२१ आश्विन २०७९, शुक्रबार

Oct 7, 2022

गुल्मी । कोभिड-१९ को ओमिक्रोन भेरियन्टका कारण फेरि संकट सुरु भएको छ । थुप्रै देशमा लकडाउन र संकटकाल भइरहेका छन् । छिमेकी देश भारतमा समेत ओमिक्रोन फेला परेका समाचार आइरहेका छन् ।

Advertisement

गुल्मीमा अहिलेसम्म १८ वर्ष माथिका ४४ प्रतिशत नागरिकले कोभिड–१९ विरुद्धको खोप लगाएका छन् । १८ वर्ष माथिका एक लाख ४२ हजार चार सय ३० मध्ये ९३ प्रतिशत अर्थात् एक लाख ३२ हजार एक सय एक जनाले कोभिड–१९ विरुद्धको पहिलो डोज लगाएको स्वास्थ्य कार्यालय गुल्मीका निमित्त प्रमुख पशुपति आचार्यले जानकारी दिए । भने ६२ हजार चार सय दुई जनाले दोस्रा डोज लगाएका छन् ।

जिल्ला बाहिर र परदेशमा समेत भएकाहरूले सम्बन्धित ठाउँमै पनि खोप लगाएकाले दुवै डोज ९० प्रतिशतभन्दा माथि लगाए कोही नछुट्ने आचार्यले बताए । ‘प्रभावकारी रूपमा प्रचार-प्रसार र अभियान सञ्चालन गरेकाले छुट्ने सम्भावना कम छ । केही बाहिर भएकाले सबै तथ्यांक आउँदैन,’उनले भने,‘दुवै डोज ९० प्रतिशत पुगे कोही छुट्दैनन् ।’

जिल्लामा कोभिड–१९ को संक्रमण कायम रहेको छ । अहिले पनि कोभिड–१९ का सक्रिय संक्रमित दुई सय ४८ जना रहेका छन् । नेता र नेतृत्व तहबाट जोखिमलाई बेवास्ता गरिएको छ । 

लाखौको उपस्थितिमा भेला, महोत्सव र उत्सव सुरु भएका छन् । नागरिकलाई पनि कुनै मतलब छैन । नेपालमा जोखिमको पूर्व तयारीमा पनि छैन । जसका कारण नयाँ भेरियण्ट नेपाल भित्रने निश्चित छ ।

गुल्मीका प्रमुख जिल्ला अधिकारी पुण्यविक्रम पौडेलले आफू जिल्ला आएपछि करिब ८० हजार खोप मगाएर पहिलो डोज लगाइएको बताए । उनले पहिले निकै कम खोप आएकाले दुवै डोज लगाउनेको प्रतिशत कम रहेको बताए । 

‘८० हजार खोप सानो उपलब्धि होइन । सवैसम्म खोप पुराउन प्रचार–प्रसार र अभियानको ठाउँ–ठाउँमा अनुगमन पनि गरेका छौ,’उनले भने,‘पहिलो डोज पाएपछि दोस्रो पक्कै आउने भएकाले नयाँ संक्रमण लाई ख्याल गरेर खोप लगाऊँ ।’

प्रतिकृया दिनुहोस्

Flash News

निरन्तर वर्षा, बाढी र पहिरो : सतर्क बनौं, सुरक्षित हौं फिफा वरीयतामा नेपालको सुधार गाउँघरमा सुनिन छाड्यो नगराको धुन भेरी नदीमा खतराको तह पार उम्मेदवारी दर्ता गराउनु पर्ने भन्दै कांग्रेसको चियापान स्थगित झाडापखाला, हैंजा र डेंगुबाट बच्न आग्रह नारायणी नदीको बाढी सुस्ता बस्तीमा पस्न सुरु नेपाल प्रहरीका असई भारतीय भूमिमा मृत फेला बारा बस दुर्घटनाः मृतकको संख्या १८ पुग्यो, सबैको सनाखत दशैं मनाउन बुटवल लगाएतबाट गएका गाउँमै रोकिए वर्षाले दाङमा घर भत्कियो अब चन्द्रमामा बिरुवा उब्जनी गर्ने बुटवल-पाल्पा सडक अवरुद्ध, पुर्व-पश्चिम राजमार्ग विद्युत पोल ढलेर रोकियो काठमाडौंको चन्द्रागिरिमा पहिरो : एकै परिवारका तीनजनाको मृत्यु आज पनि लुम्बिनीसहित चार प्रदेशमा भारी वर्षा अम्बानी परिवारलाई मार्ने धम्की दिने व्यक्ति पक्राउ राप्तीको बाढीले तीन सयभन्दा बढी घर डुबायो अक्षर चिन्दै आमाहरु, अब कसैको सहारा लिनु पर्दैैन १६ जनाको मृत्यु , ३३ घाइते भएको बारा बस दुर्घटना: बसको ब्रेक फेल भएपछि चालक हाम फालेका थिए बलात्कार आरोपी प्रहरी निरीक्षकलाई छुटाउन भरत शाहसहित कांग्रेस नेता सक्रिय