिदिन्छु भन्दै १७ लाख ठगी विदेश पठाई दिन्छु भनि २५ लाख ठगी गर्ने एक जना पक्राउ निर्वाचनमा प्रतिपक्षी दलमाथि सरकार निर्मम ढंगले प्रस्तुत भएको ओलीको आरोप