मदिरा सेवन गरेर झगडा गर्दा घाइते भएका नवलपरासीका युवकको भैरहवामा मृत्यु

परासी । मदिरा सेवन गरेर झगडा हुँदा घाइते भएका एक युवकको मृत्यु भएको छ । मदिरा सेवन गरेर होहल्ला गर्नेक्रममा नवलपारसीको बर्दघाट संसारकोट र सुखौराका युवाहरु बीच झगडा हुँदा दाउराले टाउकोमा हानेर गम्भिर घाइते भएका बर्दघाटका–२ को पहाडीक्षेत्र सुखौराका २६ बर्षिय सूर्य बहादुर थापाको उपचारका क्रममा मृत्यु भएको बताइएको छ ।

पौष १६ गते राति भएको झगडामा घाइते भएका थापाको मेडिकल कलेज भैरहवामा उपचारकै क्रममा आज मृत्यु भएको बताइएको छ ।
यता सूर्य बहादुर थापाको मृत्यु भएपछि अहिले बर्दघट ईलाका प्रहरी कार्यालयले अनुसन्धानका लागि भन्दै १५ जनालाई आफ्नो नियन्त्रणमा लिएको वडासदस्य सोमइले बताएका छन्।