१२ जेष्ठ २०७९, बिहीबार

May 26, 2022

परासी । डिभिजन वन कार्यालय  पश्चिम नवलपरासीले सीमावर्ती क्षेत्रबाट ठूलो परिमाणमा प्रतिबन्धित जडीबुटी बरामद गरेको छ । कार्यालयले विशेष सुराकीको आधारमा जिल्लाको सरावल गाउँपालिका वडा नम्बर ७ स्थित भुजहवाँमा रहेको एक कबाड पसलबाट ठूलो मात्रामा प्रतिबन्धित सुनाखरी र झ्याउ जस्तो जडीबुटी  सोमबार बरामद गरेको हो ।

Advertisement

बरामद जडीबुीहरु भुजहवाँस्थित साई ट्रेडर्स नामक कबाड संकलन गर्ने स्थानमा (कबाड पसल) लुकाईछिपाई राखिएको थियो । विगतका समयदेखि यस कबाड पसलबाट यसरी झार जस्तो देखिने वस्तुहरु साइकल तथा रिक्सामा लोड गरी भारत छिराउने कार्य भइरहेको स्थानीयले देखेपछि यो विषयमा चर्चामा आएको थियो ।

उक्त जडीबुटी भारत तस्करी गर्ने उद्देश्यले कबाडी पसलले लुकाईछिपाई राखिएको अवस्थामा सुराकी पाएपछि डिभिजन वन कार्यालय, सशस्त्र प्रहरी बल बिओपी भुजहवाँ र जनपद प्रहरी चौकी भुजहवाँको सहयोगमा बरामद गरिएको डिभिजन वन कार्यालयका निमित्त प्रमुख डिभिजन वन अधिकृत डिलाराम पौडेलले जानकारी दिए । जडीबुटी बरामद हुने कबाड पसल दशगजाबाट १ सय मिटर मात्र दुरीमा छ । बरामद सुनाखरी २१ क्वीन्टल ८० किलोग्राम, झ्याउ ५१ क्वीन्टल ३० किलो ग्रामको रहेको निमित्त प्रमुख पौडेलले जानकारी दिए ।

यो जडीबुटी पहाडी जंगलहरुमा पाइने गर्दछ । यसलाई संकलन तथा ओसारपसार र विक्रीवितरण गर्न नेपाल सरकारले प्रतिबन्ध लगाएको छ । बरामद सुनाखरी प्रतिकिलो २०० का दरले ४ लाख ३६ हजार रुपैयाँ र झ्याउ प्रतिकिलो २५ रुपैयाका दरले १ लाख २८ हजार २५० रुपैयाँ गरी कुल ५ लाख ६४ हजार २५० रुपैया यसको बिगो रकम मुल्यांकन गरी अनुसन्धान प्रकृया अगाडी बढाइएको निमित्त प्रमुख पौडेलले जानकारी दिए ।

सुनाखरी रुघाखोकी, च्यावनपरास, जस्ता आयुर्वेदिक औषधीमा प्रयोग हुने र झ्याउबाट पाउडर बनाई घाउ निको पार्ने आयुर्वेदिक औषधी बनाइने डिभिजन बन कार्यालयले जनाएको छ । यो सुनाखरी तथा झ्याउ भारतमा निकै महंगोमा विक्री हुने हुँदा कबाडी व्यापारीहरु कबाडको आँडमा यसलाई भारतमा व्यापक तस्करी गर्दै आएकाले एक स्थानीय श्रोतको सुराकीले प्रतिबन्धित जडीबुडी बरामद गर्न सफल भएको कार्यालयले जनाएको छ ।

बरामदस्थल नजिकै एक घरमा बोरामा भरेर राखिएको ठूलो परिमाणका बस्तु सुनाखरी तथा झ्याउ हुन सक्ने शंकामा स्थानीय प्रशासनले उक्त ठाउँमा निगरानी बढाएको छ । सो वस्तुको निगरानी गर्न सशस्त्र तथा जनपद प्रहरी खटाएको छ । उक्त सामानको जाँच प्रताल  गर्ने र सुनाखरी तथा झ्याउ भए त्यस वस्तुहरुलाई बरामद गर्ने प्रशासनले जनाएको छ ।

यसरी कबाडको आँडमा जडीबुटीको कारोबार हुँदै आएको देखिएपछि प्रशासनले कबाड संकलन गर्ने ठाउँहरुमा निगरानी बढाएको छ । यति ठूलो मात्रामा जडीबुटी बरामद भएपछि स्थानीय अच्चममा परेका छन् । बरामद जडिबुटीहरु डिभिजन वन कार्यालयमा सुरक्षित गरिएको छ भने थप अनुसन्धान भइरहेको कार्यालयले जनाएको छ ।

प्रतिकृया दिनुहोस्

Flash News

६८ हजार बढी विद्यार्थीले लुम्बिनीबाट एसएलसी दिदैँ तिलोत्तमामा खाँण ८४५ मतले अगाडि, अब ३ हजार मत गन्न बाँकी ओलीले नीति तथा कार्यक्रममा लिम्पियाधुरा, लिपुलेक खोजेपछि प्रकाशमानले दिए जवाफ निर्वाचन शान्तिपूर्ण र धाँधलीरहित सम्पन्न भाे: झलनाथ शुक्रबारबाट क्यूएफएक्ससहित देशभरका हलमा ‘कबड्डी-४’ सत्तारुढ गठबन्धनले नेपालको स्वतन्त्र र असंलग्नता परराष्ट्र नीति परित्याग गरेको हो : रावल दश महिनामा एक अर्ब २१ करोडको फेसमास्क नेपाल भित्रियो इपीजी प्रतिवेदन बुझ्न प्रधानमन्त्री देउवालाई ओलीको आग्रह विद्यालय जाँदै गरेकी बालिकामाथि बलात्कार प्रयास वाइडबडी र सुनकाण्ड छानबिन गर्न सरकारलाई ओलीको चुनौती आगोले जलेकी विरामीलाई छाडेर फर्कियो बुद्ध एयर, चर्को आलोचनापछि प्रस्टीकरण हवाइजहाजको टिकट पाउन पनि शक्ति केन्द्रको भर ३५ हजार ३४ जनप्रतिनिधि निर्वाचित, कुन दलले कति जिते ? परराष्ट्र नीतिलाई असन्तुलित र सत्ता स्वार्थमा संकुचित गरिएकाे ओली आराेप एमाले सत्यसँग लड्दैन, शक्तिसँग झुक्दैन : ओली विश्वव्यापी मन्दी आउन सक्ने विश्व बैंकको चेतावनी सरकारको नीति तथा कार्यक्रम चास्नीमा नडुबाएको जेरी जस्तो : ओली त्रिवि शिक्षण अस्पतालमा एमबीबीएसमा भर्ना गरिदिन्छु भन्दै १७ लाख ठगी विदेश पठाई दिन्छु भनि २५ लाख ठगी गर्ने एक जना पक्राउ निर्वाचनमा प्रतिपक्षी दलमाथि सरकार निर्मम ढंगले प्रस्तुत भएको ओलीको आरोप