१२ जेष्ठ २०७९, बिहीबार

May 26, 2022

बुटवल । बढ्दो कोरोना संक्रमण र महामारीबाट सुरक्षित रहन र बाँच्नका लागि सबै तह र क्षेत्रको साझा प्रयास आवश्यक रहेको सरोकारवालाले बताएका छन् । रिपोर्टर्स क्लब नेपाल लुम्बिनी प्रदेशले सोमबार आयोजना गरेको कोभिड र स्वास्थ्य क्षेत्रको अवस्था र आवश्यकता बारे बहस कार्यक्रममा बोल्ने वक्ताहरुले सो कुरा बताएका हुन् ।

Advertisement

कार्यक्रममा बोल्दै लुम्बिनी प्रदेशका स्वास्थ्य मन्त्री इन्द्रजीत थारुले संक्रमण रोकथाम र नियन्त्रणका लागि सरकार एक्लैले मात्रै नभई नागरिक, नागरिक समाज, प्रतिपक्ष दल, स्वास्थ्य संस्था, स्वास्थ्यकर्मी लगाएत सबैको साझा प्रयास आवश्यक रहेको बताए । उनले भने ‘हाल कोरोनाको नयाँ भेरियण्ट संक्रमण बढ्दो छ, यसको नियन्त्रणका लागि प्रदेश सरकारले विभिन्न तयारी गरेको छ । प्रदेशका विभिन्न अस्पतालहरुमा बेड र उपचार क्षमता बढाइएको छ । सबै सचेत र एक भई प्रयास गरेमा संक्रमण रोकथाम र यदि भइहाले पनि नियन्त्रण गर्न सहज हुन्छ ।’

कार्यक्रममा पूर्व स्वास्थ्यमन्त्री भोजप्रसाद श्रेष्ठले महामारी सम्बन्धी प्रदेश सरकार गम्भीर नभएको बताए । उनले प्रदेश सरकारले स्वास्थ्यकर्मी र स्वास्थ्य संस्थाहरुप्रति पूवाग्रह राखेको आरोप लगाए । ‘वर्तमान गठबन्धनको सरकार स्वास्थ्य क्षेत्र र महामारीप्रति गम्भिर नभएको देखिन्छ । विभिन्न बहानामा बजेट तथा सेवा सुविधा कटौटी गरिएको छ । त्यसैगरी महामारी रोकथाम र नियन्त्रणका लागि भएका पूर्वप्रयास र योजनाहरु कार्यान्वयनमा पनि ध्यान दिएको छैन । आफ्नो तर्फबाट नयाँ योजना र कार्यान्वयन पनि गरेको छैन ।” उनले भने पूर्व स्वास्थ्यमन्त्री श्रेष्ठले वर्तमान मन्त्री थारुप्रति लक्षित गर्दैे वर्तमान सरकारले आफूहरु, प्रतिपक्षसँग सहकार्य पनि नगरेको बताए । ‘मन्त्री बनेपछि उहाँसँग पहिलो पटक भेट भएको छ, म लगाएत हामी स्वास्थ्यको सवालमा सहकार्य गर्न तयार छौं तर, उहाँहरुले केहि भन्नु हुँदैन ।’ उनले भने ।

त्यसैगरी कार्यक्रममा मानव अधिकार तथा शान्ति समाजका केन्द्रिय अध्यक्ष गोविन्द खनालले पनि संक्रमण रोकथाम र नियन्त्रणमा सरकार र राजनीतिक दल गम्भीर नभएको बताए । उनले महामारी चलिरहेकै बेलामा राजनीतिक दलहरुले विभिन्न भीडभाड गर्दै आफ्ना गतिविधि सञ्चालन गर्दा संक्रमण फैलिन टेवा पुगेको बताउँदै संक्रमण नियन्त्रणमा सरकारले शसक्त कदम र योजना कार्यान्वयन नगरेको बताए । ‘कोरोना महामारीलाई राजनीतिक दलहरुले हेल्चेक्राँई गरे, महामारीकै बीच गैरजिम्मेवारीका साथ विभिन्न कार्यक्रमहरु गरे । अहिले संक्रमण तिव्र रुपमा फैलिएको छ तर, सरकारका तयारी भने सुस्त गतिमा छन् । सरकारले स्वास्थ्य क्षेत्र, नागरिक समाज लगाएत सबैसँग सहकार्य गरेर संक्रमण रोकथाम र नियन्त्रणमा अग्रसर बन्दै नागरिकको जीवन बचाउँनु पर्दछ ।

लुम्बिनी मेडिकल कलेजक पाल्पाका कार्यकारी अध्यक्ष गोपाल बहादुर पोख्रेलले सरकारले निजी क्षेत्रलाई उपेक्षा गरेको गुनासो गरे । उनले महामारीमा मुख्यतया स्वास्थ्य क्षेत्रको भूमिका रहेको बताउँदै सरकारले निजी क्षेत्रका स्वास्थ्य संस्थालाई गर्ने व्यवहार र दिने सेवा सुविधा कार्यान्वयनमा समस्या भएको बताए । उनले भने “ अघिपछि होस् वा संक्रमणमा स्वास्थ्य क्षेत्र सेवाका लागि तत्पर हुन्छन् । पहिलो र दोस्रो लहरमा निजी क्षेत्रले सक्दो प्रयास गर्दै आएका छन् र तेस्रो लहरमा पनि तयार छन् । तर, सरकारी नीति र कार्यान्वयनमा हुने समस्याले गर्दा निजी क्षेत्र धरासायी बन्दै गएका छन् । समयमा नै नसोँचे कैंयौं स्वास्थ्य संस्था बन्द हुने अवस्थामा छन् ।’

नेपाल जनस्वास्थ्यकर्मी संघकी केन्द्रिय सहकोषाध्यक्ष उमा थापाले स्वास्थ्यकर्मीहरुको मिहिनेत र समय अनुसार मूल्यांकन नभएको बताइन् । उनले भनिन् ‘ महामारी जस्तो जोखिमको समयमा पनि सबै त्यागेर अगाडि रहेर सेवा प्रदान गर्ने स्वास्थ्यकर्मीहरुलाई उनीहरुको उचित पारिश्रमिक नपाएको अवस्थामा छ । आफ्नो जिम्मेवारी निभाउँदै जे जस्तो अवस्थामा पनि स्वास्थ्यकर्मीहरुले सेवा दिँदै आएका छन् । तर, कैंयौैंले केहि पारीश्रमिक पनि समयमा नपाउने र केहिले लामो समय नपाउने समस्या रहँदै आएको छ । संक्रमणसँग लड्न स्वास्थ्यकर्मीहरुमा मनोवल जगाउने गरी व्यवहार र कार्यान्वयन गर्न आवश्यक छ ।

बहस कार्यक्रम रिपोटर्स क्लब लुम्बिनीका अध्यक्ष रामकुमार क्षेत्री र पत्रकार तेजेन्द्र केसीको सञ्चालनमा भएको थियो ।

प्रतिकृया दिनुहोस्

Flash News

ओलीले नीति तथा कार्यक्रममा लिम्पियाधुरा, लिपुलेक खोजेपछि प्रकाशमानले दिए जवाफ निर्वाचन शान्तिपूर्ण र धाँधलीरहित सम्पन्न भाे: झलनाथ शुक्रबारबाट क्यूएफएक्ससहित देशभरका हलमा ‘कबड्डी-४’ सत्तारुढ गठबन्धनले नेपालको स्वतन्त्र र असंलग्नता परराष्ट्र नीति परित्याग गरेको हो : रावल दश महिनामा एक अर्ब २१ करोडको फेसमास्क नेपाल भित्रियो इपीजी प्रतिवेदन बुझ्न प्रधानमन्त्री देउवालाई ओलीको आग्रह विद्यालय जाँदै गरेकी बालिकामाथि बलात्कार प्रयास वाइडबडी र सुनकाण्ड छानबिन गर्न सरकारलाई ओलीको चुनौती आगोले जलेकी विरामीलाई छाडेर फर्कियो बुद्ध एयर, चर्को आलोचनापछि प्रस्टीकरण हवाइजहाजको टिकट पाउन पनि शक्ति केन्द्रको भर ३५ हजार ३४ जनप्रतिनिधि निर्वाचित, कुन दलले कति जिते ? परराष्ट्र नीतिलाई असन्तुलित र सत्ता स्वार्थमा संकुचित गरिएकाे ओली आराेप एमाले सत्यसँग लड्दैन, शक्तिसँग झुक्दैन : ओली विश्वव्यापी मन्दी आउन सक्ने विश्व बैंकको चेतावनी सरकारको नीति तथा कार्यक्रम चास्नीमा नडुबाएको जेरी जस्तो : ओली त्रिवि शिक्षण अस्पतालमा एमबीबीएसमा भर्ना गरिदिन्छु भन्दै १७ लाख ठगी विदेश पठाई दिन्छु भनि २५ लाख ठगी गर्ने एक जना पक्राउ निर्वाचनमा प्रतिपक्षी दलमाथि सरकार निर्मम ढंगले प्रस्तुत भएको ओलीको आरोप अस्वस्थ भएपछि ओलीले प्रतिनिधिसभामा बसेरै गरे सम्बाेधन प्युठानमा साइकल दुर्घटना हुँदा एक जनाको मृत्यु