१८ मंसिर २०७९, आईतवार

Dec 4, 2022


भैरहवा । आइतबार साँझ सवा सात बजे भैरहवामा रहेको गौतमबुद्ध अन्र्तराष्ट्रिय बिमानस्थलतर्फ आगोको ठूलो मूस्लो देखियो । त्यहाँ बिमान दुर्घटना भएको भैरहवावासीको अड्कल थियो । लगत्तै दमकल र एम्बुलेन्स लगाएतको साइरन घन्किन थालेपछि भैरहवावासीले गरेको दुर्घटनाको अड्कललाई थप बल पुग्यो । आगोको मूस्लो विमान दुर्घटनाकै थियो ।

Advertisement

हिले बिमानस्थलबाट गौतमबुद्ध अन्र्तराष्ट्रिय बिमानस्थल भैरहवा आउँदै गरेको मुकु एयरलाइन्सको ए ३३० प्रकारको फ्लाइट नम्बर एमयुकेयु १८१ विमानको इन्जिनमा एक्कासी आगो लाग्दा आकस्मिक अवतरणको क्रममा विमान दुर्घटनामा परेको हो । जहाजको बाँया इन्जिनमा समस्या देखिएपछि विमानलाई आकस्मिक अवतरण गराउनु परेको गौतमबुद्ध अन्र्तराष्ट्रिय विमानस्थलको भनाई छ ।

दुर्घटनामा बिमानमा सवार चालक दलका सहित २ सय यात्रु भएको जसमध्ये ५० जनाको मृत्यु (काल्पनिक रुपमा) भएको भन्दै गौतमबुद्ध अन्र्तराष्ट्रिय बिमानस्थलका महाप्रवन्धक गोविन्द प्रसाद दहालले जानकारी गराउँदै थिए । दुर्घटनामा परि अन्य १ सय ५० जना घाइते भएको बारे पनि (काल्पनिक रुपमा) उनले जानकारी गराउँदै थिए ।

बिमानस्थलमा अवतरण हुँदै गरेको मुकु एयरको बिमानमा आगलागी भएपछि बिमानस्थमा रहेको उद्दार तथा अग्नी निवारण शाखाबाट खटिएको उद्दारकर्मि र नेपाली सेना तथा नेपाल प्रहरीबाट बिमानको आगो निभाई सफल रुपमा घाइतेहरुको उद्दार गरिएको थियो ।

भैरहवा बिमानस्थल पुग्दा सूचना अधिकारी प्रदिप अर्यालले जानकारी गराई रहेका थिए । यी सबै वास्तविक दृश्य थिए तर, दुर्घटना वास्तविक थिएन । गौतमबुद्ध अन्र्तराष्ट्रिय विमानस्थल क्षेत्रभित्र हुने जहाज दुर्घटना पश्चात् उद्धारलाई व्यवस्थित र छिटो छरितो बनाउन विमानस्थलमा पूर्णकालीन आपतकालिन उद्धार अभ्यास गरिएको दृश्य थियो यो ।

अन्तर्राष्ट्रिय नागरिक उड्डयन संगठनको मापदण्ड अनुसार बिमानस्थलमा फायर फाइटर, नेपाली सेना, सशस्त्र प्रहरी र जनपथ प्रहरीका उद्धार टोली, एम्बुलेन्स तथा दमकल समेतको सहभागितामा फुल स्केलको आपतकालिन अभ्यास गरिएको हो ।

अन्तराष्ट्रिय विमानस्थलमा यस्ता अभ्यास हुने गरे पनि गौतमबुद्ध अन्र्तराष्ट्रिय बिमानस्थलमा वृहत अभ्यास सहित पहिलो पटक अभ्यास गरिएको हो । व्यवहारिक अभ्यास र आपतकालिन अवस्थामा अपनाउनु पर्ने कामबारे प्राविधिकलाई जानकारी दिईएको छ । गौतमबुद्ध अन्तराष्ट्रिय विमानस्थल नेपालको आन्तरिकतर्फ सबै मौसममा व्यस्त हुने विमानस्थल पनि हो ।

जहाज दुर्घटना भएको अवस्थामा विमानस्थल संचालन र आपतकालीन उद्धारमा सरोकारवालाहरुको सक्रियतालाई व्यवहारिक रुपमै अभ्यास गर्न यस्तो अभ्यास गरिएको बिमानस्थलका महाप्रवन्धक गोविन्द प्रसाद दहालले जानकारी दिए ।

अन्तर्राष्ट्रिय नागरिक उड्डयन संगठनको मापदण्ड अनुसार बिमानस्थलमा फायर फाइटर, नेपाली सेना, सशस्त्र प्रहरी र जनपथ प्रहरीका उद्धार टोली, एम्बुलेन्स तथा दमकल समेतको सहभागितामा फुल स्केलको आपतकालिन अभ्यास गरिएको हो ।

अन्तराष्ट्रिय विमानस्थलमा यस्ता अभ्यास हुने गरे पनि गौतमबुद्ध अन्र्तराष्ट्रिय बिमानस्थलमा वृहत अभ्यास सहित पहिलो पटक अभ्यास गरिएको हो । व्यवहारिक अभ्यास र आपतकालिन अवस्थामा अपनाउनु पर्ने कामबारे प्राविधिकलाई जानकारी दिईएको छ । गौतमबुद्ध अन्तराष्ट्रिय विमानस्थल नेपालको आन्तरिकतर्फ सबै मौसममा व्यस्त हुने विमानस्थल पनि हो ।

जहाज दुर्घटना भएको अवस्थामा विमानस्थल संचालन र आपतकालीन उद्धारमा सरोकारवालाहरुको सक्रियतालाई व्यवहारिक रुपमै अभ्यास गर्न यस्तो अभ्यास गरिएको बिमानस्थलका महाप्रवन्धक गोविन्द प्रसाद दहालले जानकारी दिए ।

अन्तर्राष्ट्रिय नागरिक उड्डयन संगठनको मापदण्ड भित्र रहेर आईतबार साझ ७ बजेदेखि साढे ७ बजेको बीचमा फायर फाइटर, सेना, सशस्त्र प्रहरी र जनपथ प्रहरीका उद्धार टोली विमानस्थलमा एम्बुलेन्स तथा दमकल समेत तयारी अवस्थामा राखी फुल स्केलको आपतकालिन अभ्यास गरिएको विमानस्थल प्रमुख दाहालले जानकारी दिए ।

आन्तरिक विमानस्थलमा तयारी र अभ्यासका काम हुने भएपनि अन्तराष्ट्रिय बिमानस्थलमा रातीमा वृहत अभ्यास सहित पहिलो पटक कार्यक्रम गरिएको उनले जानकारी दिए । यसले भोली जहाज वास्तविक रुपमा दुर्घटना हुदा नआत्तिकन मनोबल बढाउदै उद्दारमा सहज हुने उनको बुझाई छ । “भगवानको कृपाले कुनै दुर्घटना नहोस तर कुनै पनि दुर्घटना भए हामी त्यसको सामान तयार गर्न र हाम्रो आत्मबल बढेको सन्देश दिन यो अभ्यास गरेको छौ ।” दाहालले भने ।

प्रतिकृया दिनुहोस्

Flash News

इन्डोनेसियामा शक्तिशाली भूकम्प माओवादी केन्द्रको पदाधिकारी बैठक बस्दै गोकुल बास्कोटाको घरमा फेला परेको शंकास्पद वस्तु सेनाद्वारा निष्क्रिय उपमेयर डंगोलको निर्देशन: आकाशे पुल तत्काल मर्मत गर्नु, बार घटाएर पारदर्शी बनाउनू भूमि आयोगको सूचनापछि काठमाण्डौंमा थप आक्रामक बन्दै उपत्यका विकास प्राधिकरण नेत्रहीन टी-२० विश्वकपमा नेपाल, टोली आज भारत प्रस्थान हुँदै ठूला तीन दल खुम्चिदा नयाँ दुई दलको भयो उदय पहाडी क्षेत्रमा बदलीको सम्भावना सजिलो सहकारीको छैटौं अधिवेशन, अध्यक्षमा पुनः पोख्रेल बुटवल तथा सैनामैनाका यी स्थानमा आइतबार विद्युत अनियमित हुने (सूचनासहित) देवदहकी दिपा मृगौला रोगले पीडित, सहयोगका लागि परिवारको अपिल दाङमा चार महिनामै थपिए करिब तीन सय उद्योग, ६१ करोड बढीको पूँजी लगानी भैरहवामा मंसिर १८ देखि अन्तर विद्यालय टि-२० क्रिकेट अमरज्योतीको १४ औं वार्षिक साधारणसभा तिलोत्तमाको मेलामा दर्शकको चाप बढ्दै, शनिबार मात्रै ५० हजारले अवलोकन गरेको दाबी ‘परदेशको पसिनाको उचित प्रतिफल निकाल्न राज्यको ध्यान जानुपर्छ’ बुद्ध सामुदायिक टेलिभिजनको अध्यक्षमा पुनः ओम ज्ञवाली डुब्न थालेपछि रुपन्देहीका सहकारीहरु एक ठाउँमा, संकट टर्नेमा अभियान्ताहरुकै आशंका कमल थापाको पार्टीलाई समानुपातिकतर्फ कुन प्रदेशमा कति मत ? सरकार गठनबारे सबै विकल्पमा खुला राख्ने माओवादीको निर्णय