११ मंसिर २०७९, आईतवार

Nov 27, 2022

गुल्मी । संघीयता कार्यान्वयन पछिको दोस्रो स्थानीय तहको निर्वाचन जति नजिकिँदै छ त्यति राजनीतिक दलहरु भित्र कस्ले उम्मेदवार पाउने भन्ने कुराको रस्साकस्सी शुरु भएको छ । रुरुक्षेत्र गाउँपालिका भित्र पनि कृयाशिल राजनीतिक दलहरु कस्लाई उम्मेदवार बनाउने यो विषयमा आन्तरिक र बाह्ष् कसरतहरु शुरु गरेका छन् ।

Advertisement

२०७४ सालको निर्वाचनमा अध्यक्ष उपाध्यक्ष सहित २७ सिट हात पारेको नेकपा एमाले यो क्षेत्रको बलियो दावेदार हो भने नेपाली काँग्रेस दोस्रो र नेकपा माओवादी केन्द्र तेस्रो शक्तिको रुपमा रहेको छ । नेकपा समाजवादी राप्रपा र जनमोर्चाको पनि रुरुक्षेत्र गाउँपालिकामा उपस्थित रहेको देखिएको छ ।

स्थानीय तहको निर्वाचनबाट निर्वाचित हुने जनप्रतिनिधिहरुको काम गर्ने तौर तरिका र इच्छाशक्तिनै गाउँको विकासमा प्रमुख भूमिका खेल्छ । उम्मेदवार हुने हरुबाट यतिबेला जनताले उनिहरुले उठाउने एजेण्डालाई प्राथमिकताका साथ हेरिरहेका छन्। उम्मेदवार छान्ने काम नसकिएको कारणले पनि एजेण्डाहरु प्रस्तुत नभएका होलान् तर, जनताको चासो एजेन्डामा केन्द्रित छ ।

यो पटक रुरुक्षेत्र गाउँ पालिकामा युवाहरूको दावि अत्यधिक देखिएको छ। यतिबेला नेकपा एमालेले वडाहरुमा आकाँक्षि हरुको नाम मागिरहँदा ६० प्रतिशत भन्दा बढी युवाहरुले वडासदस्यदेखि गाउँ पालिका अध्यक्ष उपाध्यक्षमा दावि गरेको पाईन्छ र यो शुखद पक्ष हो ।
गाउँघरबाट शहरतिर बसाइँसराइको भयावह बनिरहँदा युवाहरुको यो आकर्षणले रुरुक्षेत्र गाउँपालिकामा नया आशाको सन्चार गरेको छ ।

राजनीति होस् या समाजसेवा युवाहरूको ईन्ट्रि आवश्यक छ र यसो भयो भने राजनीति र विकासमा गतिशीलता कायम हुन्छ रुरुक्षेत्र गाउँ पालिका वडा न १ बाट वडाध्यक्षमा दावि गरिरहेका युवा चिरन्जिवि ज्ञवालीको बुझाई छ ।

मुख्य रुपले कृषिमा आधुनिकिकरण ,वैदेशिक रोजगारीबाट फर्केका हरुको सिपको अधिकतम उपयोग सँगै गाउँमा बस्ने बाताबरण नै प्रमुख एजेन्डा हुनुपर्ने रिटर्नी फेडरेसनका जिल्ला सचिव रहेका एमालेबाट रुरुक्षेत्र ३ का वडाध्यक्ष पदका दावेदार हुतराज ज्ञवालीको धारणा छ ।
‘राजनीतिका पुराना पुस्ताहरुको योगदान त अतुलनिय छ वहाँहरुको योगदानलाई सम्मान गरिनु पर्छ । तर अबको नेतृत्व युवाहरूको काँधमा दिनु पर्छ ।’ ज्ञवालीले भने ।

दिगो विकासको अवधारणा अहिलेको आवश्यकता हो र अव एक्काईसौँ शताव्दिको प्रविधि लाई पछ्याउन सक्ने ,भाषण भन्दा विकासलाई प्राथमिकता दिने र जनताका भावना सँग खेल्ने होईन कि जनताका भावना बुझ्ने उम्मेदवारलाई पार्टीले टिकट दिनु पर्ने धारणा रुरुक्षेत्र १ च्यूरेकका युवा तथा एमालेबाट वडा १ च्यूरेकमा प्रस्तावित गरिएका घनस्याम ज्ञवालीको छ ।

अरु राजनीतिक दलहरुमा पनि युवाको चर्चा छ तर आन्तरिक तयारीका कारणले होला सायद नाम बाहिर आएको छैन । यतिबेला रुरुक्षेत्र गाउँपालिकामा बसाई सराईको प्रमुख समस्या छ । जाने त गए गाउँमा बस्नेलाई गाउँमै अडाएर राख्ने यो कुरा अब जित्ने जनप्रतिनिधिहरुको पहिलो काम हो ।त्यसो त स्थानीय तहको पहिलो निर्वाचन पछि रुरुक्षेत्रमा कृषि खानेपानी सडक शिक्षा विध्युत सामाजिक उत्तरदायित्वका क्षेत्रमा धेरै काम भएका छन् ।

प्रतिकृया दिनुहोस्

Flash News

किमले पुनः सार्वजनिक गरे छोरीसँगको तस्वीर, उत्तराधिकारी बनाउने तयारी ? तीन जिल्ला बाहेकको मतपरिणाम मङ्सिर १३ गतेसम्म आइसक्ने रुस र युक्रेनद्वारा युद्धबन्दी आदानप्रदान इरानमा पक्राउ परेका र्‍यापरको परिवार जोखिममा इलाम १ र सुनसरी ४ मा रोकिएको मतगणना सुरु मोटरसाइकल दुर्घटनामा चालकको मृत्यु क्युएफएक्स बुटवलले तेस्रो वार्षिकत्सोवको अवसरमा टिकटमा छुट लुम्बिनी बौद्ध विश्वविद्यालयले १८ औं स्थापना दिवस सप्ताहव्यापी मनाउँदै देउवाका ६ मन्त्री पराजित आमनिर्वाचनमा राप्रपाको फड्को लुम्बिनी प्रदेशमा एमाले बन्यो ठूलो दल यी तीन उम्मेदवार, जसले अर्घाखाँचीमा सबैभन्दा कम मत प्राप्त गरे उत्तर कोरियाको लक्ष्य विश्वको बलियो आणविक शक्ति प्राप्त गर्नु होः किम जोङ उन चितवनमा गैंडा मृत्यु प्रकरणमा मुछिएका ठेकेदारलाई लुम्बिनीमा ३ अर्बको ठेक्का ! १५७ क्षेत्रको मतपरिणाम सार्वजनिक, कुन पार्टीले कति सिट जित्यो ? अमेरिकामा हुवावे र जेडटीइले उत्पादन गरेका दूरसञ्चार उपकरण विक्रीमा प्रतिबन्ध रेल्वे कम्पनीले कर्मचारी भर्ना खुलायो, चालकदेखि टेक्निसियनसम्म १० जना माग प्रत्यक्षतर्फ १५४ सिटको टुङ्गो लाग्दा यी ११ स्थानमा बाँकी गुल्मीमा धान उत्पादन घट्यो, करिब २८ हजार मेट्रिकटन उत्पादन तुराँग वहुप्राविधिक शिक्षालय विपन्न विद्यार्थीकाे सहारा