बुटवल । नेपाल पत्रकार महासंघ लुम्बिनीका अध्यक्ष बसन्त गिरी माओवादी केन्द्र बुद्वभूमि नगर कमिटी कपिलवस्तुको अध्यक्ष भएका छन् । यही मंसिर ५ गते पत्रकार महासंघका महासचिव रोशन पुरीले महासंघको जिम्मेवारीमा रहेका कोही पनि दलीय जिम्मेवारीमा नरहन निर्देशन गरेका थिए ।
उनै पुरीको संगठनका नेता गिरी महासंघको प्रदेश अध्यक्ष भएपनि केन्द्रीय महासचिवको निर्देशन विपरीत नगर अध्यक्ष भएका छन् । कपिलवस्तुमै रहेका महासंघका प्रदेश सदस्य चिन्ता परियार माओवादी केन्द्रको शिवराज नगर कमिटीको उपाध्यक्ष निर्वाचित भएका छन् । उनीहरूलाई प्रेस सेन्टर तथा माओवादीका नेताहरूले धमाधम सामाजिक सन्जालमा बधाई दिइरहेका छन् । प्रेस सेन्टरका सचिव माधव बेल्वासेले उनीहरूलाई बधाई सामाजिक सन्जालमा राखेका छन् ।
महासंघका महासचिव रोशन पुरीले आफ्नै संगठनका व्यक्तिले निर्देशन उल्लंघन गर्दा के गर्छन् हेर्न बाँकी नै छ । सामाजिक सञ्चाल लगायतका माध्यमबाट आलोचना आउन थालेपछि माओवादी केन्द्रको उक्त पदबाट राजीनामा दिएको गिरीले सामाजिक सञ्चाल फेसबुकमा व्यक्त गरेका छन् ।
युनिकोड
मिति रूपान्तरण
ग्लोबल आवाज
प्रतिक्रिया