पपुवा न्युगिनीविरुद्ध युवा ब्याटर रोहितको शतक

काठमाडौं । नेपालका मध्यक्रमका ब्याटर रोहित कुमार पौडेलले पपुवा न्युगिनी (पीएनजी) विरुद्ध एकदिवसीय अन्तर्राष्ट्रिय क्रिकेटमा शतक प्रहार गरेका छन् । 

कीर्तिपुरस्थित त्रिवि क्रिकेट मैदानमा रोहितले ९१ बलमा ७ चौका र २ छक्का प्रहार गर्दै शतक पूरा गरेका हुन् । रोहितको यो पहिलो एकदिवसीय शतकसमेत हो । रोहित एकदिवसीय अन्तर्राष्ट्रिय क्रिकेटमा शतक प्रहार गर्ने दोस्रो नेपाली खेलाडी बने । 

यसअघि पारस खड्काले सन् २०१९ मा संयुक्त अरब इमिरेट्स (यूएई)विरुद्ध शतक प्रहार गरेका थिए ।  यसअघि एकदिवसीय खेलमा रोहितले पाँचौँ अर्धशतक पूरा गरेका थिए ।रोहितले नेपालबाट एक दिवसीय शृंखलामा सर्वाधिक अर्धशतकको कीर्तिमान रचेका हुन् ।

उनले यसअघि ज्ञानेन्द्र मल्लको नाममा रहेको चार अर्धशतकको कीर्तिमानसँग बराबरी गरेका थिए ।