१३ माघ २०७८, बिहीबार

Jan 27, 2022

कोभिड महामारीका कारण रोकिएका गतिविधि सञ्चालन भएसँगै गति पनि लिन थालेका छन् । सन् २०१९ को अन्त्यबाट देखिएको कोरोना भाइरस संक्रमण र फैलिएको महामारीका कारण लामो लकडाउन भयो । जसका कारण सम्पूर्ण आर्थिक तथा समाजिक गतिविधिहरु ठप्प भए । विभिन्न भेरियण्ट थपिँदै गएपछि लकडाउन र गतिविधि निकै प्रभावित बन्यो । विशेषगरी आर्थिक क्षेत्र ठप्प प्रायः भयो । स्वास्थ्य,सुरक्षा तथा अति संवेदनशील क्षेत्र बाहेकका आर्थिक गतिविधि रोकिए ।

Advertisement

करिब एक वर्ष पूर्ण ठप्प र अनियमित बन्दका कारण २ वर्ष प्रभावित बनेका व्यापार, व्यवसाय, उद्योग, मनोरञ्जन, खेल लगाएतका क्षेत्र केहि महिनादेखि पुनःसूचारु भएका छन् । तर, कोभिड १९ ले भने सन् २१ को अन्त्यमा पनि छोडेको छैन । अर्थात् पुनः नयाँ भेरियण्ट ओमिक्रोन देखिएपछि भर्खरै पुनः सञ्चालनमा आएका आर्थिक क्षेत्रमा एक किसिमको शंका र त्रास देखिएको छ । लामो संक्रमण र आर्थिक संकट झेल्दै पुनः सञ्चालनमा आएका आर्थिक गतिविधि तथा क्षेत्र ओमिकोक्रन देखिएपछि झस्किएपनि निरन्तरता भने छ ।

कोभिड–१९ को संक्रमण त्यसको असरसँगै विस्तारै खोप लगाएर कोभिड विरुद्ध लड्न सरकारले खोपलाई निरन्तरता दिएको छ । सरकारी तथ्यांक अनुसार हालसम्म करिब ४० प्रतिशत जनताले पूर्ण खोप लगाएका छन् । शारीरिक संवेदनशीलतालाई मध्यनजर गर्दै वृद्धवृद्धाबाट सुरु गरिएको खोप बालबालिकासम्म पुग्न थालेको छ । हालै बालबालिकाका लागि विद्यालयमा खोप कार्यक्रम सञ्चालन भइरहेको छ । एकातर्फ खोप लगाउने क्रम जारी छ भने अर्कोतर्फ बुस्टर खोप आवश्यक छ । त्यसैगरी अर्कोतर्फ उक्त खोपले प्रभाव नगर्ने नयाँ भेरियण्टहरु पनि देखिने क्रास छ । यद्यपी मानवीय क्रियाकलाप र आर्थिक गतिविधि भने जारी राख्नुपर्ने बाध्यता र आवश्यकता छ ।

महामारी र लामो लकडाउनका कारण ठप्प प्रायः रहेका विभिन्न आर्थिक क्षेत्र तथा गतिविधि पुनःसञ्चालनमा आयसँगै गतिलिन थालेका छन् । तर, संक्रमणको जोखिम भने कायमै छ । यस्तो अवस्थामा जारी र सम्भावित जोखिमविरुद्ध व्यवहारिक तथा स्वास्थ्य सतर्कता अप्नाउँदै निरन्तरता दिनु अहिलेको आवश्यकता र निर्विकल्प उपाय हो ।

हाल नेपालमा सबै क्षेत्र खुलिसकेका छन् । पुनः सञ्चालनमा आएका छन् । भीडका कारण अत्यधिक जोखिम र संवेदनशील क्षेत्र मानिने शैक्षिक संस्था,चलचित्र घर,सार्वजनिक समारोह लगाएत विभिन्न दलका महाधिवेशन पनि जारी छन् । केहि सयौं, हजारौं, लाखौं मानिसका भीडहरुसहितका कार्यक्रम, समारोह, महाधिवेशन सम्पन्न भइसेका छन् भने केहि जारी छन् । नेपालमा मात्रै नई विश्व इतिहासमै खतरा र विनाशकारी मानिएको कोभिडको संक्रमण र जोखिम भने निरन्तर छ । तर, पनि नेपालमा चाँडैनै भीडभाडका गतिविधिहरु सुरु भए।

यस्तै हाल विभिन्न मेला महोत्वसव पनि जारी छन् । केहि सम्पन्न भएका छन् भने केहि हुने क्रममा पनि छन् । उता ओमिक्रोम पनि नेपालमा भित्रिएको त्रास छ । यद्यपी आथि गतिविधिलाई निरन्तरता दिनुपर्ने छ । संक्रमण र संक्रमणको प्रकृति फेरिँदै जादा सोही अनुसारको सावधानी, सर्तकता र शैली पनि अपनाउनु पर्ने हुन्छ । पहिलेदेखि हुने मेला, महोत्सव, प्रदर्शनी २ वर्ष भएनन् । जसले गर्दा केहि आर्थिक गतिविधिमा शिथिलता आयो । पुनः सूचारु हुन लागेका मेला महोत्सवले आर्थिक चलायमानसँगै गतिशिलता पनि लिने देखिन्छ । तर, यसरी आयोजना हुने मेला महोत्सवले स्वास्थ्य सतर्कता र सावधानी भने अपनाउनु पर्दछ ।

केवल आयोजना र सम्पन्न गर्नका लागि मात्रै नभई आयोजित मेला, महोत्सवले कोभिड महामारी पश्चात्को वा जारी आर्थिक संकटमा टुवा पुर्याउनुपर्ने हुन्छ । उठ्दै गरेका व्यवसायलाई प्रोत्साहन गर्ने,थला परेकालाई उठाउने, चलेकालाई प्रवद्र्धन गर्ने जस्तो विषय र नतीजामा जोड दिनुपर्ने हुन्छ । उद्योग, व्यापार, व्यवसायी र उपभोक्तालाई जोड्ने आर्थिक क्रियाकलापले राज्यको आर्थिक अवस्थामा सुधार र वृद्धि गर्नेमा पनि ठूलो टेवा पुग्दछ । अर्कोतर्फ उद्योगी, व्यापारी, व्यवसायी र ग्राहकलाई जोड्ने आर्थिक क्रियाकलापले अहिले निकै महत्व राख्दछ । तसर्थ मेला।महोत्सव,प्रदर्शनीलाई उच्च सतर्कताका साथ प्रभावकारी, आयमुखी बनाउन सरोकारवाला लागेर निरन्तर खटिनु पर्ने समय रहेको छ ।

कोभिड महामारी र जोखिम कायमै रहेपनि सञ्चालनमा आएका सबै आर्थिक क्षेत्र,गतिविधिलाई भने निरन्तरता दिँदै अगाडि बढ्न आवश्यक छ । तर,संक्रमणको मन्द उपस्थिति र जोखिमलाई नजरअन्दाज गर्नु भने मूर्खता तथा गम्भिर भूल बन्न सक्दछ । मानवीय जीवनयापनसँगै आर्थिक तथा सामाजिक क्रियाकलापलाई भने निरन्तरता दिइरहँदा स्वास्थ्य सतर्कता र सावधानी पनि अपनाउनु पर्दछ । एकातर्फ स्वास्थ्यनै धन हो,बाँच्नु पर्दछ जीवन अमूल्य हुन्छ भन्ने सिद्धान्त र अर्कोतर्फ धन बाँच्ने आधार र अत्यावश्यक भएको यथार्थका बीच दुबैलाई प्राथमिकता र महत्व दिनुपर्ने अवस्था छ । तसर्थ स्वास्थ्य, जीवनलाई सुरक्षित बनाउँदै आर्थिक तथा जिविकोपार्जनका गतिविधिलाई निरन्तरता दिऔं ।

प्रतिकृया दिनुहोस्

Flash News

अनुमतिबिना सार्वजनिक स्थलमा फोटो,भिडियो खिच्न नपाइने तिनाउमा मृत भेटिएकी महिला सैनामैनाकी जित कुमारी घरेलु मैदानमा आर्मीलाई हराउँदै मनाङ फाइनलमा चिकित्सा शिक्षा आयोगका उपाध्यक्ष डा. गिरीमाथि ढुंगा प्रहार बुटवलको कालिकापथ वाइपास सडक : आधा अवधि सकिँदा २० प्रतिशत प्रगति तिलोत्तमाको डिङ्गरनगर र हरिहरपुरलाई जोड्न तिनाउ नदीमा पुल नेपालमा तीन करोड डोज खोप लगाइयो दिल्लीमा सप्ताहन्तको कर्फ्यू र जोरबिजोर व्यवस्था हट्यो थप ८ हजार १७ जनामा कोरोना संक्रमण, १५ जनाको मृत्यु कोरोना संक्रमणबाट मृत्यु हुनेको संख्या तीन पुग्यो काेराेना न्यूनीकरणका लागि जुम्लामा एकीकृत हेल्प डेस्क स्थापना स्थानीय तहको निर्वाचन : आयोग पदाधिकारीपछि कांग्रेसमा छलफल गर्दै प्रधानमन्त्री देउवा मन्त्री रेणु यादवविरुद्ध कारबाही गर्न कांग्रेस नेताको उजुरी सेजमा ‘शक्ति’ प्रर्दशन, कानून पालना गर्न नसके पछि मुद्दा लासमा पनि दलालको नङ्ग्राः एउटै मृतकको १० लाख झ्याम् विपद्का विभिन्न घटनामा परी २४ घण्टामा दुई जनाको मृत्यु, १० जना घाइते मृतकका परिवारलाई साढे चार लाख बीमा रकम जिप दुर्घटनामा दुई जनाको मृत्यु, एक घाइते कोभिड खोप नलगाएको भन्दै अस्पतालद्वारा विरामीको मुटु प्रत्यारोपण गर्न अस्वीकार जोर-विजोर प्रणालीले झन् सास्ती