१३ माघ २०७८, बिहीबार

Jan 27, 2022

भैरहवा । बिभिन्न ११ बुँदे माग राख्दै आन्दोलन गर्दै आएको जनमत पार्टीले आज जिल्ला सदरमुकाम भैरहवामा प्रदर्शन गरेको छ ।
माग पुरा गर्न उच्च स्तरिय वार्ताटोली गठन गर्ने माग सहित अनिश्चितकालीन आन्दोलनमा होमिएको जनमतले भैरहवामा बिभिन्न कृषि सामाग्री सहित प्रदर्शन गरेको हो ।

Advertisement

“पैसा ले मल दे”, “कृषि मन्त्री राजीनामा दे”, “हाम्रो माग पुरा गर” लगायतका नारा सहित जनमतले अहिले पनि नगर परिक्रमा गरि रहेको छ । नगर परिक्रमा सहित आफ्नो माग बारे जिल्ला प्रशासन कार्यालय, रुपन्देही र जिल्ला प्रहरी कार्यालयमा ज्ञापन समेत बुझाउने कार्यक्रम रहेको जनमत पार्टीका जिल्ला अध्यक्ष राम बिष्णु सिंह लोधले बताए । जनमत पार्टीका केन्द्रिय सचिव भोपेन्द्र प्रसाद यादवका अनुसार किसानको माग सम्बोधन गर्न उच्चस्तरीय समिति गठन गर्नु पर्ने, समयमा मलखाद र बीउको व्यवस्थाको सुनिश्चितता गर्नु पर्ने, सिंचाईको व्यवस्था गर्नु पर्ने, नसके सिंचाई बिजुली निशुल्क गर्नु पर्ने, बेमौसमी हावाहुरी र वर्षाले भएको बालीनाली क्षति वापत राहत दिनु पर्ने लगायतका माग राख्दै लामो समय देखी आन्दोलन गर्दै आए पनि कुनै सुनुवाई नभएको बताए ।

यस्तै बालीको उचित समर्थन मूल्य निर्धारण गर्नु पर्ने, उखु किसानको बाँकी बक्यौता रकम भुक्तानी गर्नु पर्ने, किसान कार्डको व्यवस्था गर्नु पर्ने किसान कार्ड देखाएर सीमानाकाको बजारबाट मलखाद, बीउ स्कृषि औजार सहितका सामान ल्याउन पाइने सुविधा दिनु पर्ने, किसानको लागि पनि पेन्सनको व्यवस्था गर्नु पर्ने, स्वतः बालीनाली वीमा हुने सुनिश्चितता गर्नु पर्ने, किसान माथि दमन बन्द गरी झुठा मुद्दा खारेज गरिनु पर्ने र गिरफ्तार आन्दोलनकारीलाई निःशर्त रिहा गरी मुद्दा खारेज गरिनु पर्ने जनमत पार्टीले माग अगाडी सारेको छ । यी मागहरु पुरा नगरे अनिश्चितकालीन आन्दोलन जारी रहने यादवले जनाए ।

भैरहवाको बुद्धचोकबाट सुरु भएको जनमत पार्टीको ¥याली देवकोटाचोक, बैंकरोड, हुदै जिल्ला प्रहरी कार्यालय पुगेको र त्यहाँबाट जिल्ला प्रशासन कार्यालय हुदै मिलनचोक, गल्लामण्डी, हनुमान मन्दिर हुदै पुनः बुद्धचोकमा पुग्ने जनमत पार्टीका जिल्ला अध्यक्ष राम बिष्णु सिंह लोधले बताए ।

प्रतिकृया दिनुहोस्

Flash News

क्रिकेट खेलाडीको बर्गीकरण : सन्दीपसहित पाँच जना ग्रेड ए मा,रुपन्देहीका भुर्तेल ग्रेड बी मा प्रदेश एकमा अन्तर्घात गर्नेहरुलाई एमालेले कारबाही गर्ने अछामको जनसंख्या साढे २८ हजारले घट्यो अनुमतिबिना सार्वजनिक स्थलमा फोटो,भिडियो खिच्न नपाइने तिनाउमा मृत भेटिएकी महिला सैनामैनाकी जित कुमारी घरेलु मैदानमा आर्मीलाई हराउँदै मनाङ फाइनलमा चिकित्सा शिक्षा आयोगका उपाध्यक्ष डा. गिरीमाथि ढुंगा प्रहार बुटवलको कालिकापथ वाइपास सडक : आधा अवधि सकिँदा २० प्रतिशत प्रगति तिलोत्तमाको डिङ्गरनगर र हरिहरपुरलाई जोड्न तिनाउ नदीमा पुल नेपालमा तीन करोड डोज खोप लगाइयो दिल्लीमा सप्ताहन्तको कर्फ्यू र जोरबिजोर व्यवस्था हट्यो थप ८ हजार १७ जनामा कोरोना संक्रमण, १५ जनाको मृत्यु कोरोना संक्रमणबाट मृत्यु हुनेको संख्या तीन पुग्यो काेराेना न्यूनीकरणका लागि जुम्लामा एकीकृत हेल्प डेस्क स्थापना स्थानीय तहको निर्वाचन : आयोग पदाधिकारीपछि कांग्रेसमा छलफल गर्दै प्रधानमन्त्री देउवा मन्त्री रेणु यादवविरुद्ध कारबाही गर्न कांग्रेस नेताको उजुरी सेजमा ‘शक्ति’ प्रर्दशन, कानून पालना गर्न नसके पछि मुद्दा लासमा पनि दलालको नङ्ग्राः एउटै मृतकको १० लाख झ्याम् विपद्का विभिन्न घटनामा परी २४ घण्टामा दुई जनाको मृत्यु, १० जना घाइते मृतकका परिवारलाई साढे चार लाख बीमा रकम