१८ आश्विन २०७९, मंगलवार

Oct 4, 2022

तनहुँ । नेपाली कांग्रेसको १४औँ महाधिवेशनअन्तर्गत तनहुँमा भएको जिल्ला अधिवेशनले कार्यकारी पदको टुंगो लगाइसकेको छ । शनिबार मतदान भएर आइतबार राति कार्यकारी पदमा मतगणना सकिएको हो । सदस्य पदमा अझै पनि मतगणना जारी छ । 

Advertisement

कार्यकारी पदमा भएको निर्वाचनमा जिल्लाका तीन जना मेयरले पराजय भोग्नुपरेको छ । २०७४ वैशाखमा भएको स्थानीय तहको निर्वाचनमा जनताको लोकप्रिय मत पाएर विपक्षी पार्टीका उम्मेद्वारलाई चुनावी मैदानमा पर्छादै मेयर बनेकाहरू पार्टीको आन्तरिक निर्वाचनमा भने असफल भएका छन् ।  जनप्रतिनिधि झनै लोकप्रिय हुनुपर्नेमा आफ्नै कार्यकर्ताको मन जित्न नसकेर पार्टीको आन्तरिक निर्वाचनमा पराजित भएपछि चर्चामा छन् उनीहरू ।

स्थानीय तहको निर्वाचनमा जिल्लाका चारमध्ये तीन नगरपालिकामा नेपाली कांग्रेसको उम्मेद्वार भई विजेता बन्दै व्यास नगरपालिकामा वैकुण्ठ न्यौपाने, शुक्लागण्डकीमा किसान गुरुङ र भानुमा उदयराज गौली मेयर बन्न सफल भएका थिए। यी तीनै जना मेयर कांग्रेस तनहुँको नेतृत्व हाँक्न कार्यकर्ताबाट अयोग्य ठहरिएका छन् । 

कांग्रेस तनहुँको सभापतिमा पुनः जित हासिल गर्दै दोस्रो कार्यकाल दोहोर्‍याउने वैकुण्ठको दाउमा जितप्रकाश आले बाधक भए । आलेले नाै सय ५१ मत पाएर निर्वाचित भए । न्यौपानेले सात सय ८३ मत ल्याए । आले र न्यौपानेबीचको मतान्तर एक सय ६८ रहेको छ । जिल्ला अधिवेशनमा एक हजार सात सय ८१ मत खसेको थियो । 

उपसभापतिमा शुक्लागण्डकीका मेयर गुरुङ र भानुका मेयर गौली पराजित भएका हुन् । उपसभापतिमा ऋषिङ गाउँपालिकाका अध्यक्ष राजेन्द्रकृष्ण श्रेष्ठ र नेपाल उद्योग वाणिज्य महासंघका केन्द्रीय सदस्य देवकुमार श्रेष्ठ निर्वाचित भए । श्रेष्ठद्वयले क्रमश: नाै सय सात र आठ सय ७६ मत पाएका छन् । पराजित उम्मेद्वार गुरुङले आठ सय ६६ र गौलीले सात सय २१ मत प्राप्त गरेका थिए । गुरुङले १० मत कम ल्याउँदा जिल्ला कमिटीबाट बाहिर हुनुपर्‍यो ।

तीनै जना मेयर वरिष्ठ नेता रामचन्द्र पौडेल प्यानलका उम्मेद्वार थिए । पौडेल समूहलाई केन्द्रीय सदस्य प्रदीप पौडेल समूहको पनि समर्थन थियो । न्यौपाने र गौली रामचन्द्र निकट, गुरुङ प्रदीप निकटका हुन् ।

जिल्ला अधिवेशनमा कार्यकारी पदमा एक जना बाहेक सबै संस्थापन समूहका उम्मेद्वार विजयी भएका छन् । पौडेलको प्यानलबाट उम्मेद्वारी दिएका मिलन आले भने पपुलर मत ल्याएर सहसचिव पदमा विजयी भएका छन् । 

प्रतिकृया दिनुहोस्

Flash News

दाङमा पौडि खेल्ने क्रममा डुबेर दुई बालकको मृत्यु दशैंमा किन घुम्ने कर्णाली ? जित सुनिश्चित नदेखेपछि प्रचण्ड चितवन छाडेर गोरखा जाने ! जेलमा भएको दङ्गामा कम्तीमा पन्ध्रको मृत्यु जुवाको खालबाट वडाध्यक्ष सहित १९ जना पक्राउ बेपत्ता भएको ३८ दिनपछि वडा सदस्यको शव भेटियो कोरोना महामारीपछि पर्यटन क्षेत्रमा सुधार लुम्बिनीको बर्दियामा भ्यानको ठक्करबाट युवतीको मृत्यु दशैंमा धामीझाँक्रीद्वारा ब्रहमलुट, स्थानीय प्रशासन मौन प्रत्यक्षतर्फको उम्मेदवारी दर्ता २३ असोजमा घाँटीमा मासुको हड्डी अड्किएर ४५ वर्षीय पुरुषको मृत्यु पाल्पामा पञ्चबली लिएर मन्दिर हिँडेको जिप दुर्घटना : ४ जना घाइते, २ को अवस्था गम्भिर एसियन प्रोफेसनल अचिभमेन्ट अवार्ड दुवईमा सम्पन्न सिट बाँडफाट टुंगो लगाउन बैठक ३ बजे बस्ने दशैंमा रुकुमका बादी बस्तीलाई छैन कुनै रौनक दशैमा यसरी बनाउनुहोस मटन ग्रेभी, चिकेन रोस्ट र पनिर ग्रेभी खोला किनारमा गाडी राखेर नुहाउन गएका बाबुछोरा बेपत्ता न्यून आय भएका परिवारका लागि सरकारले दुई हजार घर निर्माण गर्ने उत्तर कोरियाद्वारा जापानतर्फ ब्यालेस्टिक क्षेप्यास्त्र प्रहार पत्रकार उपचार कोषमा ६० लाख, करोड लक्ष्य