९ आश्विन २०७९, आईतवार

Sep 25, 2022

रुपन्देहीको तिलोत्तमामा जारी तेस्रो संस्करण अन्तरगतको सर्वोत्तम तिलोत्तमा प्रिमियर लिग क्रिकेट प्रतियोगिताले स्थानीय खेलाडीहरुलाई हौसला प्रदान गरेको छ । स्थानीय खेलाडीलाई उत्थान गर्नेगरी आयोजना गरिएको उक्त प्रतियोगितामा राष्ट्रिय तथा अन्तराष्ट्रिय खेल खेलीसकेका नेपाली राष्ट्रिय क्रिकेट टोलीका खेलाडीहरुको समेत सहभागिताले थप नयाँ पिढीलाई थप उर्जा मिलेको छ । वर्षमा एक दुई पटक आयोजना गरिने यस्ता खालका प्रतियोगिताले मात्रै नयाँ खेलाडी उत्पादन गर्न प्रयाप्त नभएपनि केही मात्रामा सहयोग भने हुन सक्ने सरोकारवालाहरु बताउछन् । प्रतियोगितामा लुम्बिनी शाक्यान्बाट खेलीरहेका नेपाली राष्ट्रिय क्रिकेट टोलीका महत्वपूर्ण खेलाडी सरद भेषवाकर पनि सहभागि भएका छन् । तिलोत्तमामा जारी टिपिएल प्रतियोगिता, यस क्षेत्रमा क्रिकेटको सम्भावना तथा राष्ट्रिय क्रिकेट टोलीका बारेमा ग्लोबल आवाजका लागि डि.बी.सुस्लिङले क्रिकेट खेलाडी सरद भेषवाकरसँग गरेको कुराकानी :

Advertisement

टिपिएल प्रतियोगितामा सहभागि भइरहँदा नयाँ केही अनुभव गर्नुभयो ?
–सधै क्रिकेटमै व्यवस्त रहने हाम्रा लागि नयाँ कुराको अनुभव भन्दा बढी यो प्रतियोगिताले नयाँ खेलाडी पहिचान गर्नका लागि सहयोग गरेको छ । स्थानीय स्तरमा रहेका नयाँ प्रतिभाहरुलाई चिन्ने र उनीहरुको क्षमता वृद्धिका लागि टिपिएलले भूमिका खेल्न सक्छ । यस प्रतियोगितामा १ सय ५० जना खेलाडीहरु सहभागि हुनुभएको छ । पक्कै पनि यस मध्यबाट नयाँ प्रतिभाहरु छनोट गरेर अगाडी लैजानका लागि हामीलाई पनि सजिलो हुन्छ ।

यस क्षेत्रको क्रिकेट विकासका लागि यो प्रतियोगिताको भूमिका कत्तिको देख्नुभएको छ ?
–एउटा खेल खेलाएर मात्रै क्रिकेटको विकास सम्भव हुने होइन । सफल र सक्षम खेलाडी उत्पादनका लागि निरन्तरको अभ्यास, प्रयाप्त मात्रामा प्रतियोगिताहरु भइनै राख्नुपर्छ । केही हदसम्म यो प्रतियोगिताले क्रिकेट विकासमा सहयोग गरे पनि प्रयाप्त होइन ।

यहाँको खेलकूद मैदान तथा अन्य भौतिक संरचनाहरु क्रिकेटका लागि प्रयाप्त छन् ?
–यो एउटा सानो प्रयास मात्रै हो, एकै पटक सबै कुरा सम्भव पनि हुँदैन । विस्तारै मैदानको स्तर बढाउँदै लैजानुपर्यो । प्राय अन्र्तराष्ट्रिय स्तरका प्रतियोगिताहरु पिजमा खेलाईने हुँदा यहाँ पनि सधै म्याटमा खेलाएर भएन पिचको व्यवस्था हुन जरुरी छ । मैदानलाई थप फराकीलो, दर्शकका लागि प्रयाप्त स्पेस भएको बनाउन सके राम्रो हुन्छ ।

राष्ट्रिय क्रिकेटको कुरा गर्दा, कप्तान पारस खड्काले राजीनामा दिनुको कारण र यसबाट पर्ने प्रभाव बारे के भन्नु हुन्छ ?
–उहाले के सोचेर राजीनामा दिनुभयो व्यक्तिगत कुरातर्फ नजाउँ । अर्को विषय उहाँले राजीनामा दिएपछि क्रिकेट विकासमा त्यस्तो ठुलो असर पर्छ जस्तो मलाई लाग्दैन । क्रिकेट खेल एउटा टिम वर्क हो । एक्लैले गरेर केही पनि हुने होइन, टिम वर्कमा हामी साथमै छौं ।

अबको कप्तान को होला ? तपाईलाई अफर आयो भने तयार हुनुहुन्छ ?
– यो मैले निर्णय गर्ने कुरा होइन, अहिल्यइ यो बन्छ भनेर भन्न सक्ने अवस्था पनि छैन । यी सबै कुराहरुको निर्णय गर्ने अधिकार बोर्डलाई भएको हुनाले मैले धेरै बोल्नु ठिक पनि हुँदैन । मेरो नाममा कप्तानको जिम्मेवारी आउन सक्ने नसक्ने बोर्डको निर्णय हो । जो कोही पनि हुन सक्ला अहिल्यइ दाबी गर्ने बेला आएको छैन । रह्यो कुरा कप्तानी गर्न सक्ने र नसक्ने भन्ने विषयमा आवश्यक परेको अवस्थामा त्यसका लागि म पनि सक्षम छु । एक व्यक्ति, कप्तानले मात्रै सबै कुरा हुने होइन टिम वर्कको कुरा हो, सफल कप्तान हुन समग्र टिमको प्रयास हुन जरुरी पर्छ ।

नेपाल क्रिकेट वोर्ड (क्यान) निलम्बन फुकुवा भएको छ, अब क्रिकेट विकासको कसरी बढ्ला ?
–क्यान फुकुवामा परेपछि क्रिकेट विकासका लागि विभिन्न क्षेत्रबाट आउने सहयोग तथा लगानीको वृद्धि हुन्छ । लगानी आकार वृद्धि भएसँगै क्रिकेको विकासमा पनि थुप्रै सम्भावनाहरु खुल्ने छन् । ठुला–ठुला प्रतियोगिताहरुको आयोजना हुनुका साथै क्रिकेटका लागि भौतिक संरचनाहरु सुधानमा समेत महत्पूर्ण फाइदाहरु लिन सकिन्छ ।

प्रतिकृया दिनुहोस्

Flash News

‘प्रेम गीत-३’ हिन्दी भर्सन सोमबारदेखि क्यूएफएक्ससहित देशभरका हलमा प्रदर्शन हुने बुटवलको देविनगरस्थित नवदुर्गा मन्दिरमा भागवत महापुराण महायज्ञ हुने खोलामा डुबेर एक बालकको मृत्यु चाडपर्वमा महङ्गी र कालोबजारी, अनुगमन गर्न माग चोरी आरोपमा वडासदस्य पक्राउ माइल्स इन्टरनेशनल कन्सल्टेन्सीको दाङमा पहिलो सेमिनार, डेढ सय बढी सहभागी मोबाइलको लतले पढाइमा विद्यार्थीको रुची घट्दै, शिक्षक र अभिभावक चिन्तामा आयोगलाई आचारसंहिता व्यवहारिक बनाउन दलहरूको सुझाव उत्साहित भएर नगरबासीकाे सेवा प्रवाह लाग्न कर्मचारीलाई नगर प्रमुख पाण्डेयको आग्रह रुपन्देहीमा ६ लाख ३२ हजार मतदाता, कुन निर्वाचन क्षेत्रमा कति ? व्याकुल माइलालाई अब सरकारले प्रत्येक महिना ५० हजार भत्ता दिने भारतबाट दुई महिनामा ४१ अर्बभन्दा बढीको डिजेल, पेट्रोल र ग्यास नेपाल भित्रियो माओवादी केन्द्र धनकुटाद्वारा सामुहिक राजीनामा रुपन्देहीको देवदह नगरपालिकाले ८२ फुट भित्रका ठेला र अबैध संरचना हटाउने यस्तो छ रुपन्देही प्रहरीको चाडपर्व लक्षित सुरक्षा योजना दुई महिनामा १२१ बढी देशसँग वैदेशिक व्यापारः ११६ देशसँग घाटामा गाविस सविचसहित दुई जनाविरुद्ध भ्रष्टाचार मुद्दा पशुपालनमा केन्द्रित हुँदै दाङका किसान चोयाका पोशाक लगाउने भरीबहादुर भैरहवा अन्तर्राष्ट्रिय विमानस्थल टर्मिनल भवन व्यवस्थापनमा आवेदन परेन